المساعد الشخصي الرقمي

مشاهدة النسخة كاملة : مكتبة اللطميات المكتوبة الحاج باسم الكربلائي



صوت الزهراء
21-07-2008, 02:56 AM
بسم الله الرحمن الرحيم


اللهم صل على محمد وال محمد
==========================
هضموني هضموني


للشاعر :سيد سعيد الصافي


للرادود :: باسم الكربلائي..


هضموني هضموني .. يا بويه هضموني
سكنه العزيزه و سلوتك .. يا بويه هضموني
يابويه شحـﭽـي لك اشصار بحالي .. من ودعتني بويه
لا محنه و اثنين و تمر ببالي .. يالدللتني بويه
حال اليتيمة الضلت بلا والي .. ياليتمتني بويه
يتموني يتموني .. من زغري يتموني
ليش انحرم من شوفتك .. يا بويه هضموني
===========================
هضموني هضموني .. يا بويه هضموني
سكنه العزيزه و سلوتك .. يا بويه هضموني
لمن رجع خيل المهر صديته .. بالدماء مخضب بويه
بويه و مثل طير الـﮕطا اتلـﮕيته .. الطم و انحب بويه
خبرني طاحن يا كتر ناديته .. ﭽـبد المصوب بويه
صابوني صابوني .. بالـﭽـبد صابوني
يوم اللي صابو ﭽـبدتك .. يا بويه هضموني
==============================
هضموني هضموني .. يا بويه هضموني
سكنه العزيزه و سلوتك .. يا بويه هضموني
آنا ادري ما تـﮕدر يابن حامي الجار .. تسمع عتابي بويه
ريتك ﭽـنت و تعاين بحالي شصار .. يكلف مصابي بويه
من شبت بوسط الخيم بويه النار .. حرﮔـت ثيابي بويه
ضربوني ضربوني .. يا بويه ضربوني
لو عاعتنيت بجثتك .. يا بويه هضموني
==============================
هضموني هضموني .. يا بويه هضموني
سكنه العزيزه و سلوتك .. يا بويه هضموني
يا والدي و ﭽـم لوعة لك هدم الحيل .. مرت عليه بويه
خوف و مصيبة و هضم يا بويه و لين .. بالغاضريه بويه
جينا احمل سياط العدا و بين الخيل .. و اسـﮕف بيديه بويه
بنتوني بنتوني .. و الأثر بنتوني
ريتك تعاين طفلتك .. يا بويه هضموني
===============================
هضموني هضموني .. يا بويه هضموني
سكنه العزيزه و سلوتك .. يا بويه هضموني
اصعب مصيبة الهيجت آلامي .. و الـﮕلب مفجوع بويه
راسك ياخيمة عزتي جدامي .. عالرمح مرفوع بويه
ﮔـبل لعيوني انتحب ﮔـلبي الدامي .. دم يبـﭽـي و دموع بويه
ذبحوني ذبحوني .. ﭽـم ذبحه ذبحوني
ناس اللي حزو رﮔـبتك .. يا بويه هضموني
==============================
هضموني هضموني .. يا بويه هضموني
سكنه العزيزه و سلوتك .. يا بويه هضموني
موقف اللي شيب دليلي هو الراس .. و شلون اوصفه بويه
بنت النبي و تتصدق عليه الناس .. يا ألف وسفه بويه
نحت و صحت ﭽـا وينه عني العباس .. صاحب الكلفه بويه
شتموني شتموني .. يا عمي شتموني
ما اظن تقبل غيرتك .. يا بويه هضموني
==============================
هضموني هضموني .. يا بويه هضموني
سكنه العزيزه و سلوتك .. يا بويه هضموني
مجلس يزيد الصوبك لسهامه .. خابت الضنه بويه
خذوني عند اهل الغدر خدامه .. طلبوني منه بويه
يالراسك بوسط الطشت جدامه .. ﮔـمت اصدنه بويه
بعيوني بعيوني .. من شفته بعيوني
بالعصا يضرب شفتك .. يا بويه هضموني
===============================
هضموني هضموني .. يا بويه هضموني
سكنه العزيزه و سلوتك .. يا بويه هضموني
للإستماع من هنا


يتبع

صوت الزهراء
21-07-2008, 02:57 AM
بسم الله الرحمن الرحيم

اللهم صلِ على محمد وآل محمد وعجل فرجهم


يا يوم أشوف أعتابك

الشاعر: جابر الكاظمي
الرادود: باسم الكربلائي







يا يوم أشوف أعتابك .. أوقف حزين ببابك
وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك
وارجع أزورك يا حيدر .. وارجع أزورك
آنه الهويتك .. لا تظن نسيتك

علي وهذا الاسم يسري بشراييني .. نبع يالما تمل شوقك رياحيني
عتب وياك عندي يراوح بعيني .. يمن فرقاك كدّر صفوة سنيني
أريد أحجي بصراحة وياك خليني .. أخاف مكدرات الجو تنسيني

يا بالحسن ما تدري .. صرت اشتريها بعمري
شوفت ضريحك يا حيدر .. شوفت ضريحك
من الفرقة نافذ صبري .. وظلت تعيش بفكري
شوفت ضريحك يا حيدر .. شوفت ضريحك
بروحي اشتريتك .. لا تظن نسيتك

يا يوم أشوف أعتابك .. أوقف حزين ببابك
وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك
وارجع أزورك يا حيدر .. وارجع أزورك
آنه الهويتك .. لا تظن نسيتك

عشت أعوام يمك يا ربيع الحي .. أنا ماعوفك جنت مثل الجُرف والماي
لو صرت بهجير أقصد إلك يا في .. ولو ليلي وقت دلهم أشوفك ضي
غصب من جنتك طلعوني أهل الغي .. وخلوني أظل لا ميت ولا حي

من جنتك حرموني .. برجوة أمل خلوني
كل فكري يمك يا حيدر .. كل فكري يمك
عنك غصب بعدوني .. أمشي وأدير عيوني
كل فكري يمك يا حيدر .. كل فكري يمك
عشت بثنيتك .. لا تظن نسيتك

يا يوم أشوف أعتابك .. أوقف حزين ببابك
وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك
وارجع أزورك يا حيدر .. وارجع أزورك
آنه الهويتك .. لا تظن نسيتك

مو بيدي غصب عفتك يبو الحسنين .. وعنك رحت أتلفت وأدير العين
قلت هالفرقة بالميت شهر شهرين .. طالت يا علي لا سنة ولا سنتين
أناشد عالصبر ما أدري دربه منين .. خذن ثلثين حيلي مخلفات البين

دنيايه نفرت عني .. وحتى الصبر مل مني
مشتاق أشوفك يا حيدر .. مشتاق أشوفك
أغفى بوسادة ظني .. وأصحى على دمعي ووني
مشتاق أشوفك يا حيدر .. مشتاق أشوفك
ياما نخيتك .. لا تظن نسيتك

يا يوم أشوف أعتابك .. أوقف حزين ببابك
وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك
وارجع أزورك يا حيدر .. وارجع أزورك
آنه الهويتك .. لا تظن نسيتك

البعد شيبني يا من فرقتك كلفة .. وجرح شوقي غميج وما وقف نزفه
ليالي الظيم باقن بسمة الشفة .. وسنيني انقضت بالحسرة واللهفة
لجن بعده الأمل بالروح ما يخفى .. وأحس روحي بعدها لهالوقت ترفة

من عيني ينزف موحي .. وآنه بترافة روحي
أرسم خيالك يا حيدر .. أرسم خيالك
هالحبر دم جروحي .. وصرت بصحيفة نوحي
أرسم خيالك يا حيدر .. أرسم خيالك
بروحي لقيتك .. لا تظن نسيتك

يا يوم أشوف أعتابك .. أوقف حزين ببابك
وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك
وارجع أزورك يا حيدر .. وارجع أزورك
آنه الهويتك .. لا تظن نسيتك

بخيالك عايش من سنين وأتحسر .. ولا أدري مصيري شلون يا حيدر
صرت ما أشعر بطعم البرد والحر .. وإذا نسمة هوا تزاحمني أتكدر
جمر ظيمي بصميم حشاي يتوجر .. وبعيني غدت عبراتي تتكسر

ما عندي غفوة بنومي .. ولا صحوة تجلي همومي
حيّرني بعدك يا حيدر .. حيّرني بعدك
مامش سعد بنجومي .. ولا فرحة تسعد يومي
حيّرني بعدك يا حيدر .. حيّرني بعدك
ترحمني ريتك .. لا تظن نسيتك

يا يوم أشوف أعتابك .. أوقف حزين ببابك
وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك
وارجع أزورك يا حيدر .. وارجع أزورك
آنه الهويتك .. لا تظن نسيتك

يا وهجة عشق ناغت خلايا الدم .. إخلافك عمري ذرة وضايعة بمنجم
بغيرك شمل روحي ما بعد يلتم .. يبو الحسنين أنت الجرح والبلسم
يا يوم أوصلك وأكشف سحاب الهم .. وأنفض يم ضريحك كل غبار الهم

يا يوم أصل يم قبرك .. وأنصب مناحة بكترك
وأبجي لمصابك يا حيدر .. وأبجي لمصابك
يالما صفا لك دهرك .. أذكر مرارة صبرك
وأبجي لمصابك يا حيدر .. وأبجي لمصابك
وأذكر رزيتك .. لا تظن نسيتك

يا يوم أشوف أعتابك .. أوقف حزين ببابك
وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك
وارجع أزورك يا حيدر .. وارجع أزورك
آنه الهويتك .. لا تظن نسيتك

أتمنى مثل هاليوم جنت هناك .. وأجدد يم ضريحك هالعهد وياك
وأنصب مأتم على مصابك وأنعاك .. وون ون الثكالى لفقدك وفرقاك
لاجن ما نسيتك عايش بذكراك .. ضميري من البعد يا بالحسن ناداك

بين الدمع والحسرة .. أذكر لهيب الطبرة
يصعب مغيبك يا حيدر .. يصعب مغيبك
من عيني تجري العبرة .. وبين الجوانح جمرة
يصعب مغيبك يا حيدر .. يصعب مغيبك
بالهم بجيتك .. لا تظن نسيتك

يا يوم أشوف أعتابك .. أوقف حزين ببابك
وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك
وارجع أزورك يا حيدر .. وارجع أزورك
آنه الهويتك .. لا تظن نسيتك


للإستماع من هنا



يتبع

صوت الزهراء
21-07-2008, 02:57 AM
بسم الله الرحمن الرحيم

اللهم صلِ على محمد وآل محمد وعجل فرجهم


أم البنين الحرة


الشاعر: جابر الكاظمي
الرادود: باسم الكربلائي

أم البنين الحرة .. مهمومة تجري العبرة
يم بنت محمد هاليلة .. يم بنت محمد
تحجي ويه قبر الزهرة .. بالنايحة وبالحسرة
يم بنت محمد هاليلة .. يم بنت محمد
شارك حزنها .. لمصاب ابنها

اجت أم البنين الأربعة الأقمار
يم قبر الوديعة بضعة المختار
اجتها محملة هموم وغصص وأكدار
ثبت إلها بدمعها أفجع الأخبار

هالطاهرة المنفجعة .. تحجي ويه قبر البضعة
تشرح هضمها بدمعتها .. تشرح هضمها
عليها المحن مجتمعة .. تحجي بلسان الدمعة
تشرح هضمها بدمعتها .. تشرح هضمها
زادت محنها .. لمصاب ابنها

أم البنين الحرة .. مهمومة تجري العبرة
يم بنت محمد هاليلة .. يم بنت محمد
تحجي ويه قبر الزهرة .. بالنايحة وبالحسرة
يم بنت محمد هاليلة .. يم بنت محمد
شارك حزنها .. لمصاب ابنها

وشهقت على القبر شهقة قلب لهفان
صاحت والضمير مسجر بنيران
يالزهرة بناتج اجن للأوطان
لجن ما اجو وياهن الوليان

وحدة على فقد اخوتها .. تبجي وتهل عبرتها
ذايب قلبها ومهمومة .. ذايب قلبها
وحدة لفقد ضنوتها .. ما بطلت ونتها
ذايب قلبها ومهمومة .. ذايب قلبها
فايض جفنها .. لمصاب ابنها

أم البنين الحرة .. مهمومة تجري العبرة
يم بنت محمد هاليلة .. يم بنت محمد
تحجي ويه قبر الزهرة .. بالنايحة وبالحسرة
يم بنت محمد هاليلة .. يم بنت محمد
شارك حزنها .. لمصاب ابنها

من صوت الوديعة ارتفع صوت مصاب
يا أم البنين الأربعة الأطياب
حضرت روحي بالطف تحرس الغياب
شفت كل ما جرى على أولاد داحي الباب

شفت البنين الأربع .. كل من ذبيح بمصرع
دمه يتجاره على الغبرة .. دمه يتجاره
شفت القمر بالمبضع .. جسمه الشريف موزع
دمه يتجاره على الغبرة .. دمه يتجاره
صبرت أظنها .. لمصاب ابنها

أم البنين الحرة .. مهمومة تجري العبرة
يم بنت محمد هاليلة .. يم بنت محمد
تحجي ويه قبر الزهرة .. بالنايحة وبالحسرة
يم بنت محمد هاليلة .. يم بنت محمد
شارك حزنها .. لمصاب ابنها

لن أم البنين تجاوب الزهرة
هالأربع بنين إلهوو على الغبرة
مو هم لون هالعالم بأسره
ما توفي من دم سبط النبي قطرة

دم ابنج اليتجاره .. بقلبي ترك آثاره
فرقة بنيني ما تهمني .. فرقة بنيني
حين اسمعت أخباره .. دلالي هاجت ناره
فرقة بنيني ما تهمني .. فرقة بنيني
شاركها ونها .. لمصاب ابنها

أم البنين الحرة .. مهمومة تجري العبرة
يم بنت محمد هاليلة .. يم بنت محمد
تحجي ويه قبر الزهرة .. بالنايحة وبالحسرة
يم بنت محمد هاليلة .. يم بنت محمد
شارك حزنها .. لمصاب ابنها

يا بضعة محمد هذا دمع العين
دم يجري ويواسي دم وريد حسين
وآنه يالوديعة تحيرت ما بين
رميات المصيبة ونايبات البين

فقد السبط دوهني .. ما تطفى جمرة وني
تفطر دليلي يالزهرة .. تفطر دليلي
راحو بنيني مني .. وحسين فقده يهمني
تفطر دليلي يالزهرة .. تفطر دليلي
تواسيها حنها .. لمصاب ابنها

أم البنين الحرة .. مهمومة تجري العبرة
يم بنت محمد هاليلة .. يم بنت محمد
تحجي ويه قبر الزهرة .. بالنايحة وبالحسرة
يم بنت محمد هاليلة .. يم بنت محمد
شارك حزنها .. لمصاب ابنها

للإستماع من هنا

يتبع

صوت الزهراء
21-07-2008, 02:58 AM
بسم الله الرحمن الرحيم

اللهم صلِ على محمد وآل محمد وعجل فرجهم


كل قطرة دم بشرياني


الشاعر: جابر الكاظمي
الرادود: باسم الكربلائي

كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك

يا هالعايش على رموشي حلم كل لحظة يتجسم
سحر شوقك يبو الأكبر يسايرني بخلايا الدم
جسد وأتمثله كوكب أصد لجروحك أتوهم
أشوفن كل جرح منك ثغر للدنيا يتبسم
عجيبة تنذبح ظامي يلن كل عين إلك زمزم
والأعجب تنزف جروحك وأنت لكل جرح بلسم

دنيانا المشغوفة بحبك بيك تغنت يا حسين
مو بس العابس جنيته كلها انجنت يا حسين

كلها تلهج غدت باسمك .. دمي مو أغلى دمك
جسمي مو أغلى من جسمك .. دمي مو أغلى من دمك

كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك

لون عابس وقف بالطف يصيح الشوق جنني
ملايين أصبحت مثله لونّك عنها تسألني
عشاقى وكل فرد منهم غدا بعابس يذكرني
وكل من أنشده يجاوب يقول حسين هيمني
وأنا بعالم لهيب الطف سيوف الهم يباريني
عجيبة يوذرن جسمك ولا مثلك يوذرني

شبهت جروحك بعيوني والدم يجري يا حسين
والحافر ما هشم صدرك هشم صدري يا حسين

وآنا ريت أنصرع يمك .. دمي مو أغلى من دمك
جسمي مو أغلى من جسمك .. دمي مو أغلى من دمك

كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك

حليف الهم كلف يقدر ودليله بصبره يتورع
على مصابك يبو اليمة وراعة قلبي ما تنفع
تريد أصبر بعد شصبر وأشوفك دامي بالمصرع
اشتظن جفن المحب يغفى وحبيبه على الثرى مقطع
يبو الأكبر لون يذبل نخبره بحالك ويسمع
يفتت كل صخر غيظه ويجود عليك بالمدمع

لو يسمع بمصابك يذبل جان تفطر يا حسين
واشلون آنا العاشق وأصبر بيش أتصبر يا حسين

وآنا همي بكثر همك .. دمي مو أغلى من دمك
جسمي مو أغلى من جسمك .. دمي مو أغلى من دمك

كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك

الحديد تلين لداوود عجيبة عليك يتصلب
ويصير سيوف ويقطع جسد فوق الثرى مخضب
الشمس لو مر عليها الغيم بثياب الخجل تتحجب
اشعجب ما غابت وجسمك تشوفه بكربلا مترب
عجيبة الماي يظل يجري ولا عن خجل يتنضب
ويشوفك ظامي وبكتره دليلك بالعطش يلهب

بهذا الماي اشلون أتهنى وقلبك ظامي يا حسين
اشلون تنام الليلة عيوني وجسمك دامي يا حسين

بروحي وبدمي أخدمك .. دمي مو أغلى من دمك
جسمي مو أغلى من جسمك .. دمي مو أغلى من دمك

كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك

لون خيم علي ليلي بسواد العاشر أتذكر
صور عن ليلة العاشر أعيش وياها وأتحسر
أعانق لجمة جروحي بفضاوة قلبي وأتصبر
ولا صحوة سما بعيني تريضني يبو الأكبر
سوادة ليلي ترسم لي وداعك ويه هالخدر
وأشد على الحزن حيلي لون خيط أسفر

كل مصباح أتذكر يومك يوم العاشر يا حسين
بس موجات المدمع ترحم قلب الشاجر يا حسين

دمعي دم يجري ويكلمك .. دمي مو أغلى من دمك
جسمي مو أغلى من جسمك .. دمي مو أغلى من دمك

كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك

صرت كل ما أصد للنار أذكر جمرة خيامك
لون أسمع طفل يبجي أنوحن وأذكر أيتامك
إذا مني عضو تألم أهيم بسجة آلامك
إذا يومي يخالفني أون لمخالف أيامك
أنا وكل أهلي وأصحابي نذر لتراب أجدامك
يا غالي وأغلى من عمري رخيصة عيوني جدامك

روحي وجسمي وكل ما أملك باسمك صاحن يا حسين
كل ذرات العالم مثلي لجلك ناحن يا حسين

دمي لو تطلب أسلك .. دمي مو أغلى من دمك
جسمي مو أغلى من جسمك .. دمي مو أغلى من دمك

كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك

للإستماع من هنا

يتبع

صوت الزهراء
21-07-2008, 02:58 AM
بسم الله الرحمن الرحيم

اللهم صلِ على محمد وآل محمد وعجل فرجهم

يا حسين هاي عيالك



الشاعر : جابر الكاظمي
الرادود: باسم الكربلائي

يا حسين هاي عيالك . يا حسين هاي أطفالك
يمك لفت خطار . وبكل قلب تذكار
يا حسين هاي أطفالك

هاي الأرامل عودت هالليلة والأيتام .بعد أربعين ويا العدة من أصعب الأيام
ولقبرك بلهفة اعتنت تشكي لك الآلام .من لوعة الكوفة أشد لوعة مرار الشام

شتقول لو تنشدها . شتقول وش ضل عندها
لو تدري بيها شصار . وبكل قلب تذكار
يا حسين هاي أطفالك

يا حسين هاي عيالك. يا حسين هاي أطفالك
يمك لفت خطار . وبكل قلب تذكار
يا حسين هاي أطفالك

حين الي شافت كربلاء هاج الحزن والنوح . تتذكر بهاي الأرض دم ودمع مسفوح
لخيمها مهرك من رجع يخبرها يا مذبوح
واليها يالي منها رحت محتارة وين تروح

وبيوم قطعوا نحرك
وبيوم هشموا صدرك
بخيمها شبت نار
وبكل قلب تذكار
يا حسين هاي أطفالك

يا حسين هاي عيالك
يا حسين هاي أطفالك
يمك لفت خطار
وبكل قلب تذكار
يا حسين هاي أطفالك

تروي لك أخبار السبي متعنية يا مظلوم
من الهضم مثل الكطة بين القبور تحوم
هاي لأبنها تخاطبه يا سلوة أمك قوم
ذيج لأبوها تعاتبه بلوعة وحزن وهموم

ما بين صاحت بويه
ما بين صاحت خويه
دم هلت الأنظار
وبكل قلب تذكار
يا حسين هاي أطفالك

يا حسين هاي عيالك
يا حسين هاي أطفالك
يمك لفت خطار
وبكل قلب تذكار
يا حسين هاي أطفالك

الليلة لعي الأكبر أجت يم قبره تشكي الحال
جرحك تقلل بالقلب متوسع وقتال
ورملة يا جاسم ناذته يا شمعة الآمال
وبليلة الزفة طفت من دمعي الهمال

حنيت يا بني لشوفك
حنيت دم جفوفك
طبع الزمن غدار
وبكل قلب تذكار
يا حسين هاي أطفالك

يا حسين هاي عيالك
يا حسين هاي أطفالك
يمك لفت خطار
وبكل قلب تذكار
يا حسين هاي أطفالك

يم الرضيع تناديه عبد الللع يا رجواي
أقعد أرضعك ذرتي يلما شربت الماي
حرموني منك يا وسف يا دهرتي بدنياي
لا وني بعدك ينقطع لا بطل من بجاي

وشلون أقطع نوحي
وشلون تشفه جروحي
ولكل جرح آثار
وبكل قلب تذكار
يا حسين هاي أطفالك

يا حسين هاي عيالك
يا حسين هاي أطفالك
يمك لفت خطار
وبكل قلب تذكار
يا حسين هاي أطفالك

للإستماع من هنا

صوت الزهراء
21-07-2008, 02:59 AM
بسم الله الرحمن الرحيم

اللهم صلِ على محمد وآل محمد وعجل فرجهم


طفله وشفت بالنوم
الشاعر : جابر الكاظمي
الرادود : باسم الكربلائي

طفله وشفت بالنوم جن والدي المظلوم يمي وياجيني
ويقلي كافي اللوم لابد اجيش بيوم ياطفله تانيني

عليله وعالسهر متعلمه عيوني ما ادري شجاني وغمضت جفوني
رت ساره بطيفي وعالم ضنوني واحس وجهي تغير وانخطف لوني
بس ماغفت هالعين زانطبقت الجفنين لن شاهدت عيني
جن شفت ابوي حسين ويقلي لاتبجين ياطفله تانيني
---------------------------------
ابويا حسين جن شفته حضر يمي وتبدد غيم حزني وزال كل همي
على صدره يضمني ويلهج باسمي يقلي ليش دمعج عالوجن يهمي
ياطفله كافي النوح ضفتي على جرحي جروح منهو اليداويني
لابد هضمنا يروح وارجع وافرح الروح ياطفله تانيني
-------------------------------------
يمسح فوق راسي بجفه ويشمني على صدره الشريف الطاهر يضمني
يقلي حالتج ياطفله تهضمني وهذي دمعتج اكثر تالمني
لابد زمان يعود من السفر مو جود يمج تلاقيني
هذا الصبر موجود لابد ارد ردود ياطفله تانيني
-------------------------------------
عقب ماقعد يمي وضمني الصدره جاوبته بنحيب ونايحه وحسره
يبويا شلون جرح البلقلب يبره وانت بعيد عني وسلوه العبره
اتسلى بالاعبار واتنطر الاخبار ياساعه تلفيني
جاوبني هذا الصار لابد ارد للدار ياطفله تانيني
------------------------------------
عفتني بعلتي ونوحي جمروني غبت والغيبه غيبه واقطعت ضني
بعثت لك جم رساله جم خبر مني وقتلك ليش ماتنشد بعد عني
عن عيني شخصك غاب واتمنى خط كتاب منك يوافيني
متنطره على الباب ماارسلت لجواب ياطقله تانيني
------------------------------------
يبويا عليك احن ماحنت الناقه لعلي الاكبر اخويا شكثر مشتاقه
وعبد الله الطفل يامصعب فراقه صدق ويارقيه اختي اتلاقه
من هالحلم فزيت لن خالي شفت البيت والهم يباريني
دمعه حزن صبيت وينك يمن ناديت ياطفله تانيني
------------------------------------
النوب الحال اصعب صار وتغير ولا ادري الحلم بالعكس يتفسر
بس ايتام رجعت من هلي وخدر وخبرنا الوالد بطف كربلا موذر
والمايمر عالبال بس عايله واطفال رحعت تواسيني
شلون نعكس هالحال جلوين ابوي القاه ياطفله تانيني



للإستماع من هنا



يتبع

صوت الزهراء
21-07-2008, 03:00 AM
بسم الله الرحمن الرحيم

اللهم صلِ على محمد وآل محمد وعجل فرجهم


فضة بحزنها

الشاعر : جابر الكاظمي
الرادود : باسم الكربلائي

ثجيل الهم علي دهري يفضة تراكم و الصبر عني يفضة
سقط محسن دلحقيني يفضة يتمنى الدهر و انقطع بيه


فضة بحزنها تنادي مظلومة بنت الهادي
ضلع ام السبطين انصاب ما بين الحايط و الباب

ضلمة المدينه فضة الحزينه تصيح بقلب مهموم
هلّ دنيا تشهد بضعه محمد هجموا عليها القوم
كسروا ضلعها خلو دمعها علخد يسيل دموم
تبجي اسمعتها بعيني شفتها منها الضلع مهشوم
صوّاب الكسر فاجدها و محسن وقع من عدها
مثل الكوكب لاح و غاب ما بين الحايط و الباب


فضة بحزنها تنادي مظلومة بنت الهادي
ضلع ام السبطين انصاب ما بين الحايط و الباب


بيت الرساله هاتف تعالى داع النوايب صاح
من هل النوايب جور المصايب دمع النواظر ساح
و الزهره ناحت و عليّ صاحت صوت بهضم و نياح
صوت اعتنالي صاحت تعالي يا فضة محسن طاح
جيت ولقيت الزهره محنيه تجري العبره
تشهق و المدمع سجاب ما بين الحايط و الباب


فضة بحزنها تنادي مظلومة بنت الهادي
ضلع ام السبطين انصاب ما بين الحايط و الباب
جيت و اخاطب ام الأطايب بقلبي تواقد نار
امرج اطيعه و انتي الوديعه يا بضعه المختار
شنهو الجرالي يضهمني حالج خبريني شنهو الصار
صاحت يا فضة ما بي نهضه من لوعه البسمار
طيحت جنيني الغالي يا فضة فجعت حالي
محسن خلى بقلبي صواب ما بين الحايط و الباب

فضة بحزنها تنادي مظلومة بنت الهادي
ضلع ام السبطين انصاب ما بين الحايط و الباب



زهره بحزنها تخاطب ابنها محسن ياضي العين
مِن شهادتها جيت انشدتها يالزهره اقصد وين
يصعب حجيها شارت بديها صوب الحسن و حسين
حين قصدتهم جيت وشفتهم عليهم يحوم البين
زينب اختهم يمهم يتصارخون على امهم
ومصاب افجع من مصاب ما بين الحايط والباب

فضة بحزنها تنادي مظلومة بنت الهادي
ضلع ام السبطين انصاب ما بين الحايط و الباب



لن عفت زينب مهمومه تنحب للزهره رحت النوب
جيت اسندتها بإيدي وشلتها شيسند ظلع مصيوب
حين جلبتها يمهم يبتها طاحت عليها قلوب
بنات الإمامه مثل اليتامه تجري الدمع و تلوب
و على الضلع و صوابه نار المهج لهابه
على المصيوبه بغير اسباب ما بين الحايط و الباب

فضة بحزنها تنادي مظلومة بنت الهادي
ضلع ام السبطين انصاب ما بين الحايط و الباب



جمره المصيبه شاجر لهيبه شيطفي جمر النوح
على الزهره نوحي و مهمومه روحي خلصت عساها الروح
دمعي تجارى ليله و نهاره علزهره ضل مسفوح
بحالت كسرها بهضمة دهرها من القلب مجروح
انحب و اصيح بدمعي اشعر تِكسر ضِلعي
من دفعوا امي الاطياب ما بين الحايط و الباب



للإستماع من هنا



يتبع

صوت الزهراء
21-07-2008, 03:01 AM
بسم الله الرحمن الرحيم

اللهم صلِ على محمد وآل محمد وعجل فرجهم


عايلة وأيتام


الشاعر : جابر الكاظمي
الرادود : باسم الكربلائي

عايلة وأيتام من الشام ردينا
خل نعد هموم يا مظلوم خلينا
تشرح لك دموع العين كل مآسينا


بمهج تنثر جمر وقلوب حزنانة رجعنه من اليسر والروس ويانه
إلك يا حسين نشرح هضم دنيانه الدهر تدري الدهر يا صوب ودانه
مشانه بيسر وبحيرة خلانه ما بين إبن هندي وإبن مرجانة

سال دمع العين والعبرات نجريها جينه كل ما صار من أخبار نرويها
يمك يا بو اليمة اليوم بالحزن جينه

عايلة وأيتام من الشام ردينا
خل نعد هموم يا مظلوم خلينا
تشرح لك دموع العين كل مآسينا

جسد عفناك دامي وعلى الثرى مقطع رجعنا لقينا ذاك الجسد بالمضجع
أكشف داري قبرك يا شهم واسمع نروي لك أخبار اليسر بالمدمع
عفناكم جثث كل واحد بمصرع جتالك أمرنا لليسر نطلع

سارحادي النور والأجساد عافوها روسكم يا حسين فوق رماح شالوها
وإنحز وريدك بالسيف وصار حادينا

عايلة وأيتام من الشام ردينا
خل نعد هموم يا مظلوم خلينا
تشرح لك دموع العين كل مآسينا

عقب فرسان غالب وعقب عزتنا وعقب هيبة خدرنه وذيج حشمتنا
لن خيل ومحاشد زيم حاطتنا بعد سلب الخدر هالقوم يتمتنا
غدت تلوق السبي تون على ونتنا وحتى الخيل تتباكى على حالتنا

وينكم ناديت يا من جيت بحماكم رغم كل ما صار لا تظنون ننساكم
ما نعتقد يا الأكرام أنتوا ناسينه

عايلة وأيتام من الشام ردينا
خل نعد هموم يا مظلوم خلينا
تشرح لك دموع العين كل مآسينا

قصص بالكوفة كانت وحملناها ومصايب ما تمر على البال شفناها
الكوفة لمن طلعنا وتركناها للشام بهضم رحنا وقصدناها
الشام وافتنا برزاياها من ساعة اليطبنا ودخلناها

استقبلتنا الناس بالأفراح مصحوبة لن تشوف الروس فوق رماح منصوبة
واحنه على جمرات الآه الها طبينه

عايلة وأيتام من الشام ردينا
خل نعد هموم يا مظلوم خلينا
تشرح لك دموع العين كل مآسينا

الشام شعملت بوالدنا حامي الجار مثل ما صار على الوالد علينا صار
راسك على الرمح يا ضنوة المختار مثل حمل المصاحف حملته الأشرار
بثغرة عصا يزيد شخلفت آثار انشد راسك ويروي لك الأخبار

عقب ذاك الضيم جينه اليوم يم قبرك بمنهل العبرات يجري هموم ويخبرك
بدار الغرب يا مظلوم لا تخلينا

عايلة وأيتام من الشام ردينا
خل نعد هموم يا مظلوم خلينا
تشرح لك دموع العين كل مآسينا

يم قبرك وصلنا واليتامة تنوب نشوف بكل طفل لوعة نبي يعقوب
جم طفلة تناديك بدمع مسجوب ما عنده يا بو اليمة صبر ايوب
نتحمل مرارات ومحن جم دوب وعلى حمل الصبر ما ظلت النه قلوب

نندفن يا ريت كنه وياك وبلحدك هالعمر لا طال يا مظلوم من بعدك
من هو الذي يردنا ردود لأرض المدينة

عايلة وأيتام من الشام ردينا
خل نعد هموم يا مظلوم خلينا

تشرح لك دموع العين كل مآسينا

للإستماع من هنا

يتبع ,,

صوت الزهراء
21-07-2008, 03:02 AM
بسم الله الرحمن الرحيم

اللهم صلِ على محمد وآل محمد وعجل فرجهم


ذبيح مسلب بن امي



الشاعر : جابر الكاظمي
الرادود : باسم الكربلائي

ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي

رحت عنه لون بيدي فلا والله رحت عنه يا ريته أتوسد بطوله وأشم أطيب عطر منه
عفاني وشكثر صبري وأنه بهالحال أشوفنه أعاين جسمه المقطع وأقول شلون أعوفنه

مشيت وغصبا عليه أخويه بلا دفن عفته خذوني عنه مسبية وداع الغربة ودعته
عفت رجواي وأبث شكواي

ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي

رحت لكن عفت قلبي يفرفر يم أبو اليمة يقولي روحي يا زينب وتريكيني أضل يمه
أريدن أحسب جروحه وأريد أتعفر بدمه وأجبر كسرة ضلوعه وأحن وأذكر ضلع أمه

صحت يا قلبي لا تقولي يا زينب روحي خليني أريدك بالدرب خلي على الونه تسليني
أسير وياي وأبث شكواي

ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي

تصوب من زغر قلبي لون ينوح ما لومه لون ما لزمت ضلوعه وقع من شدة همومه
سبية ومن على الناقة شبحت عيوني على الحومة شقول وشفته على الغبرة أخوي مسلبة هدومه

وعلى الرمح دامي أعاين راسه يبرالي وأصد له بنظرة لآلامي وأصيح شبيدي يا الوالي
ولوني عداي وأبث شكواي

ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي

بعد غيبة هضم طالت اجيت أنشد على بن أمي شفت طف كربلاء بعيني وتهيج بالقلب همي
ذكرت الخيل من غارت علي وحرقت خيمي يتامه وعيلة مذعورة وعليل بيا وضع يمي

طحت بين الي يلوعني على متني بصوت يضربني وهذاك بجفهيدفعني وهذاك اليسر يسبني
ذهيلة تراي وأبث شكواي

ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي

وعلي السجاد الي بجفه على قبر حسين ضل يوحي مثل طير الفقد وتره تحوم على القبر روحي
أدي على القبر دارت حضنته بلوعتي ونوحي صحت يالي نشفت جروحك بعد ما تنشف جروحي

يا خويه من سكن ونك وحقك ما سكن وني اذا قلت لي غبت عنك فلا ساعة الي غبت عني
نظر بحشاي وأبث شكواي

ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي

لون يا حسين تنشدني يا خويه وين ودوني وعلى مصاب الي جرى علي تجاوب دمعة عيوني
تمنيتك تطر قبرك تقوم تعاين متوني وأشد موقف يا بو اليمة ليزيد الطاغي جابوني

شماتة ضل يناشدني وعلى الكفن ضعني وانه قباله ويشاهدني سبية ودهري فاجعني
بقت بحماي وأبث شكواي

ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي

للإستماع من هنا

يتبع ,,

صوت الزهراء
21-07-2008, 03:03 AM
بسم الله الرحمن الرحيم

اللهم صلِ على محمد وآل محمد وعجل فرجهم


نتأمل يومك يالمهدي



الشاعر : جابر الكاظمي
الرادود : باسم الكربلائي

نتأمل يوم يالمهدي وصوتك نتظره
ياثار الزهراء المظلومه ياثار الزهراء
ترفع صرخات ياللثارات
نتأمل يوم يالمهدي وصوتك نتظره
ياثار الزهراء المظلومه ياثار الزهراء

متى يالواهبك ربك شواخص من عزم حيدر
تشيل بجفك الرايه وتزيل بسيفك المنكر
الروايه اتقول انوارك من ركن الحجر تظهر
وتجر ترسانة جيوشك كتيبة موت تتصدر
وبذيك الساعه الموعوده والحال ال يحزن
تتذكر كسرة ضلع امه ووتذكر محسن
تدوي الصيحات ياللثارات

++++++++++
جهنم لو خفق سيفك على رقاب العدى ممدود
تسله وتجعل بجفك افلاك المنايا تدور
اتصيح بصوتك يالرهب وين اهل الكفر والجور
وحق لوعة سقط محسن وضلع الطاهره المكسور
مااترك ديار بدراه وكل منزل قايم
اقلب سافلها بعاليها ويسمع كل ظالم
هاي الاصوات ياللثارات

++++++++++

شلون اتناسى ضلع امي وهجوم الي جرى عالدار
شلون اغمد بعد سيفي وانسى نكبة المسمار
مثل ماهجموا وحرقوا دار ام الوديعه بنار
اليوم احرق عروش الجور لهيب الرمح والبتار
آنا الموعود وآنا الي ضلع امي اتهشم
هاليوم اجعل رمح البرزخ والسيف اجهنم
ينثر جمرات ياللثارت

+++++++++
تروح بوجدك وحزنك يالمهدي وتصد للباب
تصيح بدمعك ال يجري هنا ضلع الوديعه انصاب
وهنا طيحوا محسن وصدر بنت الرسول انعاف
وترجع للعدى بسيفك وتتحصد للاعادي ارقاب
تصرخ ياضلع من الزهراء بالباب اتكسر
واتجدد يالمهدي بسيفك صفين وخيبر
تجذب حسرات ياللثارات

+++++++++

لونك تقلب الوسعه وتزلزلها بغضب سيفك
لونك تجعل الاجساد مرتع والوحش ضيفك
ماظنك يبو صالح تشعر حققت طيفك
لو ظلم الاعاديك ماخد ثارك وحيفك
يالمهدي ولو سيفك زلزل اركان الوسعه
مايعادل هالدمعه من دموع البضعه

اتصيح العبرات ياللثارات

للإستماع من هنا




يتبع

صوت الزهراء
21-07-2008, 03:03 AM
صلِ على محمد وآل محمد وعجل فرجهم

" بأي ذنبٍ فجروا المرقدين "

للشاعر: أبو أيمن الإحسائي
الرادود: باسم الكربلائي


بأي ذنبٍ فجروا المرقدين ..
و استكبروا إذ هدموا القبتين ..

يا حجة الباري بقلبٍ جريح .. جئنا و صوت الحزن منا يصيح
تباً لمن فجر ذاك الضريح .. و الويل كل الويل للحاقدين

بأي ذنبٍ فجروا المرقدين ..
و استكبروا إذ هدموا القبتين ..

من هدم القبة طاغٍ جريء .. للحق بالمنكر أضحى يسيء
و الدين من ما قد جناه بريء .. ليس لمن أفسد في الأرض دين
شُلت يد الإرهاب حين اعتدى .. و اغتال بالأحقاد صرح الهدى
لكن جهود البغي ضاعت سُدى .. فالنور يبقى يملأ الخافقين

بأي ذنبٍ فجروا المرقدين ..
و استكبروا إذ هدموا القبتين ..

مولاي ما أقسى الخنا و الجحود .. من زمرةٍ فاقت فعال اليهود
ظنوا بأن الهدم يمحوا الخلود .. لما بسامرا عثوا مفسدين
يا سيدي ما زال نزف الدماء .. يشكو رزايا معشر الأبرياء
إذ جُزِروا ظلماً بجسر الفداء .. دماؤهم قد روَت الرافدين

بأي ذنبٍ فجروا المرقدين ..
و استكبروا إذ هدموا القبتين ..

عادت مآسي كربلاء من جديد .. و عاد بالإرهاب حكم العبيد
في كل عصرٍ سوف يأتي يزيد .. يريد بالطغيان قتل الحسين
مولاي قد عادت ثمودٌ و عاد .. إذا أكثروا بالأرض نشر الفساد
طابت مساعي الجور و الإضطهاد .. و الناس و العزة للمؤمنين

بأي ذنبٍ فجروا المرقدين ..
و استكبروا إذ هدموا القبتين ..
للإستماع من هنا

يتبع ,,

صوت الزهراء
21-07-2008, 03:05 AM
بسم الله الرحمن الرحيم

اللهم صلِ على محمد وآل محمد وعجل فرجهم


" حادي الظعن "
للشاعر: المرحوم ملا عطية الجمري
للرادود : باسم الكربلائي

حُسين .. حُسين حُسين
حُسين .. حُسين حُسين

يَحسين حادي ظعونا عزم على الشيل .. من الصبح دنوا لينا نوﮒ المهازيل

ما أشوف أنا يَحسين غير جبال الهموم .. تترادف ﮔـبالي يا خويه مثل الغيوم
من حنة الأيتام صرت بحال ميشوم .. و احنا حرم تدرون ما نسلك بلا كفيل

حُسين .. حُسين حُسين
حُسين .. حُسين حُسين

ﭼيف الحريم بغير والي تـﮕطع البيد .. و الشام يَبن امي علينا دربه بعيد
مشي الحريم بليل فوﮒ الهزل انشيل .. لو عثرت الهوادج لازم تميل

حُسين .. حُسين حُسين
حُسين .. حُسين حُسين

محمل سكينه لو تزلزل من يجي له .. و لو طاح من عندنا طفل يا هو يشيله
و حادي الظعن ترويعنا يبرد غليله .. و هالبر الأﮔـشر ما تـﮕطعه الا الرجاجيل

حُسين .. حُسين حُسين
حُسين .. حُسين حُسين

و حرﮒ الخيم يَحسين ما خلى لنا حال .. و حريمكم ذوب ﮔـلبها فـﮕد الرجال
و الله ما ضل النا جلد لركوب الجمال .. ما غمضت عيني و لا ساعة من الليل

حُسين .. حُسين حُسين
حُسين .. حُسين حُسين

يردونا نسافر يَبعد أهلي و نخليك .. يا ليت من ﮔـبل السفر نـﮕعد نواريك
هذا الفارﮒ و وين يَبن أمي نلاﮔـيك .. لَـتـﮕول خلتني العزيزه بغير تغسيل

حُسين .. حُسين حُسين
حُسين .. حُسين حُسين

لَـتـﮕول عني سافروا ما ودعوني .. شالوا خواتي و للـﮕبر ما شيعوني
يا ليتهم وياك بالبر يتركوني .. و لا روح حسره اميسره فوﮒ المهازيل

للإستماع من هنا

يتبع ,,

صوت الزهراء
21-07-2008, 03:06 AM
بسم الله الرحمن الرحيم

اللهم صلِ على محمد وآل محمد وعجل فرجهم


"ويلي على المسموم "




للشاعر: ملا عطيه الجمري
الرادود : باسم الكربلائي

ويلي على المسموم ..
ويلي على المهموم ..

يا ﮔـلب ذوب و يا دمع عيني تفجر ..
للي ﮔـضى بسجن الرجس ﮔـللبه تفطر ..

ويلي على المسموم ..
ويلي على المهموم ..

ما شاف بالدنيا و لا ساعة هنيه ..
سرداب مظلم جرع كاسات المنية ..
بالسجن ما يعرف نهاره من العشية ..
هضم و صبر ﮔـللبه تفطر و الصبر موت ..

ويلي على المسموم ..
ويلي على المهموم ..

آمر الطاغي تشيل ابن جعفر حماميل ..
شالوا الجنازة و لا مشت خلفه رجاجيل ..
و على الجسر ذبوه و برجله زناجيل ..
و ﮔـللوب شيعتهم عليه بنار تسعر ..

ويلي على المسموم ..
ويلي على المهموم ..

شيعة علي كرار فجعتهم شديده ..
من عاينوه مغلل و بالساﮒ ﮔـيده ..
مطروح فوﮒ الجسر ما فكوا حديده ..
صاحت يَبو ابراهيم يومك صاير أﮔـشر ..

ويلي على المسموم ..
ويلي على المهموم ..

عزنا تبدد يا فخر طيبة و تهامة ..
كل يوم نترجاك تطلع بالسلامة ..
ثاري الدهر بـﮕللبونا صوب سهامه ..
فوﮒ الجسر مطروح يا موسى ابن جعفر ..

ويلي على المسموم ..
ويلي على المهموم ..

ردت الشيعة تنوح و الحالة شنيعه ..
ينادون بالذلة و مصيبتهم فظيعه ..
فوﮒ الجسر مطروح يا كعبة الشيعة ..
بالسم فتوا مهجتك و اللون مخضر ..

ويلي على المسموم ..
ويلي على المهموم ..

يَولاد عدنان و مضر قلَت الغيرة ..
عن جسر بغداد ارفعوا شيخ العشيرة ..
ذبوا العمايم و امشوا بجانب سريرة ..
ثوروا ترى ما من صديج عليه ينغر ..

ويلي على المسموم ..
ويلي على المهموم ..

للإستماع من هنا

يتبع ,,

صوت الزهراء
21-07-2008, 03:07 AM
بسم الله الرحمن الرحيم

اللهم صلِ على محمد وآل محمد وعجل فرجهم


"يالزاير طوف"



الشاعر : السيد سعيد الصافي
الرادود : باسم الكربلائي

يالزاير طوف طوف حضرتها
وبعينك شوف شوف هيبتها
لو ماتت زينب مظلومه
ماذلت عاشت محشومه
طوف بكل يقينك وانظر القدره
وادرك هالشموخ بعقلك وفسره
شلون دخلت الى هالبلد متيسره
اميره على الحزن واليسر منتصره
وبتاج الكرامه اصبحت مفتخره
وبنور الجلاله اتنور الحضره
بحساسك زور زور مرقدها
تسلتهم نور نور من عندها
واتذكر فضل المعصومه
ماذلت عاشت محشومه

+++++++

زينب خالق الاكوان سماها
من بلغ بأسمها المصطفى طه
زينه من الجنان الحيدر انطاها
وخل انشوف يابيت الي رباها
امها فاطمه ال راد الله مرضاها
وابوها سيد الثقلين واتقاها
من اشرف بيت بيت منبعها
من تخطب ليت ليت تسمعها
حيدر غذاها من علومه
ماظلت عاشت محشومه

+++++++

اشرح لك وضعها من صغر سنها
واحجيلك مناقب بالصبر عنها
واحسب لك اسهام اشكثر صابنها
دوهنها الزمان بغدر دوهنها
يوم الباب كسرو جم ضلع منها
مابطل دمعها ولاهجع ونها
زينب من طاح طاح طاح والدها
ذاك العز راح راح من عندها
يتمها وظلت مالومه
ماذلت عاشت محشومه

+++++++

زينب عن صبرها جم خبر مذكور
واصعب خبر يوم العاشر بعاشور
وبياحال مابين الضحايا اتدور
وخاطرها الغريبه من الحزن مكسور
وشالت بين ايديها جثت المنحور
واتوجهت للباري بقلب مجمور
هاك انظر حال حال حال بنت حيدر
والمدمع سال سال سال علـ منحر
هذا اعظم موقف في الحومه
ماظلت عاشت محشومه

+++++++

اقصد زينب بقلب الـ يجد ازحوف
هاي الي اسمها بالقدر معروف
وجان الها ستر متميز وموصوف
وتطول العقيله خيال مامشيوف
ولا صوت المثل باقي النساء مألوف
تال امست سبيه وبالاقطار اتطوف
شافت جم عين عين عين حالتها
عن زينب وين وين وين ياخوتها
تنخاكم نخوة مهضومه
ماذلت عاشت محشومه

+++++++

زينب هاي زينب آية التمجيد
جاه وينه الامير ووين قصره يزيد
هاي الوقفت اقباله الحبل بالاييد
قالت له يطاغي اش ماتريد اتكيد
ماتمحي ذكرنا اتعيش ظن بعيد
توبيخه ودمك جا بعد شيفيد
تنتظرك نار نار نار ماتطفى
ويفضحك عار عار مايخفى
وهاي الـ دخلت لك مهمومه
ماذلت عاشت محشومه
للإستماع من هنا

يتبع,,

صوت الزهراء
21-07-2008, 03:08 AM
بسم الله الرحمن الرحيم

اللهم صلِ على محمد وآل محمد وعجل فرجهم


"ريحانة المصطفى "
الشاعر : جابر الكاظمي
الرادود :باسم الكربلائي


ريحانة المصطفى يا كعبة للوفى المجد فيك أكتفى يا ساكن في الروح
يا حســــــين يا حســـــــين يا حســين يا مذبوح

صوت الحقيقة اعترف للناس حبك شرف ياقبلة الآمال
يحسين انت الوفي بيك المجد يكتفي يمحرر الأجيال
يا أغلى دم انسفك عطل مدار الفلك عالغبراء لمن سال
رب الجلاله ارفعك صار الرمح موضعك راسك عليه انشال
رأسك فوق القناة اضحى لواءا لنا خلقت قبل الضنا خلقت قبل اليوم
يا حســـــــين يا حســـــين يا حســــين يا مذبوح
ريحانة المصطفى يا كعبة للوفى المجد فيك أكتفى يا ساكن في الروح
يا حســــــين يا حســـــــين يا حســين يا مذبوح

دمك ابد مانشف كل جرح منك نزف بيه حكمة ارحمن
يحسين دم النحر باللوح تارك أثر والعرش والميزان
هذاالسبط ينذبح ونشوف اثر كل جرح من نفتح القرآن
كل آيه دمك نهر ترجم معاني السور يموضح الفرقان
ياسيدي هاهي دماؤك الزاكيه لربها داعيه من جرحك المفتوووح
يا حســـــــين سا حســــــــــــين يا حســـــــين يا مذبوح
ريحانة المصطفى يا كعبة للوفى المجد فيك أكتفى يا ساكن في الروح
يا حســــــين يا حســـــــين يا حســين يا مذبوح

يا حسين لمن طحت فرض الصلاة وضحت وتشاهدك هالقووم
مطروح فوق الارض ساجد تأدي الفرض للخالق القيوم
ظامي وطحت عالترب وبعطش ذاك القلب ثبتت فرض الصوم
زكيت بذل النفس وتريد من هالدرس فرض الزكاة يدوم
يا قبلة للابا طافت عليك الظبا خامس اهل العبا اوحى اليك الروح
يا حســـــــــين يا حســـــــــــــــين سا حســـين يا مذبوح
ريحانة المصطفى يا كعبة للوفى المجد فيك أكتفى يا ساكن في الروح
يا حســــــين يا حســـــــين يا حســين يا مذبوح

لمن رموك بحجر تواسي الي راسه انطبر واتخضب المحراب
واضلوعك مهشمة اتواسي ضلع فاطمة من انكسر بالباب
كبدك رموه بسهم هالرميه واست الم كبد الحسن من ذاب
بنورك عدن زاهرة رغم الدما الي جرى نورك ابد ما غاب
نورك لما زهى في سدرة المنتهى نمت غصون لها من دمك المسفووح

يا حســـــــين يا حســــــين يا حســـين يا مذبوح
ريحانة المصطفى يا كعبة للوفى المجد فيك أكتفى يا ساكن في الروح
يا حســــــين يا حســـــــين يا حســين يا مذبوح

يحسين جينا الك ونشاهد بمصرعك بدم اسرار
ظل الجسم مرتهن بلابه غسل لاكفن من حكمة الجبار
وثلث ليالي يتم فوق الارض هالجسم رب الجلا له اختار
حتى الملايك تمر تحج يمك وتعتمر وتنزل الك زوار
لبيك رب العلى نحن اعتمرنا الى من مات في كربلا فوق الثرى مطروح

يا حســــــــــين يا حســــــــــــين يا حســـــــــــين يا مذبوح
ريحانة المصطفى يا كعبة للوفى المجد فيك أكتفى يا ساكن في الروح
يا حســــــين يا حســـــــين يا حســين يا مذبوح

نزلت املاك السما لن شافتك بالدما من منحرك نخضوب
جبريل يمك نزل ميكال مدمع همل .من شاهدك مسلوب
واعليك فطرس يحن لن شافك بلا دفن والصرخة من كل صوب
صاحوا يشبل الطهر عظم الله الاجر بمصابك المكتوب
ياذاويا بالعرى يامرملا بالثرى عليك دمعي جرى من جفني المقروح

يا حســـين يا حســــين يا حســــتين يا مذبوح
ريحانة المصطفى يا كعبة للوفى المجد فيك أكتفى يا ساكن في الروح
يا حســــــين يا حســـــــين يا حســين يا مذبوح

يا حسين يامن الك ناح وحزن كل ملك فجعت الاملاك
كل ما يلوح الفجر من منحرك ينتثر .دمك على الافلاك
واحنا اعلى هاي لصفه دمع الحزن نذرفه يبن النبي وننعاك
مهما يطول العمر ما ينخمد هالجمر يتوهج لذكراك
ياذاويا بالعرى يامرملا بالثرى عليك دمعي جرى من جفني المقروح
يا حســــــين يا حســـــــــــين يا حســـــــــــين يا مذبوح
ريحانة المصطفى يا كعبة للوفى المجد فيك أكتفى يا ساكن في الروح
يا حســــــين يا حســـــــين يا حســين يا مذبوح
للإستماع من هنا

يتبع

صوت الزهراء
21-07-2008, 03:09 AM
بسم الله الرحمن الرحيم

اللهم صلِ على محمد وآل محمد وعجل فرجهم


وعدك وينه

وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول

ياعباس انت الكافلنه .. وانت الضيغم والصنديد
جيت اشرحلك حال اعيالك .. عطشانه و للماي تريد
أطفالك ما تقدر تصرخ .. صارت توميلك بالإيد
وهذا الشاطي اقبال خيامك .. لا لاتقول الشاطي بعيد
لا تخلينه .. لا تخلينه
بهذا الموقف .. لا تخلينه
تتراجف منك هالجيش .. صابر عن هالموقف ليش ؟

وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول


كلساعه طفله تمر قبالي .. توقف يمني وتحجي وياي
ما افهم منها شماتحجي .. لا اسمع بس جلمه ماي
منهو يصبر هاي الطفله .. حاجيني وباصرني براي
تقعد لو تطلع للشاطي .. بكيفك ظلت يمك هاي
ياوالينه .. ياوالينه
بيدك جودك .. ياوالينه
وانت العارف و الحساس .. ظلت يمك ياعباس


وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول

ما اشرح حال الخدر .. اشرح بس حال الأطفال
طفلين من اطفالك وقفوا .. يحجون بمدمع همال
واحد ينشد من الثاني .. شتقول انته بهذا الحال
يطلع عمنه الماي يجيبه .. لو نبقه بجمر الدلال
يعلم بينا .. يعلم بينا
شاف الحاله .. يعلم بينا
خل نطلع يم عمنه نروح .. و نقله بمقطع مسفوح

وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول

خل أدرك حالة اطفالك .. و اشرح لك حاله الرضعان
كل ساعة اسمع واحد يصرخ .. وامه تحاجيه بأحزان
هاك ارضع من دمعه عيني .. حتى المدمع هم خلصان
ظلت يم عمك يوليدي .. بس هوه اليروي العطشان
شبحت عينه .. شبحت عينه
حتى اليرضع .. شبحت عينه
ما عنده اللسان يحاجيه .. باللسان بدمعه يناديه


وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول


شال السيف و هاج و اغبر .. والرايه ترف اعله الراس
صارت ضجه بباب اخيامه .. وحده اتحذره من الأرجاس
وحده تحب جفوفه وتقله .. لا تتأخر ياعباس
وحده تصيح ارجع ياعمي .. لا توليك اشرار الناس

لوظلينه .. لوظلينه
بهاي الحاله .. لوظلينه
بس دمعات العين تزيح .. كل ساعه يسمع طفله تصيح

للإستماع من هنا

يتبع ,,,

صوت الزهراء
21-07-2008, 03:10 AM
بسم الله الرحمن الرحيم

اللهم صلِ على محمد وآل محمد وعجل فرجهم


طال الوعد طال





طال الوعد طال يا موعود يا موعود
طال الوعد طال يا موعود يا موعود

يا المنتظر حكم القدر محتوم
دمعي كتب هذا العتب واللوم
يا بن الحجج متى الفرج يا يوم
نحمل صبر ندري الأمر مقسوم

ما ضلت آمال يا موعود يا موعود

طال الوعد طال يا موعود يا موعود
طال الوعد طال يا موعود يا موعود

يا بن الحسن صوت السنن ينخاك
وانت تعلم يصعب ألم فرقاك
طال الوعد يلي بالشدد ردناك
هجرك صعب يلي بالقلب مغناك

دمع العتب سال ياموعود يا موعود

طال الوعد طال يا موعود يا موعود
طال الوعد طال يا موعود يا موعود

بين الظلم عيشة بهضم شتفيد
غير الوفة والمعرفة ما نريد
الي يزرع جهل يحصد فشل تأكيد
تاج الفهم لأهل العلم تخليد

ويفيد الأجيال يا موعود يا موعود

طال الوعد طال يا موعود يا موعود
طال الوعد طال يا موعود يا موعود

كل تجربة وكل منقبة عرفنه
بالمجتمع بس الخدع شفنه
من الطاغية كم خافية كشفنه
لأجل الهدف كعبة شرف طفنه

ركن الصبر مال يا موعود يا موعود

طال الوعد طال يا موعود يا موعود
طال الوعد طال يا موعود يا موعود

دار الفلك نتأملك ونقول
عن هالمحن ابن الحسن مسؤول
بقيد الام نهج القيم مغلول
ومن الحزن دمع الجفن مهمول

هالدمع همال يا موعود يا موعود

طال الوعد طال يا موعود يا موعود
طال الوعد طال يا موعود يا موعود

يا بن الي جره فوق الثرى دمه
نجري الدمع للمنصرع جسمه
بين الاسل غاب وافل نججمه
بلوح القيم خط القلم اسممه

جدك بهالحال يا موعود يا معود

طال الوعد طال يا موعود يا موعود
طال الوعد طال يا موعود يا موعود

بقلبه ثبت حزنه زنبت بحشاه
تالي غدرت وتكدرت دنياه
قلبه انفجع جبده انقطع بضماه
حيلة بضهد ما ضل سند وياه

بس حرم وأطفال يا موعود يا موعود
طال الوعد طال يا موعود يا موعود
طال الوعد طال يا موعود يا موعود

للإستماع من هنا

يتبع ,,

صوت الزهراء
21-07-2008, 03:11 AM
بسم الله الرحمن الرحيم

اللهم صلِ على محمد وآل محمد وعجل فرجهم


صلى عليك

صلى عليك مليكُ السماء
جسمٌ صريعٌ في العراء مقطعُ الاعضاء
سليب حسين
غريب يا حسن

مو آية وحدة بهذي نزلت آيات
بيها الكتاب يصرِّخ
شما بالسما و الأرض من مخلوقات
بسم الإله تسبِّح
بمعناها يشعر عالم الموجودات
باليحزن و باليفرح
و بهالشعور عليك ناحت كل ذات
وادي الطفوف يوضّح
بكى عليك ضميرُ الجماد
ثم ارتدى ثوبَ الحداد يا مُبكي الأطواد
عجيب حسين
غريب يا حسين

أول صواب الحجر لمن صابك
ذاك الجبين اتهشّم
هذا الحجر ظل ينحب على مصابك
و أصبح جبينك مأتم
سهم المثلث سِجَد يم أعتابك
أدى التحية و سلَّم
و من صوب چبدك ظل يحن لصوابك
ألّمك و هو تألم
شابت عليك رؤوس النبال
و بكتك صالية القتال من محجرٍ هطّال
حبيب حسين
غريب يا حسين

لمن طِحِت و استقبلت وجه الله
بدم الجروح الترعف
تعناك شمر الخنا و سيفه بيمناه
لقطع النحر متلهف
و عالنحر من وصّل السيف و خلاّه
سيف الشمر ظل يرجف
هالسيف ظل يبچي على نحرك و دماه
و على الجراح التنزف
بكت عليك عيونٌ سيول
و تراب بادية الطفوف في خطبك المعروف
تريب حسين
غريب يا حسين

عن جثتك يا حسين راسك فصلوه
جسمك صريع مترَّب
تراب الأرض يبچي على حالك خلاّه
بموجة دماك تخضّب
و الشمس من شافت وريدك قطعوه
بالحزن ظلت تلهب
راسك براس الرمح لمن شالوه
حتى الرمح ظل ينحب
جرت عليك دموعُ الرماح
و بكتك بارقة الصفاح يا من إلى الأرواح
أديب حسين
غريب حسين

والدك يوم الحشر هو الميزان
و بچفه حوض الكوثر
شلون انته ابنه تموت بالطف عطشان
چبدك ذِبَل و اتطفر
نهر الفرات اليوم منك خجلان
من چبدتك يتعذر
خلوك يمه بلا غُسِل بلا أچفان
مغسَّل بدم المنحر
ناحت عليك ضفاف الفرات
دمعٌ و موجٌ جاريات و أنتَ في الفلوات
خصيب حسين
غريب يا حسين

للإستماع من هنا

يتبع ,,

صوت الزهراء
21-07-2008, 03:12 AM
بسم الله الرحمن الرحيم

اللهم صلِ على محمد وآل محمد وعجل فرجهم


{{ياشايل نعش الوالي}}

ياشايل نعش الوالي ريض مشيتك
تانني ورحم حالي وآنا رتيجتك ياشايل نعش الوالي
ارد اودعه من تشيعه ريض مشيتك
صحت والهم تبلاني يلوج المدمع بعيني
يهداك الله يهالشال نعش والينا تانني
اريد تريض الممشى تراني الهضم عاميني
وهيس نشفت دمومي ولا قطره بشراييني
لوين بهالنعش قاصد اريدك تسمع اونيني
اسوم عليك ابو الزهراء اودع الوالي خليني

انا الحره المظلومه هاي آنا زينب
لمن ينحب لا تلومه قلبي يتعذب
لا تفجعه ومن تشيعه ريض مشيتك

ياشايل نعش الوالي ريض مشيتك
تانني ورحم حالي وآنا رتيجتك
ارد اودعه من تشيعه ريض مشيتك
+++++++++

ياشيال النعش ريتك تهون غمرة المسرى
يريتك ترحم بحالي اودع والد العتره
قبل ماتوصل للحده تخطه بيدك تحفره
قبل ماتنظر عيوني ابويا موسد بقبره
اريد اليوم اودعنه واشمه بموضع الطبره
واغسل شيبته بدمعي وحنيني ولهفتي الحسره

وآنا بحسراتي وهمي ظليت اكابر
راح الوالي من يمي بيمن اصابر
وش يرجعه من تشيعه ريض مشيتك

ياشايل نعش الوالي ريض مشيتك
تانني ورحم حالي وآنا رتيجتك
ارد اودعه من تشيعه ريض مشيتك
++++++++++

قبل لاتوصل القبره تنزل نعشه ياريتك
اشكثر يمشيع الوالي تمنيته وترجيته
يبو الحمله اريد احجي واقله كيف غدريته
عقب عينك ياضي البيت مظلم ياعلي بيتك
ياريت الموت ياخدني تعيش انته تمنيتك
مثل دم طبرتك دمعي يصب وبدمعي واسيتك

اتمنى تعيش ابدالي ميته عساني
يالمتبعد عن بالي فقد ولاني
بعيني دمعه ومن تشيعه ريض مشيتك

ياشايل نعش الوالي ريض مشيتك
تانني ورحم حالي وآنا رتيجتك
ارد اودعه من تشيعه ريض مشيتك
+++++++++

اشكثر اتحمل واصبر واكابر على هالحزن والهم
اطش هموم حسباتي بعد لحظه ترد تلتم
قبل وجه الولي ياريت وجهي ينخضب بالدم
ولاهذا النعش القاه محمول اعلى جف الغم
ادور بلسم الجرحي شفت بس الدمع بلسم
قلت يشافى بدموعي الجرح لن اكثر اتألم

اقسم واحلف بالطبره اتمنى موتي
ناديت بصوت العبره مايخفى صوتي
هان اسمعه من تشيعه ريض مشيتك

ياشايل نعش الوالي ريض مشيتك
تانني ورحم حالي وآنا رتيجتك
ارد اودعه من تشيعه ريض مشيتك
+++++++++

الوذ بكاسرالويلات واطوف بموجة المدمع
واشيع هالنعش وياك عسى نعشي له يتشيع
ياراكب مااخد روحي وانا بحرمة المضجع
ولا احظى لعند مدفن ابويا الفارس الانزع
الدهر من صغر يتمني بعد من عنده شتوقع
المصايب تمرح بجبدي تفطر جبدي واتصدع

طاح الوالي ومن بعده ادموعي جراهن
وشموع الدنيا بفقده كلهن طفاهن
شمعه شمعه من تشيعه ريض مشيتك

ياشايل نعش الوالي ريض مشيتك
تانني ورحم حالي وآنا رتيجتك
ارد اودعه من تشيعه ريض مشيتك
للإستماع من هنا

يتبع ,,

صوت الزهراء
21-07-2008, 03:13 AM
بسم الله الرحمن الرحيم

اللهم صلِ على محمد وآل محمد وعجل فرجهم


((يا ريح الهاب))

يا ريح الهاب وياك وديني ..
ازور احباب غياب عن عيني ..
سفرهم طال .. وانا بهالحال ..
ازور احباب غياب عن عيني ..

عليله وذاب دلالي خلـص بـالآه والــونه ..
ابوي حسين فارقني وخبر لليوم مامنه ..
اخذ وياه كل اهلي .. قطع رجواي والضنـه ..
اريد وياك تاخذني .. يا ريح الهاب واتعنى ..
على النسمات يا ريح خليني ..
واشوفن وين .. وياي دليني ..
ضعنهم شال .. وانا بهالحال ..
ازور احباب غياب عن عيني ..

بوجود حسين يتنافح .. ملاحه وطيب مراعي ..
عفاني اشلون اتحمل .. غصص وهموم دنياي ..
وانا الماجان يتهاون .. شريج الروح وياي ..
ندهني وسار للممشى .. وعقبني وشال حداي ..
حدى الحداي .. ناديت تاليني ..
يا حادي النوق .. وياك مشيني ..
مشى ولا قال .. وانا بهالحال ..
ازور احباب .. غياب عن عيني ..

جزاني وفاة حاديهم .. عساه يكون لا طوع ..
قطع بالنوق وعيوني .. على الركبان تتشبع ..
مشى وضليت عالبيدا .. بنظر ما يوس اتلمع ..
ترك بالروح حسراتي .. ومصب العين دم يسفع ..
علل وهموم .. والبين واليني ..
سعير الشوق .. لو هاج ياذيني ..
الهجر جتال .. وانا بهالحال ..
ازور احباب .. غياب عن عيني ..

يا ريح الهاب احجيلك وانا الحسبات تشغلني ..
نذر انطيك كل عمري .. لو ان وياك تحملني ..
اسوم عليك بارينا .. الضعن وياه يوصلني ..
وابوي حسين لو شفته ياريح الهاب نزلني ..
تراني الضيم والبين عاميني ..
من الحسبات .. مليت تدريني ..
شيضل عالبال .. وانا بهالحال ..
ازور احباب .. غياب عن عيني ..

ابوي حسين دوهلني .. نحت والنوح يحلالي ..
يا ريت الروح لا عاشت .. لو ان يروح عن بالي ..
عساه الموت ياخذني .. وعساها تحين آجالي ..
مشى وضليت اتنظر .. ولا مرسال ودالي ..
ابوي الي راح .. ما يصير ناسيني ..
ولا مبعوث للدار .. يلفيني ..
ولا مرسال .. وانا بهالحال ..
ازور احباب .. غياب عن عيني

يا ريح الهاب لو تدري .. اشحملت هموم بغيابه ..
غزاني الشيب من صغري .. وحمم بحشاي لهابه ..
شبيه الطير دلالي .. خفق لغياب احبابه ..
لفاني الليل بالحسره .. وقضيته بروح مرتابه ..
ظلام الليل .. بالآه يجزيني ..
ذهيلت راي .. والشيب غازيني ..
على هالمنوال .. وانا بهالحال ..
ازور احباب .. غياب عن عيني ..

نهاري يروح باللوعه .. يجيني الليل بهمومه ..
ظلام وخوف يترادف.. واطش دموع لنجومه ..
واشوف الدار وحشتها .. تخلي الروح مالومه ..
نياح النوق لحبابي .. نحت والعين معدومه ..
لو ان الموت ماراد يطويني ..
هضم دنياي والنوح يكفيني ..
الدمع همال .. وانا بهالحال ..
[/color]للإستماع من هنا


يتبع

صوت الزهراء
21-07-2008, 03:15 AM
بسم الله الرحمن الرحيم

اللهم صلِ على محمد وآل محمد وعجل فرجهم


أناشدكم و أريد اتجاوبوني

أنا شدكم و أريد اتجاوبوني إمام بيا شريعة تحاربوني

وقف سبط النبي وسط الحرايب أخذ يلقي الحُجَجْ بين الكتايب
ينادي و يصرخ وياكم أخاطب اذا عندكم شِيَم ماتركتوني

أخاطبكم يا شيعة آل سفيان عليمن هالجمع حاشد الميدان
عهد عدكم وياي و العهد جان أجيكم عالوعد و تبايعوني

تعنيت و شِفِت عكس المظاهر بَدَل ماتصدق وياي الضماير
جمعتوا للحرب هاي العساكر عَوَض ماتبايعوني تقاتلوني

كُتُبكُم تشهد و هاي الرسايل كتبتوا لبيعتك نمضي و نواصل
اجيت و تالي تردوني أقاتل عليمن للمعارك تجبروني

بلسان أهل الفضل إسمي تِرَدَدْ سليل المصطفى جدي محمد
انِشدوا جابر الأنصاري يشهد وصحابة جدي كلهم يعرفوني

ابوية المرتضى فاطمة أمي عرفتوا جعفر الطيار عمي
تِحَل ليا شَرِع سَفِك دمي عقب ذاك العهد و تخالفوني
اشبِدَت مني خطيئة و ياذنب صار لَوَن ماجان عندكم دين و أفكار
يا أهلِ الناس بدهركم عيشوا أحرار اتركوني ارِد و آخذ ضعوني

إمام و فوَضِت للباري أمري مترهبني السيوف بقطع نحري
و لَوَن ناشدتوا ليش دموعي تجري عليكم يا بَشَر فاضت عيوني

عليكم هالقلب يا ناس محزون عليكم بالمدامع تجري العيون
بجهنم من أجي بدمي تدخلون عَوَض ما عالطغات تناصروني
و إذا ماقام للإسلام دستور إلا انجان يصبح دمي مهدور
خذيني يا سيوف الغَدرِ و الجور عزمت و ادري الأعادي وذروني

أعاتب و العِتب هيهات يجدي نفوس العاهدت و انقضت عهدي
أروحن و أشكي للمختار جدي و اقله أُمِتَك رادت منوني

يجاوبني رسول الباري عنهم بريء آنة يا ابو السجاد منهم
جهنم يبني هالوادم سكنهم خصمهم بالقيامة يشاهدوني

أناشدكم و أريد اتجاوبوني إمام بيا شريعة اتحاربوني

للإستماع من هنا

يتبع ,,

صوت الزهراء
21-07-2008, 03:16 AM
بسم الله الرحمن الرحيم

اللهم صلِ على محمد وآل محمد وعجل فرجهم


يمعبود متى يعود مهدينه

مصــــــيوب وايعاتب المصيوب وينك يمن عن عيـني محجوب
مـــــن غيبـــــتك ذابت الگلوب چم دوب نحمل صــبر چم دوب
هالامــــر يـــبن الحسن مكتوب نحمل هظم والدمـــع مــسچوب
والمثل بيــــنه صــبح مضروب والفلك بينه يــــدور مگــــلوب
اشحال الذي يفـــارگ المحبوب

يمعبود متى ايعود مهدينه..نطرناه على الاه تدرينه
(يمعبود متى ايعود مهدينه)-رد

البدر غاب والاعيون سهرانه..نطرناه والارواح لهفانه
امن الاغياب متى ايعود مولانه..جزى اللوم ولا يوم مر بينه

اعلى فرقاع جمر نار متلاهب..بالادموع نحاجيه وانعاتب
الك ثار نتانيه يالغايب..يمذخور متى النور يلفينه

متى انشوف هلاعلام منشوره..نناديك والاقلوب مجموره
متى اتثور والاسيوف مشهوره..وعد حان والاشفار بيدينه

شمر عاد وجه اردود هالضالم..الحقد ذاك من اسنين متراكم
بالاحقاب يصب جور علوادم..بالارهاب اجه ايريد يغزينه

ضلم زاد والاحقاب جمعوهه..للاطهار مزارات هدموهه
دمه ارقاب موالين هدروهه..العدو ايريد من القاع يمحينه

اجه ايزيد والاوياه احفاده..اجه ايريد قطع روس اسياده
والارهاب بده اليوم يتماده..السهم جور مراميه ترمينه

المحب صار يناديك بدموعه...الك ثار والارقاب مقطوعه
ولك روس على ارماح مرفوعه..قمر هاي على القاع جفينه

امن الاكرام الك روس قطعوهه..,والاخيام على ايتام حرقوهه
مصونات على النوق يسروهه..هلاحزان والاهموم تكفينه

للإستماع من هنا

يتبع ,

صوت الزهراء
21-07-2008, 03:17 AM
بسم الله الرحمن الرحيم

اللهم صلِ على محمد وآل محمد وعجل فرجهم


أين أنت يا جابر

يا جابر ما دريت شصار بالطف و نواحيه
وما تدري بخدر زينب راح ومشت مسبيه

يا جابر من دهتنا الخيل .. ريتك حاضر بهالدار
تعين مودعة حيدر .. ما بين اللهيب والنار
من خيمة لعند خيمة .. تلم بأيتامها وتندار
ونوب الليل ترد ردود عليّ ولا عند حالي تعود
وانا بحجري الاجل ممدود
اعالج وانزع بروحي .. البلشدات مبلية ..

ياجابر لا تناشدها .. تصيبك كربلاء بسهام
وتطفي شمعة وجودك .. مثل شمعة عرس جسام
وخوفي يندهش حالك .. تصرخ صرخة الايتام
من جارت عليه القوم مثل زينب تظل تحوم
نوبة تعثر نوبة تقوم
وتتحير بهالوادي .. وتنصب مرمية

ياجابر حن على حالي .. وناشد كربلا وياي
شلها ويالطفل عتبه .. ما تسجيه شربة ماي
جمرة عطش عبدالله ..تشب وتنطفي بحشاي
خوفي بالنحر تنصاب مثل نحر الرضيع صواب
قبل حرملة وهالنشاب ..
ياجابر شفت نشابة .. بدمي الطفل مطلية


ياجابر وارد اسولف لك .. خايف يندهش نوعك
وسهم العلقمي يرميك .. ودم تتفجر دموعك
ويالخياط ضلوع حسين .. خوفي يخيط ضلوعك
بس بالنوح ساعدني ياجابر لا تناشدني
على بويه حسين تضهدني
اجانا المهر وامخضب .. بدم جروح راعيه

ياجابر والدرب كله .. عالناقة جنت مطروح
ثقل القيد ضاهدني .. وما ردني ثجيل النوح
تغيب الروح من جسمي .. والجسمي ترد الروح
ياجابر سلمت امري لله ومدرعض صبري
ومن نوحي انكسر ظهري
ياجابر لو رديت آثر .. شوف ضلوعي محنية

ياجابر من بعد جور الشام .. وسهامه تفقس العين
خايف تنرمي بيها .. وتصبر ما إلك تمكين
تشاهد زينب بديران .. توقف واحنا مقيدين
ولا مسلم إلي يدخلنا ولا واحد من يمله يصد ليزيد ويقله
شفاف الجان يلثمها .. محمد ليش مدمية

للإستماع من هنا

يتبع ,

صوت الزهراء
21-07-2008, 03:17 AM
بسم الله الرحمن الرحيم

اللهم صلِ على محمد وآل محمد وعجل فرجهم


شيعتي يا كرام
الشاعر : جابر الكاظمي
الرادود : باسم الكربلائي


شيعتي يا كرام يا عظام المقام
فاندبوا يا حسين بفؤاد حزين

شيعتي إني غريب بين أقوام بغاة
وأنا الظامي وأسقى من كوؤس النائبات
قطعوا رأسي ظلماً بسيوف مرهفات
رفعوه بعد قتلي فوق أطراف القناة
ذاك رأسي مشال في رماح طوال
وقطيع الوتين بفؤاد حزين

شيعتي يا كرام يا عظام المقام
فاندبوا يا حسين بفؤاد حزين

شيعتي إن غاب عنكم في سماء الموت فرقد
فاذكروا الأكبر لما غاله السيف المجرد
وقتيلاً فوقه الأرماح والأسياف سجد
وبه قد صرعوا فوق الثرى جسم محمد
وشبيه الرسول وطأته الخيول
وفقدت البنين بفؤاد حزين

شيعتي يا كرام يا عظام المقام
فاندبوا يا حسين بفؤاد حزين

شيعتي ما إن سمعتم من مناد وا أخاه
فاذكروا العباس لما قطعت منه يداه
جئته نحو الفرات قاصداً كي ما أراه
فوجدت الجسد الطاهر تكسوه دماه
فاهتفوا بانكسار أين ذاك اليسار
أين ذاك اليمين بفؤاد حزين

شيعتي يا كرام يا عظام المقام
فاندبوا يا حسين بفؤاد حزين

شيعتي ما إن فقدتم من غلام ذي مكارم
فاندبوه بدموع واذكروا لوعة قاسم
هو كالبدر تجلى وجلى تلك الغمائم
بدل الأشمع قد زف بأطراف الصوارم
غاب ذلك الهلال في بروج القتال
غاب نور اليقين بفؤاد حزين

شيعتي يا كرام يا عظام المقام
فاندبوا يا حسين بفؤاد حزين

شيعتي ما إن فقدتم من رضيع وهو ظامي
فاذكروا طفلي لما قتلوه باهتظام
بدل الماء سقوه من أنابيب الحمام
بأبي من ذاق طعم الموت من قبل الفطام
ذاك نحر الرضيع فاض منه النجيع
ودفنت الجنين بفؤاد حزين

شيعتي يا كرام يا عظام المقام
فاندبوا يا حسين بفؤاد حزين

شيعتي ما إن شربتم عذب ماء فاذكروني
أو سمعتم بقتيل أو شهيد فاندبوني
فأنا السبط الذي من غير جرم قتلوني
وبجرد الخيل بعد القتل عمداً سحقوني
ليتكم حاضرون للندا تسمعون
هاتفاً بالأنين بفؤاد حزين

شيعتي يا كرام يا عظام المقام
فاندبوا يا حسين بفؤاد حزين



للإستماع من هنا

يتبع ,

صوت الزهراء
21-07-2008, 03:18 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. ويلي على الكرار ..

ويلي على الكرار
========================
ويلي على الكرار ويلي على حامي الجار
ريضوا بنعش المرتضى ركن العرش مال
من شال ابو الحسنين وياه المجد شال
=========================
ردو نعش حيدر إلى المنزل شويه
بتودعه زينب وكلثوم الزجيه
فراقك يابويه أعظم الفرقه عليه
خلي الدمع يجري دما وبالقلب ولوال
=======================
قلها لمشكر بوالفضل عباس يختي
لاينسمع صوتج ترى قلبي شعبتي
أنا كفيلج من بعد حيدر دسكتي
مادام انه موجود ماينظام لج حال
=======================
لكن يزينب لو نزلنا الغاضرية
عذري كفيلج من تشوفينه رمية
صاحت تهيجني رزية عن رزية
قلبي تفتت لاتذكريني ابها لحوال
========================
والله اشعبت قلبي بذكر هذا لمصاب
وشغلت بالي عن مصيبة داحي الباب
اسم الله على زنودك وراسك يبن الاطياب
ريض يخويه بنعش أبويه سور لعيال
========================
ردوا النعش ليه خلوتي انظره
اسفر عن أجفانه واحبنه ابصدره
قلها عبراته على الخدين تجرى
هيهات يزينب يرد عنج علي انشال
=========================
لملااك شالو المقدمة وشلنا المؤخر
ردي لخدرج وأيسي ميعود حيدر
نادت ابعالي صوتها الله واكبر
والله فجيعة ماجرت في أول وتال
==========================
قلها الحسن ردي لخدرج يامصونة
من طلعتج يختي نسينا امصاب ابونا
لاترفعي صوتج ترى يصعب علينا
واحنا فلا نرضى تعاين شخصج رجال

للإستماع من هنا

صوت الزهراء
21-07-2008, 03:19 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. بعد ما أشوفك ..


أخاف من أعوفك - بعد ما أشوفك
إذا ماتجيني اقدر ظروفك
طويلة رحلتي - واخاف برجعتي
بعد ما أشوفك

يعباس إختك آنه ولا تبارحني - جنت إنت إلتمسيني وتصبحني
بفرقتك ذلتي وشوفك يفرحني - وكلام الشامت بفرقاك يجرحني
يريت الموت أخد روحي ويريحني - وإذا أنساك الله لا يسامحني
أخاف أشتكيلك - وأعذب دليلك
وأريد بدموعي أبرد غليلك
تودعك دمعتي - واخاف برجعتي
بعد ما أشوفك

أودعك يابن أبويه ولليسر اطلع - وأعوفك بدر غايب نوره بالمصرع
مثل جسمك توذر قلبه وإتقطع - وكلامي وياك صار يترجمه المدمع
إذا أرجع يخويه شراح أتوقع - إذا أرجع أشوفك بعد من أرجع
أباصر دليلي - بسفرتي ورحيلي
قلت له عجيبة أفارق كفيلي
على فقدك حسرتي - وأخاف برجعتي
بعد ما اشوفك

أصيحن وإليموت شينفعه الصايح - سكتت ودموعي جدول عالوجن سايح
غصب عني أعوفك والضغن رايح - بلا توديع أتركك عالنهر طايح
تعاتب لا تعاتب و العتب جارح - تودني و إليود من شيمته يسامح
ضعنه برواحة - يريد السماحة
تسير الضعينة بونين ونياحة
تنشدك مهجتي - وأخاف برجعتي
بعد ما اشوفك

أنشدك لو مشيت بضعني وأتيسر - تقدر تنهض تشد الضعن تقدر
اذا بسياطه خصمك يضرب الخدر - تقدر تحمي عيلة وسايرة بهالبر
اذا جتالك بمجلس شتم حيدر - تقدر تجي هناك تدافع وتحضر
اذا وقفونه بمجالس عدونه - حرم وإحنه نسمع يشتمون أبونه
شينشف عبرتي - وأخاف برجعتي
بعد ما اشوفك

إذا مسبية من يمك رحت ومشيت - وعني ما قمت يا با الفضل حاميت
اذا مجلس دخلت وحايرة ظليت - إذا حشمتك وللنخوة ما لبيت
العذر مقبول منك خوية لو ماجيت - شلون تقوم وإته بس جسد ظليت
ياجمرة حنيني - يعذرك ونيني
عسن مني قطعوا يساري ويميني
شيرجع لهفتي - وأخاف برجعتي
بعد ما أشوفك

شخلت ساحةا لطف خذت مني حيول - شحجي ويا النهر والسهم والعامود
فطر جبدي العطش من نار سهم الجود - إذا تسكن لحد أسكن يخويه لحود
للطف يبن أبويه الضعن من يعود - أخافن ما أشوفك لو رجعت ردود

يطول غيابي - وأجيك بمصابي
إذا ما لقيتك تزيد عذابي
تهيج جمرتي - وأخاف برجعتي
بعد ما أشوفك

للإستماع من هنا

يتبع ...

صوت الزهراء
21-07-2008, 03:19 AM
بسم الله الرحمن الرحيم

اللهم صلِ على محمد وآل محمد وعجل فرجهم


أفلح من طبر

الشاعر : مهدي جناح الكربلائي


واللهِ أفلح من طبر

أنت القرآنُ ومعناه - وعلى جُرحِكَ صلى الله
وتعالى جِبريلُ نِداه - اللهُ أكبر

عُشاقُك نحنُ أتيناك - لتَصُبَ دِمانا بدِماك
قَلبٌ ولِسانٌ لباك - وهتفنا حيدر

خُدامُكَ قُلنا لبَيك - نحنُ عَبيدُكَ بينَ يديك
نحنُ عيال الله عليكَ - في الفزعِ الأكبر

جَئناكَ نُواسي المختار - وقَسيمَ الجنةِ والنار
ونُواسي الطالبَ بالثار - ونُواسي شُبر

جئناكَ نُواسي الزهراء - لترانا مشروع فِداء
بِدُموعٍ حرا ودِماء - تجري للمحشر

حُبُك يجري في الشِريان - في كُلِ زمانٍ ومكان
جُرحُك صوتٌ والقُرآن - صار لهُ منبر

أجيالٌ تأتي وتروح - وصروحٌ تهوي وصروح
وضريحكُ يا مأوى الروح - صرحٌ لن يُقهر

يا شِبل النافِخِ في الصور - يا بيتَ اللهِ المعمور
حولكَ خلقُ اللهِ تدور - ويدورُ الكوثر

للإستماع من هنا

يتبع ,

صوت الزهراء
21-07-2008, 03:20 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. أي المحاجر ..

حسين حسين حسين ياحسين حسين ياحسين

يامن تساق المنايا طوع راحته موقوفة بين قولي خذي خذي و ذريه
يانيراً راق مرآه ومخبره فكان للناس ملأ السمع والبصري
صالوا وصلت ولكن أين منك هم النقش في الرمل غير النقش في الحجري
كم خفت صورة بحر من ضبا وقنا ونونها مغرق في نقطة الصوري

يبن النبين ما للعلم من وطن إلا لديك و ما للحلم من وطر
إن يقتلوك فلا عن فقد معروفة الشمس معروفة بالعين والأثر

حسين يا حسين حسين يا حسين حسين يا حسين

قد كنت في مشرق الدنيا ومغربها كالحمد لن تغنى عنها سائر السور
يادهر حسبك ما أبديت من غيري أين أسود أسود الله من مضر
رزء إذا اعتبرته شمسها إنكسفت فمثلها العبرة الكبرى لمعتبر
وإن بكى القمر الأعلى لمصرعه فما بكى قمر إلا على قمر

حسين حسين يا حسين حسين يا حسين

أي المحاجر لاتبكي عليك دماً أبكيت والله حتى محجر الحجر
إن أصبح الدهر ينعاهم فلا عجب يحق للروض أن يبكي على المطر

حسين يا حسين حسين يا حسين حسين يا حسين
حسين يا حسين .

للإستماع من هنا



يتبع

صوت الزهراء
21-07-2008, 03:21 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. كلهم أولادي ..
للشاعر:الملا علي بن فايز


هالنوح يا زهرة على من هو تنوحين – نوحچ على المسموم لو نوحچ على حسين

حنّت ونادت والدمع عالخد بادي
إن تسألوني يا خلق كلهم اولادي
لچن مصاب حسين ظل ماضي بفادي
كل العزا والنوح والصيحة على حسين

أبچي على أولادي فِنوا بالسيف والسم
وأبچي على أبوهم قتيلٍ لإبن ملجم
وإنجان بالله تسألوني يا هو الأعظم
كل المصايب هونتها مصيبة حسين

دهري رماني بالرزايا بكل غالي
شتت أولادي عن يميني وعن شمالي
ما شوف ساعة فارغ من النوح بالي
و أعظم لو نعى الناعي على حسين

أبچي على أولادي ذبايح يوم عاشور
وآنا نِصَبت العزا ليهم وسط القبور
ونسيت ضلعي إلي بصير لباب مكسور
كل العزا والنوح والصيحة على حسين

مصابي نحلني وهيج أحزاني عليّه
ورّث عليّه مصاب يوم الغاضريه
راسه مشوا به وجثته ظلت رميّه
ظلت ثلاثة بالعرى من غير تچفين

لا تحسبوني للرضا في طوس ما جيت
و لا إلى بغداد ما رحت وتعنيت
كلهم عليهم نوَحِت والجيب شگيت
و أعظم عليّه لو ذكرت مصيبة حسين

للإستماع من هنا

يتبع ,,

صوت الزهراء
21-07-2008, 03:21 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. سواد الليل ..

حرم عندي - وحگ جدي
سواد الليل إمهلوني

طلع من خيمته المظلوم طلع للحومة ينظرها - مثل موج البحر هاجت جحافلها و عساكرها
وادم لا شرف لا دين باعت كل ضمايرها - طلع رايد أمر توديع من عدها ويذكرها
وگف غاضب - بده يخاطب
يمن للبيعة جبتوني

وگف بين الجمع يخطب إجت إلمن جحافلكم - يا شيعة بني سفيان أريد أحچي و أسايلكم
انتوا إلي بعثتوني طلبتوني برسايلكم - شنهو إلغير الأوضاع شنهو إلجرى شبدلكم
الكتب تشهد - صفت مسند
تگول إنتوا طلبتوني

نادى يا إبن ربعي ويا حجار إبن أبجور - يا قيس إبن الأشعث هاي رسايلكم و هاك أنظر
كتبتوا نبايعك يا حسين و أطلب يا أمر تأمر - و لو ما تحضر بهالحال من بعدك يمسنه الضر
العهد وينه - و مضامينه
خصم تالي جعلتوني

يا شيعة بني سفيان ليش مجردة الأشفار - جدي المصطفى و أمي الزهرة والدي الكرار
ما أريد بسبب دمي تدخلون لسعير النار - إذا ما چان عدكم دين عيشوا بالدهر أحرار
إجيت أعزل - و أريد أسأل
طلب عدكم تطلبوني

ﮔـالوا نعلم بجدك الهادي و فاطمة أمك - لچ بغضاً لبوك نريد نسفك بالحرب دمك
و نخيرك بين ثنين لو تخضع لإبن عمك - لو تنزل لميدانك وتعرض للحتف جسمك
شجاوبكم - شعاتبكم
عرفتوني و خذلتوني

إدفعوا نقمة الديان و إجتنبوا ذنب چتلي - إنطوني من الأرض مأمن أروح بضعني و بأهلي
لو أرجع لأرض يثرب وعنكم ينتقل رحلي - هالسبعين ألف ما أريد تدخل سقر من اجلي
خذلتوني - إتركوني
أعود لطيبة بضعوني

إذا ما حصلت الرخصة منكم يا بني سفيان - إمهلوني سواد الليل أودع الأهل و الرضعان
و باچر كل كتايبكم خل تجتمع بالميدان - مطلاع الفجر فاصل بين الكفر و الإيمان
سفك دمي - لون حتمي
أودع العيلة خلوني

للإستماع من هنا

يتبع ,,

صوت الزهراء
21-07-2008, 03:22 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. يا سائلاً أين الإحسان

يا سائلاً أين الإحسان - اليوم أمسى في الأكفان
قولوا إذاً - تلك السنن - تحيا بمن - بعد الحسن

إجه لدار الضيافة اليوم ضيف بحسرته يناشد - يكفكف بيده حسراته وخبر عن الحسن رايد
بلهيب النوح جاوبته بعد لا تجي يا الوافد - الكرم ويا الحسن دفنوه چا إلمن بعد گاصد
إن كنت تبغي بحر الجود - فالجود قد أمسى مفقود
بدر الهدى - بحر الندى - قد إرتدى - ثوب الكفن

ريحانة رسول الله وإبن أشرف المخلوقات - مرار السم فطر چبده ومصابه ما خلص من مات
على نعشه سهام من كل صوب غدت تتراكم الرميات - عگب الكرم فاضت بحور الدمع والحسرات
يوم شجونٍ يوم فراق - والدمع نارٌ في الأحداق
قلبي ذوى - من الجوى - فا إنطوى - يوم المحن

مثل ما صوبوا نعشه تصوب چبدي بمصابه - وعلي جور الوكت حورب وتركز بالگلب نابه
وتمحن گلبي بصوابين صواب الحسن وصوابه - عساني موسد بگبره وعليه هالوا ترابه
أنعى سليلاً للنجباء - أنعى حبيباً للزهراء
دهر النبى - للمجتبى - سل الضبى - جور الزمن



گبل دار المجد چانت زهية وتسطع بأنوار - عگب غيبة أبو محمد صفت وحشة وخلية الدار
فگد نور الحسن جدد مصاب الضلع والبسمار - وجدد عالمحن لوعات طبرة والده الكرار
آآهٍ على الضلع المصيوب - آآهٍ على الشيب المخضوب
دهرٌ قسى - كيف رسى - ذاك الأسى - في المؤتمن

ذكرت الزهرة والكرار وصرت أتعثر بهمي - وإلهيج لظى جروحي ودعاني حاير بهضمي
سمعت زينب تحن وتصيح متت مسموم يا إبن أمي - وحين سمعت صرختها تداعى كل عضو بجسمي
ألمني صوت الحوارء - صوت شجونٍ صوت بكاء
تبكي على - تاج العلا - حتى إعتلى - صوت الشجن

ألوذ بكاسر همومي وغدى بروحي الأجل يحدي - گبل چبد الحسن يا ريت بالسم گطعوا چبدي
وأخبرك دمعة عيوني جداول حفرت بخدي - وگبل ما ينحفر لحدك عساهم حفروا بلحدي
أبكي على السبط المسموم - أبكي من القلب المكلوم
ولوعتي - في مهجتي - عن مقلتي - غاب الوسن

للإستماع من هنا


يتبع

صوت الزهراء
21-07-2008, 03:24 AM
بسم الله الرحمن الرحيم

اللهم صلِ على محمد وآل محمد وعجل فرجهم


يا المهدي يومك صار

يا المهدي يومك صار ## تترقبك أنظار ## عين الطليعه
وراية علي الكرار##تترجى منك ثار## ضلع الوديعه
هالرايه تعرف وين ### تلگاها عالچفين ### يم الشريعه

كل هذا العالم يتنطر###نورك يا غايب
موعود ونتأمل تظهر ### والكل تراقب
ترفع راية جدك حيدر ### ليث الحرايب
رايه البيها الهادي استبشر ### رسمت مناقب
رايه الفتحت قلعة خيبر ### دحرت كتايب
رايه الگطعت حبل المنكر ### خلقت عجايب

راية خلود###ثبتت وجود
هالرايه من تنشال ### تتراجف الأبطال ## حاملها جدك
اسمع رمحها اش گال ## يا المهدي وعدك طال ##* منتظره وعدك
راية بطل صفين ### تلگاها عالچفين ### يم الشريعه

######


رايه بچف حيدر شفناها ### تخوض الملاحم
هالرايه الخالق يرعاها ### رب العوالم
عجزت توصلها وتدناها ### بيض الصوارم
جدك حيدر ما خلاها###تحس بمظالم
يوم الي فارگها انطاها ### لبدر الهواشم
چف العباس اتبناها ### بحر المكارم

صارت دليل ### بايد الكفيل
تنشد عليها الناس###ما تدري للعباس###جدك ذخرها
هالرايه رفعت راس ###ما تگدر الأرجاس ### تمحي أثرها
رايه وتگر العين ### تلگاها عالچفين ### يم الشريعه

######


يا راعي الطلعه الموعوده ### الطلعه البهيه
عمك بالرايه المشهوده ### خاض المنيه
دافع عنها بكل مجهوده ### بهمه وحميه
خضعت للعباس وزوده ### أعوان أميه
لهاي الرايه انطاها زنوده ### أثمن هديه
لو عنها تناشد موجوده ### بالغاضريه

بارض الطفوف ### يم الچفوف
يا المهدي حين تروح ### يم عمك المذبوح ### تلگاها يمه
وتلگى الجسد مطروح ### ومن النحر مسفوح ### عالغبره دمه
كل نايبات البين ### تلگاها عالچفين ### يم الشريعه

#####


يا من نورك رب القدره### طول مغيبه
مصرع عمك حين تنظره ### لگلبك يصيبه
چفوفه تشاهدها على الغبره###بالدم خضيبه
چم طعنه تشوف وچم طبره ### جثه السليبه
مو بس شخصك يجري بكتره###دموع المصيبه
گبلك حضرت يمه الزهره ### بحاله عجيبه

تنعى وتگول ### بنت الرسول
عباس الك ونيت ### يا اوليدي الضحيت ### لاوليدي دمك
هاي آنا يمك جيت ### ومن الحزن خليت ### ضلعي على جسمك
أم الغريب حسين ### تلگاها عالچفين ### يم الشريعه

#####
من تگصد للشاطي بهمك ### گلبك اليسعر
بس ما توصل مصرع عمك ### عالجسد تحضر
ما تنضر لان أمك يمك###ووالدك حيدر
تبدي هناك الزهره تكلمك ### يفجع المنظر
تگل لك يا المهدي وآنا أمك ### ضلعي التكسر
يا ابني وكل شيعتنا تحشمك ### يا ساعه تظهر

ظل يستجير ### ضلع الكسير
حيدر يگل لك هاك ### سيف الوغى الفتاك ### يا ابني واريدك
تگطع رگاب عداك ### وراية بدر وياك ### خليها بايدك
مطويه صار سنين ### تلگاها عالچفين ### يم الشريعه

######
يا الما ترتاب وتتوجل ### من كل فزعها
يا البيدك سيف الله المنزل ### هاك استمعها
صرخة شيعي مو متحمل ### باسمك رفعها
بظهورك لو ربك عجل ### اذكر دمعها
وانشد ليش لبنت المرسل ### كسروا ضلعها
وانشد عالچفين واسأل ### من هو الگطعها

صرخة مصاب ### هم وعذاب
يا من ظهورك عيد ### لا تنسى يا صنديد ### سيفك تعهد
لأهل الضلالة يبيد ### تنتظرك من بعيد ### راية محمد
تعرف دربها من اين ### تلگاها عالچفين ### يم الشريعه

للإستماع من هنا

يتبع ,,

صوت الزهراء
21-07-2008, 03:26 AM
بسم الله الرحمن الرحيم

اللهم صلِ على محمد وآل محمد وعجل فرجهم


احنا انصارك

احنا انصارك من افكارك فكرتنا تظهر
نرخص دمنا وتعلمنا بجامعة حيدر
واعرفنا معنا الايثار من مالك ومن عمار
======================
انصار الك يا حسين موعدنا بالطف حان يبن الوديعه
احنا اكسبنا دروس من جامعة اعيان نهج الشريعه
عودك على بدنياه انصار اله واعوان جانت تطيعه
خيرتهم التمار والاشتر وسلمان قلعه ومنيعة
لحيدر نطوه نفوس صاحوا بلا اثمان للدم نبيعه
واحنا بأثرهم ذلك نمشي وتطيح اقدار بالطف صريعه
احنا الصحبة واشرف نخبة ربنا اصفانا لا ما نبالي نضحي الغالي حبك دعانا
وادرسنا هاي الافكار من مالك ومن عمار
======================
بروح العزم والزود تقدم حبيب وصاح حيدر امامي
عقب الوصي الكرار بالحسن عن ايضاح صار التزامي
بنهحج الولاية مشيت والحسن لمن راح تعين نظامي
بيك آمنت يحسين وانطاني ربي اوشاح عزت مقامي
مثل الوصي وعمار وياك انا بالارواح عنك احامي
وجه الذي يعاديه عن دافع الاصلاح اشهر حسامي
رغم الطاغي بوجه الباغي ارفع رهيفي
شيقدر خصمك يوصل يمك وبجفي سيفي
وهذا العزم عندي صار من مالك ومن عمار
======================
لن يهتف ابن القيس وبيمنته المياد هذا انا يمك
منو الذي يدناك اقسم يبو السجاد بالزهرا امك
اقلب عليه الكون ترسانه ابن زياد لالا تهمك
حين الهجوم يصير تتكاثر الاعداء بالروح اضمك
اتمنى دمي يسيل لو صار الاستشهاد لا يجري دمك
مثل الوصي الكرار من بايعه المقداد بايعنه حكمك
ردود بنايع والما سامع خله يسمعنا
رغم الظالم انت الحاكم حبك جمعنا
تعلمنا هذا الاصرار من مالك ومن عمار
=======================
ثبت زهير عهود لن نافع بن هلال يصيح وينادي
هذا انا نافع جيش بمشابة الابطال الوي الايادي
سالم تضل يحيسن لتهمك بكل حال رماح وهنادي
شحده اليغير عليك بالسيف اصب زلزال فوق الاعادي
النا النصر مضمون ويصدق الاقوال صار انجهادي
من ميثم التمار راسم صحف امال اصل اعتقادي
بهمة ميتم راح اتقدم وتشهد الحومه
بسيفه يدافع عنك نافع ويرخص دمومه
وتوضحتها الاسرار من مالك ومن عمار
========================
من بعده عابس راح ومرافقاته البين اخذن حسامه
شد همته بلا سيف راح اعزل الجفين لسوح الكرامه
لن البعض لاموه قالوله طالع وين دونك كلامه
جاوبهم اختليت جنني حب حسين ذبت بغرامه
محبة حجر حبيت من حب ابو الحسنين نفس العلامه
حبيت ابو السجاد والقلب قبل العين اعلن هيامه
بحجر الكندي تشبه ودي عاشق امامي
لو اتوذر ما يتغير شوقي وهيامي
وبقلبي حب الاطهار من مالك ومن عمار
=========================
لن جون الاسود صاح هذا انا عبدك جون دونك صفاتي
ريحي نتن يحسين والوجه اسود لون خدمتك حياتي
وتقلي عوف وروح يبن الي حضرون ساعة مماتي
وقت الرخاء وياك بالشده امشي شلون ما ترضى ذاتي
دمي ويا دمك ريت علغبراء يختلطون هاي امنياني
من خادم الكرار قمبر خذت مضمون سر تضحياتي
بهمة قمبر انطي المنحر والحرب تشهد
خل يفديلك ويضحيلك عبد الاسود
وختمنا كل الادوار من مالك ومن عمار
==========================
برزوا اباة الضيم جنهم اسود الغاب وجه الكتايب
الواحد بالف معدود لمن يصير حساب وقت الحرايب
حامو خدر مصيون مدوا عليه رقاب دون المضارب
اصحاب ابو السجاد اشرف واجل اصحاب صفوة مناقب
ينظرهم التاريخ بنظرة وفا واعجاب من كل جوانب
بالهمه دحروا جيش عبادو الانصاب واهل المثالب
اشرف الصفوة بيوم النخوة ضحوا بدمهم
والكل يعرف هذا الموقف خلد اسمهم
انصا ر ابن حامي الجار من مالك ومن عمار
=========================

للإستماع من هنا

يتبع ,,

صوت الزهراء
21-07-2008, 03:27 AM
بسم الله الرحمن الرحيم

اللهم صلِ على محمد وآل محمد وعجل فرجهم


حرت وعيوني ما ينشف دمعها


الشاعر : جابر الكاظمي

حرت وعيوني ما ينشف دمعها
صدق ام الحسن كسروا ضلعها
اريد تجاوبوني

وقفت يم باب ام الحسن محتـــار
اريد انشد بعد ما ضلت افكـــــــار
صدق محسن وقع يم عتبت الدار
والزهره صدرها نبت مسمــــــــار

روحي حست اليوم بجزعـــــــــــها
والعقيده باي وضع امست شرعها
اريد تجاوبوني

سؤالي وعلى لسان الكل تردد
بنت من فاطمه مو بنت محمد
ليش الطاغي عليها تعمــــــــد
وبرميــــــــــــاته علاسلام سدد

تصيح اشلون حيدر ماسمعها
وهوالضمد للزهره ودرعــــها
اريد تجاوبوني

اشلون اهل الغدر والكفر والشر
ضلع ام الحسن منهم تكـــــــسر
من طاح الطفل جــــــاوين حيدر
مــــــايدري اضل بالنـــــار تسعر

وروحي تناشد بلوعة فزعها
صدق هاسام للوادم خدعهــا
اريد تجاوبوني

ضلع الزهره هالطاغي من رضه
صاحت سوط وتنادي يافضـــــه
محــــسن وقع وحشـــــاي تلظه
رقد حيــــلي بعد مابيـــــه نهضه

فضه تنادي وتغير وضعـــــــها
ليش الوادم من التلزمت بدعها
اريد تجاوبوني

احتارت فضه من سمعت الزهره
تشكي من الضلع وآلام كســـــره
وقفــــــت يم فاطمه تسكب العبره
وقلبــــــــها بعد ما يمـــتلك صبره

للإستماع من هنا



يتبع

صوت الزهراء
21-07-2008, 03:28 AM
بسم الله الرحمن الرحيم

اللهم صلِ على محمد وآل محمد وعجل فرجهم


" يا سيف الطبر والينا "
للشاعر: أبو أيمن الإحسائي

وا علياه .. وا علياه
وا إماماه .. وا علياه
وا شهيداه .. وا علياه
وا مظلوماه .. وا علياه

يا سيف الطبر والينا .. وا إماماه
جرح المرتضى باغينا .. وا إماماه
يا سيف استمع صرختنا ..وا إماماه
ﭼـا ليش إطبرت عزتنا .. وا إماماه
هامة حيدره هامتنا .. وا إماماه
و رامي المرتضى رامينا .. وا إماماه

وا علياه .. وا علياه
وا إماماه .. وا علياه
وا شهيداه .. وا علياه

يا سيف الـﮕـللب فطرته .. وا إماماه
و المدمع دماء فجرته .. وا إماماه
ﭼـيف تجرأت صوبته .. وا إماماه
و جريت الدماء من جبينه .. وا إماماه

وا علياه .. وا علياه
وا إماماه .. وا علياه
وا شهيداه .. وا علياه

يا سيف الدمع عالوجنه .. وا إماماه
يحرﮔـها و يزيد الونه .. وا إماماه
نتمنى الأجل نتمنى .. وا إماماه
من غاب الوصي الفينا .. وا إماماه

وا علياه .. وا علياه
وا إماماه .. وا علياه
وا شهيداه .. وا علياه

ما بين الحزن و الدمعة .. وا إماماه
نكبات الدهر مجتمعه .. وا إماماه
دين الله ينوحن شرعه .. وا إماماه
للمحشر يظل بونينه .. وا إماماه

وا علياه .. وا علياه
وا إماماه .. وا علياه
وا شهيداه .. وا علياه

من شفنا الكواكب تنحب .. وا إماماه
من عندها المدامع تنصب .. وا إماماه
و تصرخ عزنا ليش تصوب .. وا إماماه
ﭼـا ليش بدماء مخضبينه .. وا إماماه

وا علياه .. وا علياه
وا إماماه .. وا علياه
وا شهيداه .. وا علياه

و الخلا دليلي بروعة .. وا إماماه
أيتام و ﭼـوتها اللوعة .. وا إماماه
تنحب يا علي مفجوعه .. وا إماماه
بعدك منهو يرأف بينا .. وا إماماه

وا علياه .. وا علياه
وا إماماه .. وا علياه
وا شهيداه .. وا علياه

يَلماتممت لصيامك .. وا إماماه
ضجت بالنحيب أيتامك .. وا إماماه
بس ما تنـﮕـضي أيامك .. وا إماماه
يا عيد اليمر علينا .. وا إماماه

وا علياه .. وا علياه
وا إماماه .. وا علياه
وا شهيداه .. وا علياه

للإستماع من هنا

يتبع ,,

صوت الزهراء
21-07-2008, 03:29 AM
بسم الله الرحمن الرحيم

اللهم صلِ على محمد وآل محمد وعجل فرجهم


بت حيدر بعبرة تستقبل الزهرة ويش تنفع الحسرة
بعيون مجروحة الدمع المها... شاهدت صورة كيدر ما أعظمها
مابين زينب والوديعة أمها... كل وحدة منهن سارحة بعالمها
وبكل قلب جمرة... من همها مستعرة
ويش تنفع الحسرة
زينب تصد والدمعه دم أتهلها... لن شافت أمها الزهراء قصدة إلها
وقفت حزن وقفت وتستقبلها... خل نستمع زينب اشراح اتقلها
ياجدة العترة... قلبي خلص صبرة
ويش تنفع الحسرة
صاحت الزهرة اشعمل وياج البين... وين أخوتج يازينب وين حسين
لن زينب أجاوبها بدموع العين... يايمه لو ناشدة عن أبنش وين
ضامي أنقطع نحرة... وتوسد الغبرة
ويش تنفع الحسرة
ابنج حسين أقبالي يايمه أنصاب... طايح صريع إعلى الثرى وبالدم غاب
ومصابه ما صار واحصل مثله امصاب... ويمه ومثل ضلع التكسر بالباب
أضلوع أبنش مكسرة... الخيل أسحقت صدرة
ويش تنفع الحسرة
صوب الجسد راحن الزهراء وزينب... شافن حسين بدم وريده مخضب
عالجسد طاحت بنت محمد تنحب... واتقله جسمك ليش يابني امسلب
دلالي لو صخرة... بهالنايبه الكسرة
ويش تنفع الحسرة
زينب اتخاطب فاطمة بالآم... ظل بكثر جسم ابن أبويه الضرغام
وأنا أروحن للحرم والأيتام... تتدريها عيله وما بقت عندها خيام
خيمتها متوجرة... والجيتي منتظرة
ويش تنفع الحسرة

للإسمتاع من هنا

يتبع ,,

صوت الزهراء
21-07-2008, 03:29 AM
بسم الله الرحمن الرحيم

اللهم صلِ على محمد وآل محمد وعجل فرجهم


" أخذتي زهرة سنيني "
بقلم الشعراء:
جابر الكاظمي - عبدالستار الكاظمي


جينا لزينب .. متعنيها
بمصيبة أمـ .. ـها نواسيها

يخالفنا الصبر و الهم يطاوعنا ..
مثل موج المحيط يموج مدمعنا ..
ركبنا بمركب الأحزان و طلعنا ..
و وصلنا ويا ﮔـبر زينب تجمعنا ..

نجري المدمع .. و نعزيها
بمصيبة أمـ .. ـها نواسيها


جينا لزينب .. متعنيها
بمصيبة أمـ .. ـها نواسيها

الشمل واحد لـﭼـن متشتته الأفكار ..
مصيبة و كل فرد من عندنا ظل محتار ..
واحد هايم بدم طبرة الكرار ..
و الثاني ينوح الجمرة البسمار ..

و إحنا زينب .. ما ناسيها
بمصيبة أمـ .. ـها نواسيها


جينا لزينب .. متعنيها
بمصيبة أمـ .. ـها نواسيها

نوايب صُبت على الطاهره زينب ..
كسر ضلع أمها نار موجره و تلهب ..
طبرة راس أبوها البدما مخضب ..
ﭼـم هلال عندها بكربلاء تغيب ..

مصايب زينب .. من يحصيها
بمصيبة أمـ .. ـها نواسيها


جينا لزينب .. متعنيها
بمصيبة أمـ .. ـها نواسيها

المحن مهما جرت يبـﮕـى الضلع مصدر ..
لوَن ما هالضلع بالباب يتكسر ..
ما ﭼـان انطبر راس الوصي حيدر ..
و لا بالسم دليل الحسن يتنثر ..

نبدي الونه .. و ما نخفيها
بمصيبة أمـ .. ـها نواسيها


جينا لزينب .. متعنيها
بمصيبة أمـ .. ـها نواسيها

كسر ضلع الوديعة مصدر لكل هم ..
لوَن ما كسر ضلع الزهراء يتحتم ..
ما صدر أبو اليمة بخيل يتهشم ..
ولا جسمة يتغسل من نجيع الدم ..

هاي الناحت .. يا مواليها
بمصيبة أمـ .. ـها نواسيها

جينا لزينب .. متعنيها
بمصيبة أمـ .. ـها نواسيها

مثل ما ناحت على مصيبة الزهراء ..
ناحت يم وليها الطاح عالغبرة ..
مثل ما بـﭼـت يم أمها و جرت عبرة ..
و بـﭼـت يم ذبيح الهشموا صدره ..

و إحنا العبرة .. بدم نجريها
بمصيبة أمـ .. ـها نواسيها

جينا لزينب .. متعنيها
بمصيبة أمـ .. ـها نواسيها

أم النايبة هذي و جرحها البين ..
بجروح أربعة لا جرح ولا جرحين ..
بين أمها و أبوها و الحسن و حسين ..
على هاي الأربعة قسمت دمع العين ..

بحيدر و الأم .. نوافيها
بمصيبة أمـ .. ـها نواسيها

جينا لزينب .. متعنيها
بمصيبة أمـ .. ـها نواسيها

مصايب أربعة و تبدي ضلع أمها ..
و بطبرة أبوها الما نشف دمها ..
و ﭼـبد الحسن زيد بالـﮕـلب همها ..
دهرها بـﮕـطع راس حسين يختمها ..

واجب كليوم .. نمر بيها
بمصيبة أمـ .. ـها نواسيها

جينا لزينب .. متعنيها
بمصيبة أمـ .. ـها نواسيها

(جابر الكاظمي)


أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا ..

عتب بين الوصي و دنياه نسمع .. يخاطب دنيته الفارس الأنزع
إذا شفت جفن عيناي يدمع .. على الزهراء أحس ﭼـبدي تبضع

حزين و عالحزن صابر .. يا دنيا
و على الهم مهجتي تكابر .. يا دنيا

شما أتألم .. لا ما أهتم ..
و أنا محزم .. ﮔـللبي بصبر ..

أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا ..

أنا الدنيا يا حيدر و عرفتني .. شبدت مني ذنوبي و حاربتني
خطبت بضعة محمد و تركتني .. يا حيدر بالثلاثه طلـﮕـتني
شتضن أنسى المهانه الي هنتني .. أعذبنك مثل ما عذبتني

خذت من عندك البضعة .. يا حيدر
أريدك تسفح الدمعة .. يا حيدر

شما تتمنى .. ما تتهنى ..
و انا اتحنى .. بدم العترة ..

أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا ..

رضيت بقهرﭺ و هضمـﭻ يا دنياي .. إذا عندي ذنوب تحاسب وياي
شلـﭻ ويا الوديعة و نور عيناي .. هاي الطاهره و أم الحسن هاي
رميتيها بسهم و انشلت أعظام .. بفـﮕـد أم الحسن حلت مناياي

الوديعة يا ذنب عندها .. يا دنيا
حبيب الباري والدها .. يا دنيا

عذبتها .. و عصرتها ..
و ألمتها .. بذيـﭻ العصرة ..

أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا ..

أنا الدنيا الدنيئه و دورتهم .. أخس اولادي عدوانك شفتهم
بفدايا الخسة و الذله رضعتهم .. بدوافع غدر يم بابك جبتهم
على دارك يا حيدر جمعتهم .. على كسر الضلع آنا الشجعتهم

بعثت لك أرذل أولادي .. يا حيدر
غصبوا حـﮓ بضعة الهادي .. يا حيدر

ما رحموها .. ولا جلوها ..
بل خلوها .. تظل متحيره ..

أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا ..

أنا حيدر أنا و جوهر صفاتي .. يصبرني على جمرة نايباتي
شبعد عندﭺ يا دنيا هموم هاتي .. أنا الي عالصبر مجبوله ذاتي
بمصاب الزهراء ﭼـن حانت وفاتي .. أعز من فاطمة شعندي بحياتي

طفيتي شمعة عيوني .. يا دنيا
أظن وافيتـﭻ ديوني .. يا دنيا

و هذا عتابي .. يهيج صوابي ..
نار مصابي .. تظل مستعره ..

أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا ..

خذلتني يا علي و جورك تعدى .. و أنا الدنيا و دليلي يفيض حقده
الي ثاري و طلب لازم ترده .. الحسن إبنك أﮔـطع بيدي ﭼـبده
و أروح لكربلاء بسيفي أرجده .. على التربان جسم حسين أوسده

بنينك كلها تتبضع .. يا حيدر
بناتك لليسر تطلع .. يا حيدر

شبولك كلهم .. محد إلهم ..
ينزف دمهم .. فوﮒ الغبره ..

أخذتي زهرة سنيني .. يا دنيا
بعد ﮔـولي شتطلبيني .. يا دنيا

بين العبرة .. و بين الجمرة ..
أجذب حسرة .. بفـﮕـد الزهرا ..
للإستماع من هنا


يتبع

صوت الزهراء
21-07-2008, 03:30 AM
بسم الله الرحمن الرحيم

اللهم صلِ على محمد وآل محمد وعجل فرجهم


:: رقيــــة ::

الشاعر : الشيخ هادي الكربلائي


يازواري انحبوا وابجوا عليه .. بنت حسين انا واسمي رقية

يازواري انحبوا وابجو لحالي .. وذكروا عزتي وخدري ودلالي

انا بنت النبي من بيت عالي .. جدي المصطفى خير البرية

يازواري انحبوا وابجوا عليه .. بنت حسين انا واسمي رقية

جدي المصطفى سيد الكونين .. جدي المرتضى والد السبطين

والعم الحسن والوالد حسين ..وجدتي فاطمة زهره الزكية

يازواري انحبوا وابجوا عليه .. بنت حسين انا واسمي رقية

احنا الي نشأنا وتربينا .. بمدينة جدنا الهادي نبينا

وين الشام وين ارض المدينة .. عدونا ماعرف حرمة نبينا

يازواري انحبوا وابجوا عليه .. بنت حسين انا واسمي رقية

عدنا عن حرم جدنا ابعدونا .. وعن تربة وطن شردونا

ذبحو كل هلي واحنا سبونا .. هضم مر على عماتي وعليه

يازواري انحبوا وابجوا عليه .. بنت حسين انا واسمي رقية

يوم الغاب ابوي حسين عني .. والله كل بجى والنوح فني

من اتيتمة من صغر سني .. يسموني العدى ياخارجية

يازواري انحبوا وابجوا عليه .. بنت حسين انا واسمي رقية

حين انزلونا في الخرايب .. شفت طيف الابو لن عني غايب

جابوا راسه بطشت النوايب .. ويه راسه جابو لي المنية

يازواري انحبوا وابجوا عليه .. بنت حسين انا واسمي رقية


للتحميل



يتبع

صوت الزهراء
21-07-2008, 03:31 AM
بسم الله الرحمن الرحيم

اللهم صلِ على محمد وآل محمد وعجل فرجهم


كليم الحسين


جرى سر الإله وليت شعري .. دماء أم شعاع العرش يجري
ترض الخيل في البيداء صدرا .. محمد أم حسين لست أدري

كليم الله موسى كلم المولى .. من الطور إلى ناموسه الأعلى
وطور الطف فيه خافقي حلّ .. يناجي من عليه الوحي قد صلّى
أنا والطف سيناء وموسى .. كليم للحسين أنا بشعري
وقفت مناجيا فمن المناجى .. محمد أم حسين لست أدري

رأيت كأنني في نينوى نورا .. هوى من ظل عرش الله منحورا
سقا أرضا بفيض دماهءه بورا .. وأطفأ مضرما في القلب مسجورا
أظل العرش أم نور تجلى .. به راحت سيوف الشرك تفري
ومن ذا صار للأرماح نهبا .. محمد أم حسين لست أدري

هوى من كان للأفلاك ميزانا .. وعين الوحي تجري الدمع هتانا
على من عالج الآجال ظمآنا ..وحيدا صار للتوحيد برهانا
نداء من تخوم اللوح دوّى .. ينادي قبل صدرك رضّ صدري
ترى من أنت يا هذا الذبيح .. محمد أم حسين لست أدري

سؤال الله من ملكوته الأعظم .. ألم أعهد إليكم يا بني آدم
بأن لا تعبدوا الشيطان ذا مأثم .. فقلت أمية بالآي لا تفهم
فكم بدر بوادي الطف غالت .. بدعوى ثأرها من يوم بدر
فمن هو ذلك المطلوب ثأرا .. محمد أم حسين لست أدري

بنو أكالة الأكباد لا تقوى .. بأن يحكمها الإيمان والتقوى
تظن بأنها من ربها أقوى .. فراحت تنشر الظلم كما تقوى
أبو سفيان هذا أم يزيد .. يخاطب قومه ثأرا بثأر
ترى من ذا سيعدل ثأر بدر .. محمد أم حسين لست أدري

بقصر الزهو أمست تنعم الأوغاد .. ورأس السبط محمول على المياد
مهلا يا بني أكالة الأكباد .. مهلا إنما الله لبالمرصاد
قتلتم خير خلق الله طرّا .. وبالسيف احتززتم أي نحر
ومن ذا رأسه فوق العوالي .. محمد أم حسين لست أدري

بنو صخر وحرب أجّجوا حربا .. بها احتزت رؤوس من ذوي القربى
وأجساد هوت ظامئة سغبى .. بصبر المرتضى تستقبل الترب
هوى بالطف ظل العرش ملقى .. ثلاثا بالعراء ودون قبر
سؤال في ضمير السر يبقى .. محمد أم حسين لست أدري

للإستماع من هنا

يتبع ,,

صوت الزهراء
21-07-2008, 03:32 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. لِمَن أُبدي الأسى ..

لِمَن أُبدي الأسى يا سائلاً عَني - فَإني مَنبَعُ الآهاتِ وَالحُزنِ
لِمَحبوبي حُسَينٌ لَوعَتي فَني

أنا أم الأربعة يل ناشدت عني - أنا إلما بطلت طول العمر وني
أنا إلخان الدهر بيه او گطع ظني - فجعني ابغيبته حسين الشهيد إبني
وَمِن عَيني دِماءَ الأدمُعي تَجري - لأنَ الفَقدَ نارٌ بِالحَشى تَسري
رَماني الخَطبُ بَعدَ العِزِ بِالوَهنِ - لِمَحبوبي حُسَينٌ لَوعَتي فَني

أنا إلخابت عگب ولياني آمالي - أنا أم البنين الفاگدة الغالي
أنا إلي اتصوب ابلوعاته دلالي - همت بين النوايب وإندهش بالي
فَمَن يَدري أنا المَفجوعَةُ الثَكلى - وَقُرآنُ الرَزايا بِالأسى يُتلى
على سَمعي وَيَحكيهِ صَدى جِفني - لِمَحبوبي حُسَينٌ لَوعَتي فَني

أنا إلي عالحزن والونة طبوعة - أنا إلمتعودة اعلى الحسرة واللوعة
أنا إلي خاطري لا ما سكن روعه - أنا إلجسمي غدت تتراجف اضلوعه
ضُلوعُ الهَمِ قَد أحنَيتُها قَهرا - وَطَعمُ الصَبرِ أضحى بِالنَوى مُرا
فِراقُ السِبطِ أجرى الدَمعَ كَالمُزنِ - لِمَحبوبي حُسَينٌ لَوعَتي فَني

أنا إلگلبي كثر من لوعتي همه - يمن تنشد سباني فراگ أبو اليمة
توذر جسمه فوگ الغبرة شيلمه - خلص عمري يا ريته او جرى دمه
بِأرضِ الطَفِ لَما ماتَ عَطشانا - ثَلاثاً جِسمُهُ قَد ظَلَ عُريانا
سَأبقى بَعدَهُ مَشغولَةَ الدِهنِ - لِمَحبوبي حُسَينٌ لَوعَتي فَني

أنا إلعذب دليلي بشر إبن حذلم - اسمعت نعيه إنُّصب لإبن الوصي مأتم
يگول إبني تغسل من نجيع الدم - وعوضتك فينا صدره الطاهر إتهشم
بِلا ذَنبٍ جَناهُ لَم يُراعوهُ - أعاديهِ بِسَيفِ الحِقدِ غالوهُ
وَنالَ الَسيفُ لَما غالَهُ مِني - لِمَحبوبي حُسَينٌ لَوعَتي فَني

أخبرك يا نذير اللوعة والحسرة - إخذ مني يا من تنشد فرد عبرة
إنذرت أولادي فدوة إلمهجة الزهرة - او عشت كل الأمل لرجوعه منتظرة
تَمَنَيتُ إبنَ طهَ سالِماً يَرجَع - وَلا أُجري عَلَيهِ ساجِمَ المَدمَع
وَلكِن خابَ مِن غَدرِ العِدى ظَني - لِمَحبوبي حُسَينٌ لَوعَتي فَني

على الغالي أبو اليمة لأظل أنحب - وأواسي بالدمع أم الحزن زينب
على إلي شيبه من فيض الدمة اتخضب - على إلي خده بالرمضة غدى امترب
شَتَبكيهِ إلى وَقتِ الرَدا عَيني - لِأقضي لِإبنَةِ المُختارِ مِن دَيني
وَأدري أنَ دَمعَ العَينِ لا يُغني - لِمَحبوبي حُسَينٌ لَوعَتي فَني

للإستماع من هنا

يتبع ,,

صوت الزهراء
21-07-2008, 03:33 AM
بسم الله الرحمن الرحيم

اللهم صلِ على محمد وآل محمد وعجل فرجهم


العلم عالگاع ياحيدر

العلم عالگاع يا حيدر يا بويه ومنك اتعذر
اشتفيد اعذار يا حامي الجار


الك تاريخ ظل يشهد يا داح الباب يا ليث الغاب على الشدات تتودد
ترجف الموت من تحتد يا صل الصيف بيمينك سيف غليظه رگاب يتگصد
تدوس الموت تتعمد يا بو الحملات الك صولات تهز الكون من تشتد
وانا العباس عالمسند حملت لواك جهودك داك ردت هاليوم يتجدد
ردت عالجيش يتكرر مغيرك يا بطل خيبر
سحگت أبطال يا حامي الجار


العهد وياك من ترحل أظل وفاي وأنا بدنياي سوى المعروف ما أقبل
لو ان دنياي تتبدل أظل ملزوم بعهد مرسوم عهد بدماي يتسجل
بعزم شديت كل محمل كفلت عيال حرم وأطفال وانا المذخور واتكفل
حليف الزود ما ينذل صحت هاليوم أخلي الگوم بدماها الخيل تتحجل
نصبت خيام للخدر بگيت لعهدك أتذكر
بنيت أستار يا حامي الجار


أشوف جيوش تتجمع زلم وخيول تريد تصول على شاطي الماي تتوزع
يا داح الباب لان اسمع نحيب ونوح يفت الروح بچي الأطفال والرضاع
على شربة ماي تتلوع عطاشى گلوب تحن وتلوب عتبها يفيض بالمدمع
بنات خدور تتروع تصيح بصوت لفانا الموت ومهجنا بنار تتلفع
اشوف گلوب تتفطر ضمايا وبالعطش تسعر
على جمرة نار يا حامي الجار

العطش نيران تتلهب اشتشوف العين يا بو الحسنين مهج وارواح تتعذب
اخذت الجود من زينب گصدت الماي ولواك وياي يرف ويلوح عالمنكب
شفت فرسان تترقب وحشود الخيل شبيه السيل وهي لملگاي تتوثب
صحت هيهات اتهيب لو ان الاف تسل اسياف وانا البالموت ما حسب
غبار الكون يتنثر يا بوي ودارت العسكر
بنبل واشفار يا حامي الجار


غدت هالگوم تتحشم فزع وصفوف مشهره سيوف على چتلي تريد تتوزم
وانا بكل حال ما اهتم انا العباس دعيت الناس عليها السيف يتحكم
وصرت عالماي اتقدم وهم يرمون واشوف الكون بعجاج الخيل صار اظلم
بثغر عطشان اتبسم ترست الجود رجعت ردود وگصدت اطفال ومخيم
عفت رضعان تتضور يا بويه وعيله تتنطر
تصد انظار يا حامي الجار


علي هالجيش ظل يلتف اجتني حشود ودرب مسدود وعلي رميات تتهدف
رهيف الجور ما انصف گطع يمناي وگطع يسراي وانا على الجود اتلهف
العلم طيحوه ويا الچف وجريت دموع بگلب مفجوع على هذا لواك اتأسف
بيمينك چان لو رفرف يصب آجال على الأبطال وسافه يطيح بأرض الطف
أشيل لواك ما أگدر گطيعه چفوفي واتحسر
وصرت محتار يا حامي الجار

العلم طيحوه من يدي بدمع ناديت صحت يا ريت العذر مقبول من عندي
بذلت عليه كل جهدي واظن معذور وزمان الجور عتب وياه ما يجدي
الوسف شيجيب شيودي أمر محتوم واظل مهموم على الچف الطاح من زندي
يا بويه وياك كل عهدي وفيته بهاي لچن بحشاي جرح چتال ظل يدي
على الرضعان اتفكر جمر بحشاها يتوجر
دريت اشصار يا حامي الجار

للإستماع من هنا

صوت الزهراء
21-07-2008, 03:34 AM
بسم الله الرحمن الرحيم

اللهم صلِ على محمد وآل محمد وعجل فرجهم


على منهو تنوحين


هالنوح يا زهراء على منهو تنوحين
هالنوح يا زهراء على منهو تنوحين
نوحج على المسموم لو نوحج على حسين

حنت او نادت والدمع بالخد جاري
ان تسئلوني يا خلق كلهم أولادي
لكن امصاب احسين ساط في افادي
واعظم عليه لو نعى الناعي على احسين

ابجي على اولادي فنوا بالسيف والسم
وابجي على بوهم قتيل لابن ملجم
وانجان بالله تسئلوني يا هو أعظم
كل المصايب هونتها امصيبة احسين

دهري رماني بالرزايا ابكل غالي
او شتت أولادي عن يميني وعن شمالي
ماشوف ساعة امن الحزن مرتاح بالي
كل العزاء والنوح والضجة على احسين

أبجي على أولادي ذبايح يوم عاشور
وأنا نصبت العزاء ليهم وسط لقبور
وانسيت ضلعي اللي ابصير الباب مسكور
كل العزاء والنوح والضجة على احسين

ولابلد الا وفيها منهم قبور
واللي اوليه ابغداد المشومه منطفي نور
وابني علي في طوس قلبه انشطر باشطور
واللي نحلني يا خلق ذبحة احسين

اولا تسألوني للرضا في طوس ما جيت
ولا الى بغداد ما رحت أو تعنيت
كلهم عليهم نوحت والجيب شقيت
واعظم عليه لانعى الناعي على احسين

للإستماع من هنا

صوت الزهراء
21-07-2008, 03:35 AM
بسم الله الرحمن الرحيم

اللهم صلِ على محمد وآل محمد وعجل فرجهم


حضر بالطف


حضر بالطف رسول الله وتحير فقد جاسم أشد لو فقد الأكبر
يدير العين هادينا فقد بدرين هادينا
فقد جاسم أشد لو فقد الأكبر

حضر هالفاجعة الهادي حزين بلوعته ينادي أجيت أرد أحضر ولادي وقعد بين الجثث ينحب
تفجر سيل عبراته حفر بدموعه وجناته زفير النار حسراته ضميره بالحزن يلهب
قعد للأكبر ينظره يشوف بهامته الطبرة يصد لجاسم بعبرة يشوفه بالدمة مخضب
يحاجيهم وهم عالغبرة صرعة غدى عليهم يصب دمعة على دمعة
يتوجه وين هادينا فقد بدرين هادينا
فقد جاسم أشد لو فقد الأكبر

حضر بالطف رسول الله وتحير فقد جاسم أشد لو فقد الأكبر
يدير العين هادينا فقد بدرين هادينا
فقد جاسم أشد لو فقد الأكبر

حضن جثة علي الأكبر يقله يا بني ما أقدر أشوفك بالدمه معفر دهتني مصيبتك يا بني
كلف يا الأكبر مصابك صريع وبالدمه خضابك يمينه أنشله بصوابك تراه بقلبي صوبني
من أشوفن وجه قدامي تهيج لوعة آلامي شباب وتنذبح ضامي شعالامك ما تجاوبني
حنه ضلوعه ويشم طبرة جبينه يذوب الصخرة من جمرة ونينه
ولاه البين هادينا فقد بدرين هادينا
فقد جاسم أشد لو فقد الأكبر

حضر بالطف رسول الله وتحير فقد جاسم أشد لو فقد الأكبر
يدير العين هادينا فقد بدرين هادينا
فقد جاسم أشد لو فقد الأكبر

وقعد يم جاسم يشمه وحنه ضلوع الصبر يمه ويخضب شيبته بدمه ويقله يا بني يا جاسم
أجيت أمسح ترب خدك وأضمد بالدمع جبدك شجرى لك يا بعد جدك يا ريحانة بني هاشم
يا ضي الي بيه تصد عيني على دربي يدليني شجرا لك ما تحاجيمني وتنشف مدمعي الساجم

تغض وسفه يا جاسم عن جوابي يعل لأجلك جرح لوعة مصابي
حمل جرحين هادينا فقد بدرين هادينا

حضر بالطف رسول الله وتحير فقد جاسم أشد لو فقد الأكبر
يدير العين هادينا فقد بدرين هادينا
فقد جاسم أشد لو فقد الأكبر

التفت للأكبر بونه شطر مجرى الدمع منه يقله بيش أعيدنه جرح جبدي الي يسافح دم
وأنت يا علي يمي أشونك جسم مدمي يصب من منحرك دمي مو هو جسمي الذي تخدم
يا نجمة من السماء طاحت يا دمعة من الجفن ساحت شكثر روحي الك ناحت وما تسمع بوادي الهم

سهم فقدك شعب قلبي ورماني حزن جاسم مثل حزنك دهاني
إنرمه بسهمين هادينا فقد بدرين هادينا
فقد جاسم أشد لو فقد الأكبر

حضر بالطف رسول الله وتحير فقد جاسم أشد لو فقد الأكبر
يدير العين هادينا فقد بدرين هادينا
فقد جاسم أشد لو فقد الأكبر

يا جاسم يا هوى الي يسري شفت دم ركبتك يجري توجيت بجبل صبري يا ضي عيني الي أصد بيها
لزفافك جيت يا عيدي جبت لك شمعتك بأيدي بعد ما أدري يا وليدي هوى العاصف يطفيها
علقتها بجمرة الدمعة شلتها بروحي منفجعة يا جاسم قوم هالشمعة على قبر الحسن خليها

يا من فقدك عصف ريح المصايب سواد الهم طفح غيب النوايب
إنفجع بإثنين هادينا فقد بدرين هادينا
فقد جاسم أشد لو فقد الأكبر

حضر بالطف رسول الله وتحير فقد جاسم أشد لو فقد الأكبر
يدير العين هادينا فقد بدرين هادينا
فقد جاسم أشد لو فقد الأكبر

إلتفت للأكبر يقله عليك الحزن ما مله البيابي مدمع تهله على أبوك الي بقه وحده
أبوك حسين يا الأكبر وحيد وحاطته العسكر رعاك الله لون تقدر تقوم العسكر ترده
من أشوفنه يهب نوحي ويهيج ساكن جروحي يا الأكبر هاك أخذ روحي وأنهض للعزم شده

النبوة أنصابت لحال الامامة مصيبة والفلك غير نظامه
حزن الحسين هادينا فقد بدرين هادينا
فقد جاسم أشد لو فقد الأكبر

حضر بالطف رسول الله وتحير فقد جاسم أشد لو فقد الأكبر
يدير العين هادينا فقد بدرين هادينا
فقد جاسم أشد لو فقد الأكبر

على جاسم روحه مهمومة قعد يتمثل رسومه يقله دونك الحومة يا ريتك تنظر وتسمع
تقوم لعمك تشوفه عليه الجيش بصفوفه هجم وملوحة سيوفه عليه رماح تتشرع
وسف يخفي الأجل ونك جواب أردن صرت منك أطن يا بن الحسن جنك عنت لك نومة المصرع

يا من عرسك صبح عرس المنية الك طابت رمال الغاضرية
إله مصابين هادينا فقد بدرين هادينا

حضر بالطف رسول الله وتحير فقد جاسم أشد لو فقد الأكبر
يدير العين هادينا فقد بدرين هادينا
فقد جاسم أشد لو فقد الأكبر

للإستماع من هنا

يتبع ,,

صوت الزهراء
21-07-2008, 03:35 AM
بسم الله الرحمن الرحيم

اللهم صلِ على محمد وآل محمد وعجل فرجهم


قسما بدمائك يا حيدر

قسما بدمائك يا حيدر وبشبلك محزوز المنحر
ماضٍ بولائي وبكل وفائي
لن أخشى ممن يتجبر خذ عيني لا بل خذ أكثر
أعطيك دمائي وبكل وفائي
لعيونك يرخص كل غالي يا حامي الجار أطلب كل ما مر في بالي بس أنت
اختار
الموت على المبضع يحلا لي بخفقة بتار بالدم تكتب لك أوصالي عهد
الإيثار
طبرة راسك تتراوالي دم الأطهار شاخص حالة دم اقبالي نصب الأنظار
فيض دمائك لما سالا كان لوجه الله
تعالى
وسيبقى يجري لبلوغِ الحشرِ
أعطيت لمن شاء وقدر بحر دماء لن
يتخثر
ومن الأبنائي وبكل وفائي
قسما بدمائك يا حيدر وبشبلك
محزوز المنحر
ماضٍ بولائي وبكل وفائي
لن أخشى ممن يتجبر خذ عيني لا
بل خذ أكثر
أعطيك دمائي وبكل وفائي
بيك أقسم وبدم الطبرة يا عالي الشان
ما يبلغ من دمك قطرة دم كل إنسان
أقسم بالي حزو نحره وطايح عطشان
اي والي هشموا صدره بخيل
الفرسان
روحي وعيني ونفسي الحرة ودم
الشريان كلهن أرخصهن للعترة وبلا
أثمان
ذا عهد ودمائك تشهد لن أصفح عن
آلِ محمد
لو يقطع رأسي وأجود بنفسي
من أعماقي صوت يظهر من قلب
يلهب كالمجمر
وجهت نداء وبكل وفائي
قسما بدمائك يا حيدر وبشبلك
محزوز المنحر
ماضٍ بولائي وبكل وفائي
لن أخشى ممن يتجبر خذ عيني لا
بل خذ أكثر
أعطيك دمائي وبكل وفائي
يا أول مظلوم و أول مصيوب انصاب
قلبك يا ما جور اتحمل من
اهل الانصاب
دمك يسفح مثل المنهل وسط المحراب
نار امصابك شعلت مشعل جمر
الاطناب
و اشبولك لو عنهم تسأل يا داحي الباب
كل منهم بدموم اتغسل برض الطف
غاب
والهفي أهتف والهفي لرؤوس
حزت بالطفي
لما حملوها سحبا جعلوها
و كأني بالمطر الأحمر من كل وريدٍ
يتقطر
تجري بإزائي و بكل وفائي
قسما بدمائك يا حيدر وبشبلك
محزوز المنحر
ماضٍ بولائي وبكل وفائي
لن أخشى ممن يتجبر خذ عيني لا
بل خذ أكثر
أعطيك دمائي وبكل وفائي
هب عاصف أسود يا الأنزع بالضيم
يلوح من طبرة راسك تتفرع آهات
ونوح
دمك بأولادك يتوزع وأصبح مسفوح
ما بين الطايح بالمصرع دامي ومذبوح
بين اللي على الشاطي مبضع جسمه
ومطروح كل هذا وما أجري المدمع
شي يصبر الروح
لن أبكي بالدمع الجاري بل أبكي فقد
الأطهارِ
بسيوف قُطع ورماح شُّرع
لو جسدي يحرق أو ينثر قسماً قسماً
لن أتغير
أعرض أشلائي وبكل وفائي
قسما بدمائك يا حيدر وبشبلك
محزوز المنحر
ماضٍ بولائي وبكل وفائي
لن أخشى ممن يتجبر خذ عيني لا
بل خذ أكثر
أعطيك دمائي وبكل وفائي
دمكم ثوب الليل تخضب وأصبح نيشان
واضح وبجبهة كل كوكب دمكم
عنوان
أجساد وإلكم تترقب عين الديان هنا
جثة ومظلوم مسلب وهنا شبان
هنا راس بعامود مصوب وهنا رضعان
وهنا عيلة تنوح وتنحب بين النيران
ولنا عبراتٌ تتجارى وسيوف ترتقب
الثارا
سأحقق وعدي في جيش المهدي
لو صاح المهدي وكبر عن نصرته
لن أتأخر
لأكون فدائي وبكل وفائي
قسما بدمائك يا حيدر وبشبلك
محزوز المنحر
ماضٍ بولائي وبكل وفائي
لن أخشى ممن يتجبر خذ عيني لا
بل خذ أكثر أعطيك دمائي وبكل وفائي

للإستماع من هنا

يتبع ,,

صوت الزهراء
21-07-2008, 03:36 AM
بسم الله الرحمن الرحيم

اللهم صلِ على محمد وآل محمد وعجل فرجهم


زينب لفت يم حسين


للشاعر المرحوم ..عبد الحسين الشرع..

زينب لفت يم حسين... لـچن گابعه بالهم
تـگله يا ضوه عيوني... عليمن هالفزع ملتم

تعنت ليه للخيمــــــــه ... وتفسر الصخر ونتهـا
طبت قعدت اگبالــــــه ... وعالخد تهل دمعتهـــا
تـگله اعليك ضلع امك ... المظلومه او مصيبتها
سولف لي يماي العين
لا تخفي علي يحسيــن
عليمن هالفزع صوبين
وأشوف ابكثر عج الخيل ... وادي كربلــــه غيم

أويلي من سمعها احسين... سالت دمعة اعيونــــــه
يـگلها أخاف أسولف لـچ... او وجهـچ ينخطف لونه
ابـچتلى او چتل أهل بيتي... يختي الـگوم يردونــــه
ولا بد ما تشوفينــه
فوگ الثره امـگطعينه
يزينب لا تنوحينــه
عينج عاليتامه النــــــــار... لو شبت بالمخيــــــــم

تـگله الكاتبك يحسيــن... من هالناس چـا وينه
يـگل لها يماي العيـــن... كلها انـگلبت اعلينه
تـگل له حمل اضعونك ... او سدر للوطن بينه
يـگل لها ما يخلوني
أسدر بعد بضعوني
نيتهم يـچتلونـــــــي
ولابد ما تشوفينــــــي ... او شيبي يـگطر امن الدم


والأكبر عالأرض مطروح ... يختي عيونج اتشوفه
او جاسم عالثرى مرمــــي ... ابدال العرس والحوفه
وأخوج اعلى النهر نايــــم... ويمه امـگطعه اچفوفه
او يمه رايته او جوده
او عينه ابسهم ممروده
بطل حيلي على ازنوده
لو شفتيهن ابكتـــــــــــره ... او جسمه اعلى الثره امخذم


يختي او سهم المثلـــث... ابدلالي تشوفينـــــه
او عبدالله الطفل يختـي... ابدم نحره امطوقينه
او لو شفتي الشمر يمي ... ابعدي او لا تحاچينه
تراه هو يـگطع ابنحـــري
او يتربع على صــــدري
يزينب عايني او صبري
لمن يحكم الباري ... او هوه ابحالنا أرحم
للإستماع من هنا


يتبع

صوت الزهراء
21-07-2008, 03:37 AM
بسم الله الرحمن الرحيم

اللهم صلِ على محمد وآل محمد وعجل فرجهم


يا مهدينا الضلع ما ننسه ثاره

يا مهدينا الضلع ما ننسه ثاره وعلي جدك علي هجموا لداره
يا روح الإنسانية سرك سر التوحيد يالبايعناك بدمنا مو بيعة أيد بأيد
شما يكثر دمع الموعد أكثر محنتنا تزيد منك يا الغايب منك تدري وتعلم شنريد

تثور على الغصب حق الامارة تنشده بيا ضلع ملتهبة ناره وعلي جدك علي هجموا لداره

يا مهدينا الضلع ما ننسه ثاره وعلي جدك علي هجموا لداره

يا من كسروا ضلع أمك بالحايط والمسمار قوم أنشد يا هو الي طايح يم عتبة باب الدار
حلمك دوب وصبرك ننتظره ليل نهار يمتى خيولك تسرجها وتصيح الثار الثار

أناشد على الفرج يمتى البشارة أضل حت الصخر مل أنتظاره وعلي جدك علي هجموا لداره

يا مهدينا الضلع ما ننسه ثاره وعلي جدك علي هجموا لداره

بيعونك دمعة آدم بقلبك لوعة يعقول وبصدرك شهقة يونس يالصبرك صبره يهود
الصخرة تذوب بحسراتك وقلبك صابر ما يذوب شتنسى الزهرة لوعتها لو محسن يا المحجوب

إلك جفن المحب دمعه يتجارى يشوبح على الفرج ليله ونهاره وعلي جدك علي هجموا لداره

يا مهدينا الضلع ما ننسه ثاره وعلي جدك علي هجموا لداره

مصابك يا المهدي مصابك ما مثله يصير مصاب نثروا صفحات سنينك واحترقت ويا الباب
جدول أحزانك يجري وضل ينزف بالمحراب ما بين الزهرة وحيدر صواب أعظم من صواب

غصب مني الوصي تاج الوزارة صفت عند الخصم ذيج الصدارة وعلي جدك علي هجموا لداره

يا مهدينا الضلع ما ننسه ثاره وعلي جدك علي هجموا لداره

من غصبوا جدك حيدر ضاع الحق والاصلاح عافوا مبراز الحكمة وتبعوا حكم الأشباح
جدك طاح بمحرابه غدروه وراح الراح يا الغايب أنشد وأسمع دم الكرار شصاح

هتف وين القيم وين الحضارة رجع حكم الجهل هاي الخسارة وعلي جدك علي هجموا لداره

يا مهدينا الضلع ما ننسه ثاره وعلي جدك علي هجموا لداره

يا الغايب وأ،ت مصابك صار اليوم مصابين يا نار الي تطفيها وأنت بقلبك نارين
يا هي الي تقدر تحملها وتشخص عينك لا وين جرح الباب الي دفعوها لو طبرة سيف الين

كسر ذاك الضلع صعبة انجباره وتضل طبرة علي تجري بغزارة وعلي جدك علي هجموا لداره

يا مهدينا الضلع ما ننسه ثاره وعلي جدك علي هجموا لداره

أنشد من دمعة عيني ومن دلالي المجبور تلهب نارك على الطبرة لو على الضلع المكسور
يا يوم إتجرد سيفك على الطغيان وعلى الجور يا يوم وشمسك تطلع وانشاهد ذاك النور

تدفعك للنصر بهمة وجدارة تثور وللكفر تعلن دماره وعلي جدك علي هجموا لداره

يا مهدينا الضلع ما ننسه ثاره وعلي جدك علي هجموا لداره

يالتشربون الماي بالماي ذكرونــي أنه حسين المظلوم لا تنــســونــي
شيعتي ناديت وذاب مني الــقـلب جسمي بالميدان طايح عــلى الترب
للأبد ما ننساك يابن حامي الحمة أرواحنا كلها فداك والأهل والدمة
يل تشربون الماي بالماي ذكروني أنه حسين المظلوم لا تنــســونــي

للإستماع من هنا

يتبع ,,

صوت الزهراء
21-07-2008, 03:37 AM
بسم الله الرحمن الرحيم

اللهم صلِ على محمد وآل محمد وعجل فرجهم


گبل ما تروح وتهاجر

گبل ما تروح وتهاجر يا طير الصاف تانيني
اخذني وياك لاحبابي وعلى الجنحان خليني
وادور وين ابوي حسين

گبل ما يطوح الحادي گبل ما ياخد الأحباب
ترجيته بدمع يطفح مثل ما يطفح الخنياب
هداك الله يا حاديهم تهدى ولا تسوگ الناب
مشى ولا چلمه من عنده سمعت ولا سمعت جواب
جزوا بالمسرك الخطوه أحس تركت جرح وصواب
وتباريهم غدت عيني وتصد لما شبحهم غاب
يا طير الصاف عافوني وانا اليا ويل يبرى لي
أصد للبيت بعيوني واشوف البيت ضل خالي
گطع لاوين أبوي حسين

گبل ما تروح وتهاجر يا طير الصاف تانيني
اخذني وياك لاحبابي وعلى الجنحان خليني
وادور وين ابوي حسين

عساها تهدمت داري علي وريت موتي حان
وعسى بروحي الأجل ينعى ولا أسمع حدي الركبان
أحاچي الدار واسألها بعد هم ترجع الوليان
سكوت ولا جواب أسمع مظلمه وموحشه الجدران
على فراش المرض جسمي وارامح رمحة الغرگان
واترجى جرف صبري لعله يخفف الأحزان
عساه الموت يلفيني يا طير الصاف واتمنى
ولا دنياي اگضيها على الاهات والونه
گصد للبين أبوي حسين

گبل ما تروح وتهاجر يا طير الصاف تانيني
اخذني وياك لاحبابي وعلى الجنحان خليني
وادور وين ابوي حسين

صحت ولياي عافوني ودواه البين حاطتني
مثل حالم ولد مذبوح ياطير الصاف خلتني
علي تتغاير همومي غصص دنياي ذهلتني
غصص ما ينحمل همها على نعش الموت شالتني
عليله ومن صغر سني نحيله والمرض فتني
يا طير الصاف والدنيا اش كثر لوعات راوتني
على اللوعات اتسند واطيح ردود من همي
وادير العين واتلفت أبوي حسين مو يمي
ترك جرحين أبوي حسين

گبل ما تروح وتهاجر يا طير الصاف تانيني
اخذني وياك لاحبابي وعلى الجنحان خليني
وادور وين ابوي حسين

جرح من لوعة فراگه حفر مني الدمع خدي
جرح ثاني جرح چتال من سيل المرض يدي
عفاني اش لون هالجرحين ما گطعن هرش چبدي
على هالحاله يا طير الصاف جزيت من الصبر حدي
سواد الليل يلفيني واگولن يگضي ويعدي
واصيح اش ما اطولك يا ليل ولا نسمة صبح تبدي
أون والليل ما يرحم ونيني وسيل عبراتي
وانا الي مليت من همي ونحيبي ونار حسراتي
أجيب من اين أبوي حسين

گبل ما تروح وتهاجر يا طير الصاف تانيني
اخذني وياك لاحبابي وعلى الجنحان خليني
وادور وين ابوي حسين

حچيت أنا ويا حاديهم گبل لا بالضعن يطلع
الحادي ما بدى لي جواب ترك موح الجفن ينبع
حچيت النوب ويا الدار محاچي وياها تنفع
حچيت ويا النجم والليل ما منهن جواب اسمع
حچيت ويا النسيم الهاب جواب النسم ما يرجع
عفتهن كلهن وجيتك يا طير الصاف بالمدمع
أريد جواب من عندك حليفة نوح تدريني
أمشي عليك بارينا يا طير الصاف حاچيني
تريد العين أبوي حسين

گبل ما تروح وتهاجر يا طير الصاف تانيني
اخذني وياك لاحبابي وعلى الجنحان خليني
وادور وين ابوي حسين

لو انك رايد تهاجر توانى وياي وتمهل
أشد روحي على جنحانك وخدني وياك من ترحل
نروح ونگطع البيدا ندور عن هلي ونسأل
ونتخطى على ظهر الغيم عسى المايوس يتحصل
يا طير الصاف وارد اوصي لو انك شاهدت محمل
برخى على الگاع نزلني الگلب ما عاد يتحمل
حملت هموم لوصبت على الجلمود يتفطر
غياب حسين شب گلبي صليل حشاي يتوجر
شعل نارين ابوي حسين

گبل ما تروح وتهاجر يا طير الصاف تانيني
اخذني وياك لاحبابي وعلى الجنحان خليني
وادور وين ابوي حسين

صدگ نرحل يا طير الصاف وعلى جناحك تخليني
وصدگ نوصل لعند أهلي واشوفن والدي بعيني
البيابي صبي اهدي لك لو ان لاهلي توديني
والك ثلثين من عمري يا مگصر عمري وسنيني
رياحين العمر ذبلت ولا خفگه برياحيني
واباري الناحر مصابي ثجيل الهم يباريني
لاظل حسرات هيمني همت والروح مفجوعه
سگم بلواي محتاره حرت ما بين هاللوعه
حرت ما بين أبوي حسين

گبل ما تروح وتهاجر يا طير الصاف تانيني
اخذني وياك لاحبابي وعلى الجنحان خليني
وادور وين ابوي حسين

للإستماع من هنا

يتبع ,,

صوت الزهراء
21-07-2008, 03:38 AM
بسم الله الرحمن الرحيم

اللهم صلِ على محمد وآل محمد وعجل فرجهم


بأي ذنب دمي جرى

بأي ذنب دمي جرى والجسم مني فوق الثرى
ماغسلوني أو كفنوني بل قطعوني في البيداء

آنه ريحانة محمد وأقترن بالهادي أسمي
حيدر المغصوب أبويه وفاطمة المظلومة أمي
أتوضت سيوف المنايه بمنحري وطهرني جسمي
وصرت محراب الشهادة وصلت رماح إعلى جسمي

فسوف أروي مصيبتي والكون يبكي لحالتي
جسمي سليب شيبي خطيبٌ

وذا لهيبٌ في الأحشاء

ضحت أنصاري وأخوتي وكل أهل بيتي وبنيني
والجيوش أستوحدوني وبسيوف محاوطيني
رمية تتبع رمية وأشكَف عن يساري وعن يميني
هذي أول رمية منهم بالحجر صابوا جبيني

وذا جبين تألما وأبتل شيبي من الدما
أخذت ثوبي مسحت شيبي

فذاب قلبي للأرزاء

عقب ماصابوا جبيني وذاك الصواب الحملته
بسهم المثلث رموني وطايح بلالي شفته
عالمهر صدري حنيته وسهمي من ظهري سحبته
طحت من سرج المنية وعالترب خدَّي فرشته

أصاب قلبي تأثرا وأي قلبٍ تنثرا
ارما بسهمٍ من دون جرمٍ

وأي يومٍ عاشوراء

أتوسد إعلى الغبرة جسمي سلمت للباري أمري
لن شمر بالسيف إجاني وللذبح ثنى إعلى صدري
شفته مد إيده إعلى راسي ووسَّط السيف اعلى نحري
وأبتدى يحز بوريدي وعالرمال دمومي تجري

فنال مني كيد العدى وأحتز رأسي سيف الردى
والشمر يدري مذ حزَّ نحري

في الطفِ تجري أيُ دماء

بيده شايل راسي لكن دمي ينزف حين شاله
رمحه خلاه بوريدي وعالرمح راسي يتعالى
وحاطت الناس إعلى رمحه عن يمينه وعن شماله
واحد لواحد يسلمه وراسي هذا اللي جرى له

القوم مَن هم ومَن أنا يُشال رأسي على القنا
خطبي فظيعٌ رأسي قطيعٌ

جسمي صريعٌ دون رداء

راسي مابين الأيادي وجسمي بحجور المنية
لن عشر خيَّالة قصدت غايرة وداست عليَّه
أضلوعي بالطف هشَّموها مثل ضلع أمي الزكية
وماترك من جسمي مفصل حافر خيول آل أُمية

تناولتني نصولهم وفوق صدري خيولهم
لم يرحموني فأوردوني

كأس المنونِ بدل الماء

للجسد بجدل تعنه لكن بسيفه أعتنى لي
قطعت الخنصر دهتني والصخر يبجي إعلى حالي
عقب ماجسمي تسلب عقب هالحال الجرى لي
بخنجره الجمَّال إجاني و قطع يميني وشمالي

يُدار رأسي بين الملا والجسم ثاوٍٍ بكربلا
غذاََ سنحشر والحق يظهر

وسوف نؤجر في السعداء
للإستماع من هنا

يتبع ,,

صوت الزهراء
21-07-2008, 03:39 AM
بسم الله الرحمن الرحيم

اللهم صلِ على محمد وآل محمد وعجل فرجهم


قف بالطفوف
للشاعر :الشيخ جعفر الهلالي

قف بالطفوف وجب بفيض الأدمع إن كنت ذا حزن وقلب موجع
قف بالطفوف وجب بفيض الأدمع إن كنت ذا حزن وقلب موجع

يا سعد ساعدني على طول البكاء وأدل دموعك بين تلك الأضلع
ولتسدي يا با الحزن سودا وإكتحل إن كنت مكتحلا بحبر الأدمع
أيتم جسم بن النبي على الثرى ويبيت من فوق الحشايا مضجعي

قف بالطفوف وجب بفيض الأدمع إن كنت ذا حزن وقلب موجع
قف بالطفوف وجب بفيض الأدمع إن كنت ذا حزن وقلب موجع

تبا لقب لا يقطع بعده أسفا بسيف الحزن أي تقطع
لم أنسه في كربلاء مخاطبا من ليس يسمع ما يقول ولا يعي
تفها لرأيكم انسبوا لتعلموا أني إبن أكرم شافع ومشفع

قف بالطفوف وجب بفيض الأدمع إن كنت ذا حزن وقلب موجع
قف بالطفوف وجب بفيض الأدمع إن كنت ذا حزن وقلب موجع

قالوا له قربا تكون وانما ناديت يا بن الطهر من لم يسمع
فغدى يكر عليه مقبح سابه كر الوصي أبيه لم يتروع
حتى أتاح له القضاء فمن قضى به وهملت صدره لم تنقع

قف بالطفوف وجب بفيض الأدمع إن كنت ذا حزن وقلب موجع
قف بالطفوف وجب بفيض الأدمع إن كنت ذا حزن وقلب موجع

سهم أصاب حشاك يا بن محمد ظلم أصاب حشى البقية فاسمعي
لم انسى لا والله زينب أذ مشت وهي الفخور اليه مشي المسرع
تدعوه والأحزان ملأ فؤادها والطرف يسبح بالدموع القمع

قف بالطفوف وجب بفيض الأدمع إن كنت ذا حزن وقلب موجع
قف بالطفوف وجب بفيض الأدمع إن كنت ذا حزن وقلب موجع

أخيو مالك عن بنتاك معرضا والكل من بمنظر وبمسشفع
أخيو ما عودتني منك الجفى فعلى مدى الطول وتجفو منبعي
أنعم جوادك يا حسين أما ترى شمر الخنا بالسوط ألم أضلع

قف بالطفوف وجب بفيض الأدمع إن كنت ذا حزن وقلب موجع
قف بالطفوف وجب بفيض الأدمع إن كنت ذا حزن وقلب موجع

فأجابها من فوق شاهقة القناة قضي القضاء بما جرى فأسترجعي
وتكفلي حال اليتامة وأنظري ما كنت أصنع في حماهم فأصنعي

قف بالطفوف وجب بفيض الأدمع إن كنت ذا حزن وقلب موجع
قف بالطفوف وجب بفيض الأدمع إن كنت ذا حزن وقلب موجع


للإستماع من هنا

يتبع,,

صوت الزهراء
21-07-2008, 03:39 AM
بسم الله الرحمن الرحيم

اللهم صلِ على محمد وآل محمد وعجل فرجهم


يا شايل نعش الوالي ريض مشيتك



ياشايل نعش الوالي ريض مشيتك

تانيني و ارحم حالي و آنه ارتجيتك

أرد أودعه و من تشيعه

ريض مشيتك


صحت و الهم تبلاني و يلوج المدمع بعيني ايهداك ياهالشايل نعش والينه تانيني

أريد اتريض الممشه تراني الهضم عاميني و أهيس نشفت ادمومي و لا قطره بشرايني

لوين بهل النعش قاصد أريدك تسمع اونيني أسوم اعليك أبو الزهره أودع الوالي خليني

آنه الحره المظلومه هاي آنه زينب

لمن ينحب له اتلومه كَلبي التعذب

لا تفجعه من تشيعه من تشيعه

ريض مشيتك

يا شيال النعش ريتك تهون خطوة المسره ياريتك ترحم ابحالي أودع والد العتره

كَبل ما توصل اللحده و تخضه و بيدك اتحفره قبل ما تنظر اعيوني ابويه اموسد بكَبره

أريد اليوم أودعنه و أشمه بموضع الطبره و أغسل شيبته بدمعي حنين و لهفة الحسره

و آنه بحسراتي و همي ظليت أكابر

راح الوالي من يمي بيمن أصابر

وش يرجعه من تشيعه

ريض مشيتك

كبل لا توصل الكبره تنزل نعشه ياريتك اشكثر يمشيع الوالي تمنيت و ترجيتك

ويه ابو الحمله أريد أحجي و أكله اتغيب مدريتك عكَب عينك يضي البيت مظلم يا علي بيتك

ياريت الموت ياخذني تعيش إنته تمنيتك مثل دم طبرتك دمعي يصب و بدمعي واسيتك

أتمنه اتعيش وتالي ميته عساني

يا الما تبعد عن بالي فكَدك ولاني

بعيني دمعه من تشيعه

بعد يا من شلت نعشه أخبرك و الكلب مجمور بلا شك ينحفر جبدي لون شفت الكبر محفور

هاي آنه اجيت أنحب و أنوحن و الدمع منثور أجفن حيدر بروحي و دمعتي السدر و الكافور

و أخبرنك بعد لمن شفت راس الولي مطبور ذكرت الباب و المسمار و ضلع الطاهر المكسور

اشلون أكدر أنسه اهمومي شدة مصابي

سهرت ما بين انجومي جمرت عذابي

لا تصدعه من تشيعه

للإستماع من هنا

يتبع,,

صوت الزهراء
21-07-2008, 03:42 AM
بسم الله الرحمن الرحيم

اللهم صلِ على محمد وآل محمد وعجل فرجهم


ضلعج اتهشم

هذا صوت حسين ظهر من نحره يخاطب البضعة يقلها يالزهرة
ضلوعي هشموها و آنة عالغبرة و شكثر تشبه ضلعج و كسره
مثل دارج خيمتي بكربلاء حرقوها
جسمي بسيوف الأعادي يالوديعة عالثرى تخذم منحري يصب دم
ضلعج تهشم منحري يصب دم

من دما المنحر أصبح خضابي تشبه مصابج حالة مصابي
ضلعج المكسور يشبه صوابي بنفس نار الباب حرقوا اطنابي
و بنفس ذاك الجمر خيمتي شبّوها
يظل مابين القلب يسعر لظاها نار المخيم منحري يصب دم
ضلعج تهشم منحري يصب دم

بلضعج المهشوم بدَّت آلامي الهجموا على الدار حرقوا أخيامي
الطيحوا محسن سحقوا أيتامي و آنة ذبحوني و القلب ظامي
جسمي طاح على الثرى و رقبتي قطعوها
فطِّرت قلبي المصايب و النوايب بالحزن و الهم منحري يصب دم
ضلعج تهشم منحري يصب دم


لمن العدوان وذروا جسمي بكربلاء شفتج حاضرة يمي
حضرتي و تواسين همج و همي للنبي نيشان خذتي من دمي
هذا حالي بكربلاء و الحَرَم يسروها
شما تزيد همومي و أحزاني و مصابي مصابج الأعظم منحري يصب دم
ضلعج تهشم منحري يصب دم

للإستماع من هنا

يتبع,,

صوت الزهراء
21-07-2008, 03:42 AM
بسم الله الرحمن الرحيم

اللهم صلِ على محمد وآل محمد وعجل فرجهم


الفضه اتغير عكَب حيدر

الفضه اتغير عكَب حيدر

كِلت يظهر بده المحشر

صدق دمه انتثر يمه ووكع جسمه بطل خيبر



هذا الأشر ابجفه و ردت له الشمس مرتين ما كفه يمينه السيف هذا الضارب ابسيفين

نصرخ من نضح من جفك سيل الموت هذا الطاعن ابرمحين كضه و رمح الشمس هاليوم ما مر اعله جفن العين

ابعلو الميزان أم راسه طبرها اشلون سيف البين اشيظل بالدنيه لو عنها تغيب نور أبو السبطين

حزن مشتد و لا ممتد

بغبار أسود الوكت غبر

جري المدمع رسم مصرع

و حفر مضجع بطل خيبر



هذا الترجف الآجال من اسمه و صعد راس الموت و هامات العده ابجذمه جان ايدوسها و ايفوت

هذا اللي نصر طالوت و بسره كسر جالوت و اشلون اليخوف الموت و ايرجف الموت هوه ايموت

عسن لا ناعيه تنعه و لا هذلت حمامه ابصوت القلم و اللوح يتمنن لون صارن إله تابوت

يشيعينه و يودنه

يغسلنه عالكوثر

بمر ربه بدت رهبه

و كضه نحبه


الكون اختل سكونه و ناح ابدمع مثل المطر منثور و هذي نفحة اسرافيل تنفخ ناعيه بالصور

مراكب هضم محذوره و تيار الحزن حادور دهتنه امصيبة الكرار و انصيح بقلب مجمور

أسد ربنه الطبر مرحب هالليله وكع مطبور مصيبه و صابت الأملاك يا روح القدي مأجور

ختم عمره ابدمه الطبره

وفه ابنذره و لا أخر

و نذر عنده دفن مجده

يطب لحده


الرازيا اترهت اعلينه ابراهاوت يذبل و صفوان و ليلة واحد و عشرين مرت من شهر رمضان

تركت بالضمير اجروح تتنازف قهر و أشجان و ما ظلت بعد عدنه لجروح التجينه امجان

ابحزن عشنه و بعد هيهات نخلع بردة الأحزان فرايس للهضم صرنه عله اللي يدب الفرسان

جروح الهضم فلا تلتم

اعله موج الدم غدت معبر

الجفن ينطح دمع يسفح

صريع أصبح


ابدمع خاوه الجفن و الخد ننحب و الدمع غدران عله الخاوه الرمح و السيف له الإنس و الجان

ألف حسره عله الجاعل جسم عمر ابن ود ديوان و هالديوان بيه نزلت ضيوف الضبع و السرحان

ألف شهقه عله المصحف اشلون اندفن بالتربان عله اللي كل عضو من أعضاه و الجسم قرآن

أبو العتره سكن كبره

و بعد بدره فلا يظهر

الترب حاجب نسر غالب

وسفه غايب



النوايب غرزت الأنياب بينه و كل مخالبها عكب غيبة نسر غالب الشيم ناحت غوالبها

المحن ما بينه نتحمل ثقل همها و مصايبها مهجنه طبرة الكرار غدت تمرح نوايبها

القداسه اشلون ابن ملجم قدر يدخل مضاربها اشلون الشيبة الكرار من دم راسها خضبها

ابوجهه مظلم إجه المجرم

إبن ملجم ربيب الشر

ياريته انشل بكَيت أسأل

صدق جندل

للإستماع من هنا
يتبع ,,

صوت الزهراء
21-07-2008, 03:43 AM
بسم الله الرحمن الرحيم

اللهم صلِ على محمد وآل محمد وعجل فرجهم


يا حيدر قوم واسجب العبرة

يا حيدر قوم واسجب العبرة
حسن مظلوم عاين لقبره
بعدك ياداحي الباب والحسن جبده نصاب
ومن بعده جم مصاب تدري يا حيدر

عندك علم بالصار من غيبة المختار سيد البرية
انت الوصي الكرار وتعرفك الاشرار حامي الحمية
لانك ياحامي الجار متجتف ومحتار واول ضحية
حاضر جنت بالدار من صوب المسمار ضلع الزجية
شفتها شلون ساعة العصرة
عليك يهون عصروا الزهراء
وانفطرت على العين ام الحسن وحسين
خبرنا سيفك وين يا أسد خيبر

ياحيدر قوم واسجب العبرة حسن مظلوم عاين لقبره
بعدك ياداحي الاب والحسن جبده مصاب ومن بعد جم مصاب تدري يا حيدر

سيفك ياحيدر جان للحق مثل ميزان من يوصفونه من يوصفونه
عن دورب الميدان لو ننشد الفرسان ماينكرونه ماينكرونه
والعبدة والاثان والعلنة والعصيان واليا ولونا واليا ولونا
والزعمة والإيمان من رفعوا القران بيطالبونا بيطالبونا
زمان الراح لمن نذكره نطق الراح يا علي بحسرة
زمان الراح لمن نذكره نطق الراح يا علي بحسرة
ما تشفى بينا جروح عالحسن لسه النوح
والأشد عالمذبوح جسمه الموذر جسمه الموذر

ياحيدر قوم واسجب العبرة حسن مظلوم عاين لقبره
بعدك ياداحي الباب والحسن جبده مصاب ومن بعد جم مصاب تدري ياحيدر

صحت بعتب مريوق ياحجة المعبود حيدر ولينا حيدر ولينا
ريتك جنت موجود وانت للالك مشهود الحاير تعينه الحاير تعينه
تنظر يا راعي الزود شبلك بنفسه يجود تسمع ونينه تسمع و نينه
جبد الحسن ممر ود ليك بنظر مشدود سابح بعينه سابح بعينه
يصد بالعين رادك تحضره عضيده حسين خاطره تجبره
زينب قبالة تحوم عنها ألطشت مضموم بيه ما درت مسموم لونه تغير لونه تغير

يا حيدر قوم واسجب العبرة حسن مظلوم عاين لقبره
بعدك ياداحي الباب والحسن جبده مصاب ومن بعد جم مصاب تدري يا حيدر

ريتك جنة يمه حين انزف دمه شدت صوابه
تحضر ياريت امه وجده نبي الأمة يبجي المصابه
ويعالج بسمه ولحسين ابو اليمه وجه خطابه
ويخاطبه بهمه خوي الطشت ضمه شنهي حسابه شنهي حسابة
العقيلة يقول لمن تنظره حزنه يطول بلوعة وبحسرة
خوي الطشت نحيه ولشمسك تغطيه
لا زينب تصد بيه والجرح يكبر والجرح يكبر

يا حيدر قوم واسجب العبرة حسن مظلوم عاين لقبره
بعدك ياداحي الباب والحسن جبده مصاب ومن بعد جم مصاب تدري
يا حيدر

وبساعة الشالوه عند القبر ودوه ساعة الشدة ساعة الشدة
أهل الشر تلقوه ياحيدر اعترضوه تحاشموا ضده تحاشموا ضده
وبجم سهم صابوه من بعد ماسموه قطعوا جبده قطعوا جبده
أهل الحقد منعوه يندفن ما خلوه يم قبر جده يم قبر جده
وأبو الوجدان عبرته بصدره قمر عدنان محد ينحره
راعي الوفاء العباس كله عزم وإحساس
اغضب أبو النوماس عزمه تفجر عزمه تفجر

يا حيدر قوم واسجب العبرة حسن مظلوم عاين لقبره
بعدك ياداحي الباب والحسن جبده مصاب ومن بعد جم مصاب تدري
يا حيدر

سبط النبي المظلوم حسين لبقى مهموم من ها لوصية من ها لوصية
تعنى لأخو الجيدوم راعي الوفاء المعلوم الطاهر حليبه
يقله يا سبع القوم ذاخر لزودك يوم ساعة عصيبة ساعة عصيبة
طف كربلاء المحتوم ماي النهر ملزوم وأنت لتجيبه وأنت لتجيبه
أعرفك زين ناصر العترة ينور العين من علي الشمرة
ولحسن من وصاه يدري بفعل يمناه بالطف يريد لواه يرعب العسكر

يا حيدر قوم واسجب العبرة حسن مظلوم عاين لقبره
بعدك ياداحي الباب والحسن جبده مصاب ومن بعد جم مصاب تدري

للإستماع من هنا

يتبع ,,

صوت الزهراء
21-07-2008, 03:44 AM
بسم الله الرحمن الرحيم

اللهم صلِ على محمد وآل محمد وعجل فرجهم


جبدك و جبدي


جبدك و جبدي يبن الزجية بين سم و سهم و الأشد يا ألم

للحسين الحسن من وجَّه سؤاله رايد يهوِّن مصاب اللي جرى له
حين شافه يعثر بهمه اعتنى له ذِكَر قصة كربلاء و حَن على حاله
يقله يبن أمي حزنك علية شفت حيلي انهدم و الأشد يا ألم

الحسن من عاين عضيده يجري دمعه حِبَس ونه بقلبه عنه لا يسمعه
يقله متألم لجبدي السم مقطعه السهم من جبدك يا خوية من يطلعه
بسهم المثلث بالغاضرية ريت قلبي انجسَم و الأشد يا ألم

و الحسين بحسرته يجاوب عضيده قبلي هم شايف أخو يبن الصُميدة
جبدة عضيده غِده يقلبها بيده يا عضيدي الموت قبلك جنت اريده
هذا اللي ببالي و ماصَح بيدية و الجليل الحُكَم و الأشد يا ألم


من الحسين الحسن يسمع جوابه يقله قلبي هيَّجِت حزنه و عذابه
يا غريب اليشبه مصابك مصابه و يا ذبيح القبلك انسلبت ثيابه
و عالرمح راسه و جثته رمية و حتى صدره انهشم و الأشد يا ألم

صبر قلبك يا عضيدي من يصبره تنظر أصحابك و أهلك على الغبرة
الأكبر مقطع وِذَر جيمه تنظره و حنة العريس جاسم فيض نحره
و طفلك يصيبه سهم المنية بقَطِع نحره انفطم و الأشد يا ألم

للإستماع من هنا


يتبع

صوت الزهراء
21-07-2008, 03:45 AM
بسم الله الرحمن الرحيم

اللهم صلِ على محمد وآل محمد وعجل فرجهم


وسط القلب يا حسين

وسط القلب يا حسين نارك و ناري شيطفي هالنارين نارك و ناري
يبن أمي يا مظلوم يوم الحزن هاليوم


يا حسين أخِبرَك و القلب يلهب نار حان الموادع يبن أبوية الكرار
آنة الحسن عندي وصايا و أخبار و الأجل قرَّب يا شبل حامي الجار
مستعرة بالدلال نارك و ناري شيهَوِّد المسموم يوم الحزن هاليوم

يبن أمي ذابت مهجتي بنار السم جبدي تقطَّع و القلب ينزف دم
تفرَّق شملنا و بعد ماظن يلتم و بوجهي سَل الدهر شفرات الهم
ملتهبة بين حشاي نارك و ناري و احمَلِت من دنياي نارك و ناري
يبن أمي نارك و ناري شيطَيِّب المالوم يوم الحزن هاليوم

بجَدم الحنان القلب يتقرَّب ليك و لساني بأصوات الوصية يناديك
دين الله ذمة مودعة بين ايديك و التضحية واجب يابو اليمة عليك
خلتستعر بالروح نارك و ناري طول العمر متروح نارك و ناري
يبن أمي نارك و ناري و الدمع يجري دموم يوم الحزن هاليوم

أول وصية بالشرع و الأحكام تحفظها و تحاميها يبن الأكرام
و ثاني وصية ارد اسلمك جسّام ترعاه من جور الدهر و الأيام
أصرخ و أصيح بصوت نارك و ناري ما ينطفَن للموت نارك و ناري
يبن أمي نارك و ناري هذا الأمر محتوم يوم الحزن هاليوم


يا حسين أخِبرَك و استمع مضموني كل بني هاشم حضروا يودعوني
لو حان وعدي بهيبتي شيعوني و أنت تظل وحدك يا نور عيوني
و بجبدك العطشان نارك و ناري و تستعر بالصيوان نارك و ناري
يبن أمي نارك و ناري و تسحق صدرك القوم يوم الحزن هاليوم


يا حسين همَّك صار يشبه همي جني أشوفك بالغُرُب يبن أمي
مغسَّل بدمك عالترايب مرمي قطع النحر أمضى من جمرة سمي
بقلبك و بقلبي تصير نارك و ناري بين الجروح تسير نارك و ناري
يبن امي نارك و ناري جنح المصيبة يحوم يوم الحزن هاليوم


يا حسين و أم الحزن هذي وياها جور الدهر بأصعب وضع خلاها
راواها جبدي بالطشت راواه و ثاني طشت بالشام ظل يتناها
يا جمرة الطشتين نارك و ناري انجمعن بدمع العين نارك و ناري
يبن أمي نارك و ناري جمر القلب مضروم يوم الحزن هاليوم

للإستماع من هنا

يتبع ,,

صوت الزهراء
21-07-2008, 03:45 AM
بسم الله الرحمن الرحيم

اللهم صلِ على محمد وآل محمد وعجل فرجهم


الشاعر : لِجابر الكاظمي( شريط العدل السماوي)


جاءت إليه من السماء وبكفها ثوب البهاء
قالت وأدمعها دماء خد ثوب مجدك ياحسين
خد ثوب مجدك ياحسين
عن كل وصف جلت من العرش نزلت
متلهفة وسألت عن سر الاسرار عفتهه تخفيهه ههيبتهه تبديهه
تظهر معانيهه وتميط الاستار
والمختبر أعلن مجهولة المعدن
حكم العقل برهن ماإلها أقرار
ماإلها أقرار
ماضمها حلف الشداد بل ضمها ثوب الحداد
لامن نسيج أو سواد بل من مزيج المقلتين

مخفية الجوهر معلومة المظهر
نزلت لبوا الاكبر بالمصرع تدور
واتوسدت يمه تتعطر بدمه
لادمعه لابسمه لاظلمه لانور
مجهولة العنصر وبلا نظر تنظر
لن شافت الخنصر من كفه مبتور
من كفه مبتور
وأنثال مرجان سجيم حللا على صدر هشيم
ذا سر أصحاب الرقيم اجرى دموع الخافتين

وبخطة المدبح موضع حوار أصبح
يم جسمه المجرح مجتمعه روحين
روح الوصي وروحه يعاينهه بجروحه
طعناته مشبوحه وبكل جرح عين
يعرفه وتعرفه تحمل النفس وصفه
واتخاطبه ابلهه هاي أنه ياحسين
هاي أنه ياحسين
ياأيها الجسد التريب مهلا ورفقاً بالحبيب
كيف أتخدت من الكتيب عرشاً ترصع باللجين

يتفايض الكوثر من فتحة المنحر
دمك يبوأ الاكبر بالجنة سلسال
ابساقي العرش شفتك تنزف دما جثتك
من دمك أعرفتك رب العرش كال
بلغي تحياتي للنشر آياتي
للحمل راياتي وديله مرسال
وديله مرسال
ياإيها السر القتيل قد خصك الرب الجليل
بحية يبقى يسيل مرجانها من كل عين


اكشفلك أسراري وبكل دمع جاري
خصصلك الباري أعظم كرمات
كل مؤمن بدينه لمن تهل عينه
معناها بارينه يرسل تحيات
يالمنحرك يضوي ويحدث ويروي
بالعالم العلوي تارك علامات
تارك علامات
أضحى وريدك يادبيح محراب ساجدة الصفيح
صوان راسك والمسيح عيناك أم الفرقدين
جاءت إليه من السماء وبكفها ثوب البهاء
قالت وأدمعها دما خد ثوب مجدك ياحسين
خد ثوب مجدك ياحسين

للإستماع من هنا

يتبع ,,,

صوت الزهراء
21-07-2008, 03:46 AM
بسم الله الرحمن الرحيم

اللهم صلِ على محمد وآل محمد وعجل فرجهم


غايب ما نلومك

غايب ما نلومك - أنصارك خصومك
عندك عدو و عندك محب إلمن تحاسب

يا المهدي ربك أيدك لنشر الشرايع مهدك - واعدك ربك بالنصر ترعاك عين إلواعدك
ثلاث مية وثلاثة وعشر باري نبيهم جندك - يا نايبة إلي ما تهد صبر إلصبرته وتضهدك
طبرة علي وكسر الضلع سم الحسن يترصدك - نحر الذبيح بكربله عن ثار دمه يناشدك
ثارك لا تعوفه - سوي إلي تشوفه
ما غيرك بهذا الأمر ينطي ويطالب
عندك عدو وعندك محب إلمن تحاسب

بوجهك ملامح للقهر حفرتهن أسياف الدهر - تبدي برحيل المصطفى لحد غيبتك يا المنتظر
واحد بعد واحد مضوا أسلافك الصفوة الغرر- وثارات عندك أربعة تيم وعدي وحرب وصخر
الأول غصب منكم فدك الثاني لضلع أمك كسر - الثالث طبر هامة علي الرابع سفك دم النحر
وأنت بهذا حالك - إعمل ما بدا لك
محد يلومك سيدي ومحد يعاتب
عندك عدو وعندك محب إلمن تحاسب

إنهدت قواعد اسرتك وبيها الدهر أسرى وفتك - وإنت عرفت منهو إلهدر دمكم وللحرمة هتك
تشخص عدوك سيدي ولو ما ستاير غيبتك - جان بشبى سيوف الغدر طل وهدر دم رقبتك
هذا العدو تبين إلك فجر منابع دمعتك - وعندك عدو ثاني بعد تقمص بثوب محبتك
بغياب الفضيلة - يمارس كل رذيلة
شما يختفي توضح إلك يا بن الأطايب
عندك عدو وعندك محب إلمن تحاسب

ظلم الأوائل ما جمع غير المجازر والفزع - ظلم الأواخر يختلف لابس جلابيب الورع
مؤمن تشوفه بظاهره وبالباطن تموج الخدع - مالك الأشتر حسبت لنه إبن ملجم طلع
بدينك يبيع ويشتري بالدجل والغش والطمع - أفعاله مثل إلي إجه وصلى الصبح بثمل ركع
ما حفظوا أمانة - عاشوا عالخيانة
كل ساعة يلفون بشكل مثل الثعالب
عندك عدو وعندك محب إلمن تحاسب

أنشد يا طوفان الإبى وأترجى منك أجوبة - ساعة ظهورك سيدي من ترتفع بيض الظبى
يا المهدي بيمن تبتدي بسوء العقاب تعاقبه - واحد سلب واحد كذب إليا طاغي تبدي تحاسبه .؟
هاي النواصب حللوا دم الحمولة الطيبة - لو بالمحب إليدعي بهاي المحبة الكاذبة
وإليكذب يخالف - وتكشفه المواقف
والمخلص الحر ينكشف عند التجارب
عندك عدو وعندك محب إلمن تحاسب

عاصرنه فترة مظلمة لا من سنن لا أنظمة - يا المهدي إرهاب وذبح زمرة لعينة ومجرمة
بالشيعة فتوة صدروا متوقعة بسفك الدمه - آخر جريمة إلي بدت من هالعصابة الظالمة
مرقد علي الهادي إنهدم بيد الأيادي الآثمة - ومرقد أبوك العسكري جور النواصب هدمه
تهديم المعابد - وتفجير المراقد
بين حقدهم وإنفضح كل طاغي كاذب
عندك عدو وعندك محب إلمن تحاسب


الإرهابي هذا بفتوته يعادي الرسول وعترته - لو حاضر ويانه علي هم جان طبروا هامته
لو عايش ويانه الحسن يوذرون بالسم جبدته - ولو جدك حسين إنبعث هم جان قطعوا رقبته
ميت علي الهادي وإجوا بالحقد هدموا قبته - ميت أبوك العسكري وعادوا عليه مصيبته
وتفجر ضريحه - بالفتوة الصريحة
يا وسفة جدك يندفن بين النواصب
عندك عدو وعندك محب إلمن تحاسب
للإستماع من هنا

يتبع ,,,

صوت الزهراء
21-07-2008, 03:47 AM
بسم الله الرحمن الرحيم

اللهم صلِ على محمد وآل محمد وعجل فرجهم


يا بو السبطين

يا بو السبطين - جيت بلا عين
يا حيدر
لگطع الچفين - ما عفت حسين
يا حيدر
إنت إلوصيت - وآنه إلوفيت
يا حيدر

گبل ما يفصل المقدور يا حيدر بينك وبيني - گعدت بالطبرة تتسند يا بويه تريد توصيني
وگلت هذا إنت يا عباس أريدك يبني توفيني - وفيتك يا علي بدمي ونطيت يساري ويميني
نورك من غاب - دلالي إنصاب
وتفطر
ومصاب صاب - گلبي المرتاب
وتفطر
يا ما ونيت - بفگدك حنيت
يا حيدر

بوداعك ودعت زينب وديعة تعيش بحمايه - خذت مني ثلاثة وياك وثلاثة تركت ويايه
خذت روحي وخذت عمري وخذت وياك دنيايه - تركت يا با الحسن جودك وسيفك عندي والراية
حاميت حدود - هالراية بزود
والخدر
وثلاثة شهود - سيفك والجود
والخدر
إلهن حاميت - للحگ أديت
يا حيدر

كفلت عيلة ورحت للطف بجلالة وهيبة ممشاها - عواسل غالب تحفها ورفيف الراية فوگاها
بنات خدور يا بويه بناتك هذا مسراها - إذا مالت هوادجها تميل الدنيا وياها
بنات الضرغام - خدر بخيام
تتستر
بعزة وإقدام - بعفة وإكرام
تتستر
حارسها بگيت - وأحرس تميت
يا حيدر

يا بويه رايتك بيدي وعلى الراية الفلك يندار - أخويه حسين سلمني قيادة أهله والأنصار
المعارك دارت وأنظر جثث فوگ الأرض نكتار - وأشوف أطفال عطشانة العطش بيها يتواگد نار
أطفال تلوب - وبهمها تذوب
تتحسر
تصبر چم دوب - عطشانة گلوب
تتحسر
حي تمنيت - تنظرهم ريت
يا حيدر

رميت على المتن جودي طلعت من باب المخيم - على راس الموت خطواتي أدبها وگلبي ما مهتم
أشوف جيوش من الخوف بغبار الخيل تتلثم - الشريعة ما وصلت إلها إلا وخضت موج الدم
صارت طوفان - دموم الفرسان
والعسكر
بهمة وإيمان - سحگت الميدان
والعسكر
بكل حارة وبيت - مأتم خليت
يا حيدر

سحگت الجيش بأجدامي يا بويه ورايتك وياي - لشاطي المشرعة إحتليت وعالماي وضعت يمناي
غرفت غرفة عذب منه ردت أخمد لهيب حشاي - ذكرت حسين وأطفاله ومن چفي رميت الماي
أتهنى شلون - وبالخيمة عيون
تتنطر
ماي يريدون - و بهالمضمون
تتنطر
للماي رميت - للجود مليت
يا حيدر

تركت المشرعة وگصدي أريد أوصل للمخيم - لن سهم الأجل بالعين رماني وحان المحتم
گطعوا يسرتي ويمناي ومن راسي يتفايض دم - مثل طبرتك يا كرار راسي إنطبر وتهشم
ما بالحسبان - فوگ التربان
أتوذر
بين العدوان - بسيوف وسان
أتوذر
بالدم ضحيت - وأنزف ظليت
يا حيدر

للإستماع من هنا


يتبع

صوت الزهراء
21-07-2008, 03:47 AM
بسم الله الرحمن الرحيم

اللهم صلِ على محمد وآل محمد وعجل فرجهم


من البين

من البين ياحسين من زغري وشاب الراس
تانيت ناديت ليش تأخر عباس؟
ريتة يـمي .. يـجلي همي .. وينة عمي
ليش تأخر عباس؟
---------------------------------
أنا ياحسين العزيزة ... سكنة ياصيوان داري
اعتذر منك يابوية ... وادري مقبول اعتذاري
بسبب لم حشمت عمي ... من العطش وبكلبي ناري
وراح عمي وانتظرتة ... حتى ملّيت انتظاري
مليت .. ظليت .. انطر واحسب لحظات
وتنوح .. هالروح .. تكدر تصبر هيهات
دمعي يهمي ... جفني مدمي ... وينة عمي
ليش تأخر عباس
---------------------------------
اللازمة
---------------------------------
انتظر والكلب يـخفق ... مثل جنحان اليمامة
كلت ليش طلبت منة ... الماي واخذتني الندامة
هم صدق يرجع لي عمي ... برايتة وجودة وحسامة
ريت لا يروة دليلي ... بس يرد لي بالسلامة
ياريت .. لا جيت .. لا منة طلبت الماي
ونيت .. اتـمنيت .. لا تبرد نار حشاي
هذا هضمي .. موتي حتمي .. وينة عمي
ليش تأخر عباس؟
---------------------------------
اللازمة
---------------------------------
هاك اخذ مرسال مني ... وللكمر روح وتعنة
انشد عليه الشريعة ... يلجي تسمع خبر عنة
لون يا بوية لكيتة ... عن لساني اعتذر منة
كلة ياعباس ارجع ... ما تريد الماي سكنة
ترجيت .. وادعيت .. ياريتك حي تلكاه
موجود .. وردود .. ترجع للخيمة وياه
هو حلمي .. هو عزمي .. وية عمي
ليش تأخر عباس؟
---------------------------------
اللازمة
---------------------------------
نذر راح انذر يابوية ... لو يرد عباس الية
انثر عيوني ودليلي ... فوكـ رمل الغاضرية
وثاني رجوة لو شفتكم ... للخيم جيتو سوية
افرح واشهك مسرة ... واصعد لهام الثرية
لو عاد .. ينعاد .. عمري وكل همي يروح
لو مات .. هيهات .. من بعدة تعيش الروح
يبكى سهمي .. قلبي مريي .. وينة عمي
ليش تأخر عباس
---------------------------------
من البين ياحسين من زغري وشاب الراس
تانيت ناديت ليش تأخر عباس؟
ريتة يـمي .. يـجلي همي .. وينة عمي
ليش تأخر عباس؟

للإستماع من هنا

يتبع ,,

صوت الزهراء
21-07-2008, 03:48 AM
بسم الله الرحمن الرحيم

اللهم صلِ على محمد وآل محمد وعجل فرجهم


أصلي عليك أبا الفرقدين


أصلي عليك أبا الفر قدين
عراق علي .. عراق الحسين

عراق وفيك تسود الاسود
وتحمي حماك كمات جنود
ففي كل شبر سينبت عود
ترف عليه المنى والخلود
عراق وأرضك أم ولود
ومائك ينهل منه الوجود
زلال تحاكي بياض اللجين
عراق علي عراق الحسين
=========================
سلام على دجلة والفرات
على الصامدين بوجه الغزاة
سلام على النسوة الصابرات
على البائسين جياع الحفات
لقد هد عرش الطغاة البغاة
بعزم رجال نسور كفاة
أناجيك يا طلعة المشرقين
عراق علي عراق الحسين
=====================
عليك بحقد تمد الأيادي
بقتل وسلب وثم اضطهاد
وهاهي بانت رؤوس الفساد
تفجر تقطع حبل الرشاد
وراحت تكفر كل العباد
وتقتل طه بدعو الجهاد
فضت ثم فجرت المرقدين
عراق علي عراق الحسين
=====================
مضت وانتهت دولة الأدعياء
فسحقا لأعوانها الأغبياء
تفجر تهدر أزكى الدماء
فما ذنب أطفالنا الأبرياء
فهل جاء في دين رب السماء
يحل لكم اغتصاب النساء
فصبرا عليهم أبا الكوكبين
عراق علي عراق الحسين
=======================
عراق وفيك تسود الرجال
ولفت على الظالمين الحبال
فساءت وجوه طلاها الضلال
إلى الذل منها يشد الرحال
فلا بد أن ينجلي الاحتلال
ليزهوا الجنوب ويهفو الشمال
احيي نخيلك والرافدين
عراق علي عراق الحسين
========================
سمائك تضحك فيها النجوم
وطير السلام عليك يحوم
بشمسك سوف تزال الغيوم
وسوف تآخى لديك الخصوم
فلا مستبد بحكم يقوم
ولا الطائفية فيك تدوم
تنير سمائك بالنيرين
عراق علي عراق الحسين

للإستماع من هنا


يتبع

صوت الزهراء
21-07-2008, 03:50 AM
بسم الله الرحمن الرحيم

اللهم صلِ على محمد وآل محمد وعجل فرجهم


أمسى المسى



أمسى المسى والنارماخلت لنا خيام
صيوان ماظل تلتجي أبظله هليتام

اقبل عليه الليل وازدادت الوحشة
ما شوف غيرايتام تصارخ أبدهشة

وشيخ العشيرة حسين ماحد شال نعشه
مطروح و بجمبه علي الاكبروجسام

عباس عندي البارحة يحوط الصواوين
يأمر وينهى أخوته كلهم مسلحين

و الخيل مسروجه وهلها مستعدين
مصغين للصايح ولا منهم جفن نام

و حسين من سمع بكا بخيمة دخلها
يسلى الحرمة ويأخذ بصدره طفلها

أو باتت خيمنا امطنبه أو تزهر بهلها
اصيوان أخويه حسين حوله اترفوف أعلام

و اصبحت وأشبال الهواشم حولي أوقوف
و أمسيت مالي أقناع ا تستر بالكفوف


و يتاما اقلوبها طارت من الخوف
وين المعزة أوين ازهوة ديك ليام



اصبحت حولي أسباع و أمسيت اصفج الكف
و انظر جنايزهم عرايا عرصة الطف


باكر يركبوناالاعادي أجمال عجف
درب طويل أو نبتلي بعدوان الظلام


قلها علي السجاد يا عمه شجاني
حالك ونا مقدر أتحرك من مكاني


صاحت ينور العين عتبي على زماني
اللي علي الكرارابوها اشلون تنظام




للإستماع من هنا

يتبع ,,

صوت الزهراء
21-07-2008, 03:51 AM
بسم الله الرحمن الرحيم

اللهم صلِ على محمد وآل محمد وعجل فرجهم


آه وا ويلاه ياحيدرعلي




آه وا ويلاه يا حيدر علي
عالم العلوي انفجع لمصبه
حين بن عم النبي بمحراباطاح
بالسمه الأملاك ضجت بالنيح
جهجر على الكون ابشع كل صباح
بيه وحي الله ينوح كتابه

آه وا ويلاه ياحيدر علي


صرخه ضجت اله بالمسع رنين
صوبو هامت امير المؤمنين
ناح لمصابه كتاب الله المبين
وبظمايرنه لهيب اصوابه

آه وا ويلاه ياحيدر علي

منين ما تتجه تسمع هل صدى
تهدمت والله اركان الهدى
بالرغد سلهمت اجبان العدى
حين بن ملج لحيدر صابه

آه وا ويلاه ياحيدر علي

حيدر لرب العرش حجه ولي
بفكده صرخات المناشد تعتلي
شلون بن ملجم طبر هامت علي
وصاب راس المرتظى وماهابه

تهدمت والله اركان الهدى

طاح بالمحراب وبدمه خضيب
ضجت الدنيه على حيدر بالنحيب
الدين من بعد الوصي اصبح غريب
ونار فكده بكل كلب لهابه

تهدمت والله اركان الهدى

طاح بن عم النبي وسر هل اته
هزت العالم العلوي مصيبته
شيبة تخظبت من دم هامته
صارة دموم الأمام خظابه

تهدمت والله اركان الهدى

تخظبت شيبة علي بفيض الدمه
ينعى روح القدس روحه بالسمه
نور وحي الله على الكاع ارتمه
ونسده العز الغريم حجابه

تهدمت والله اركان الهدى

طاحت بطيحة علي بيوت الشرع
والحسن ويه الحسين يهل دمع
زينب تصيح بكلبه المنفجع
هلال ابونه يعز علينه غيابه

تهدمت والله اركان الهدى

بوجه حيدر اشرعو باب الاجل
وبمغيبه غابت شموس الامل
ما تطفي النار امواج المقل
ناره ظلت بالدهر نشابه

تهدمت والله اركان الهدى


للإستماع من هنا


يتبع

صوت الزهراء
21-07-2008, 03:52 AM
بسم الله الرحمن الرحيم

اللهم صلِ على محمد وآل محمد وعجل فرجهم


يابوية شلي بعمري


يــــابوية شــلي بعمـــري وتـيتمت مـن صغري
صابوا كلبي وانا شذنبي واتــيتمت من صغري


جــم طفلة لحسين انسبت وطــف كـربلة يتمهـه
ســـكنة الي جانت تنتظــر بــالماي يرجع عمهــا
وابــتدي بقصة فاطمـــــة نــار السرت بخيمهـه
مــــن شاطت وما تــدري نــــار بــدنهه تــسري
ويـــن تـنــاشد طـــاح الـوالـد
وتيتمت كم صغري

شحال الـعقيلة ام الــخدر هــالطفلة مــن فــكدتهــه
بالحومة زينب من مشت سـمعت صـدى الـونـــتهه
شــافــت رقــية بــالـحلــم والــــدهـه ذيـــج اللــيلــة
بــالجرة عــليهه تخبره واتــــعاتبه وتــــــشكيلة
نـــشف دموعي التجري يـــابوية واجبر كـــسري
كـــلش صعب كـــسر الــكلب
واتيتمت من صغري

فـــزت مــن النوم لاجـــن غــــايب لـــكت والــــدها
مــرعوبة وتــهل الـــدمع والـــزيـنب تنـــاشــدهــا
بــعمته تتـوســـل غـــدت تــريد الابـــو مــن عـــدهه
وزيــنب الـــحرة تـــمحنت هـــــالطفلة شــــيهودهـــه
صــــاحت يــاجافل خــدري تمــحنت خـــــوية بـــــأمري
شــــفت المحن مــــــن هالزمن
واتيتمت من صغري

ويــزيد بـــالحـالة ســــــمع وشـــرايده هـــــالطفـــلة
والــــدهــه يــحضر رادتــــه هــالطلبة ابــد مو ســـهلة
ودالـــهــه الــراس وغــــدت بـــلهفة وحـــتنان تـــــقبله
يـــاراس ســــلوة فــــاطمة قـــــطعوك لـــيش اســـــأله
يــــالجنت خـــيمة خـــدري مـــهضومة لــــني بــيسري
نـــحت وصـــحت عـــني رحـــت
واتيتمت من صغري


والــــراس لـــمن حــــضنتهه تــــشكيلة عــــن حـــــالتهه
ولــــحظات هــــالطفلة بـــعد مـــــا تنســمع ونــــتهه
يــــحسين مـــاتت طـتفلتكك واتـــمحنت عـــــــــــمته
وشــــلون عند زينب صبر بــــالشام مــــن دفــــــنتهه
صـــاحت بـــــعد يادهري مــن حـــكي ينفذ صــــــبري
حــــيلي انهدم يــــــهل الشيم
واتيتمت من صغري


يابوية شلي بعمري

يتبع ,,,

صوت الزهراء
21-07-2008, 03:52 AM
بسم الله الرحمن الرحيم

اللهم صلِ على محمد وآل محمد وعجل فرجهم


على المسموم مهمومة


على المسموم مهمومة
على المسموم مهمومة
حسن مظلوم من يومه
حسن مظلوم من يومه
على المسموم مهمومة
انا المظلومة ياشيعة إلي بصحن الجبد نارين
تشب لاجل الحسن وحدة , تشب وحدة لمصاب حسين

فرق ما عندي باولادي واني شعندي غير اثنين
حسن روحي واعز منها, حسين اغلى من العين

لاجن هالليلة ارد اعتب واعاتب شيعة الطيبين
على حسين الدمع تجروه جنكم للحسن ناسين

اعاتب والمحب يعتب ياشيعة وحكها روحي تلوم
اني بكل ماتم بوياكم نحن لمصيبة المظلوم

على حسين الدمع واجب لون نجري عليه دموم
مصيبة اللي جرت بالطف تخلي كل قلب مهموم

لجن ياشيعة اخبركم حسن هم مثله شاف هموم
هم تحمل مصايب يوم اللي كضه مسموم

ملامة بالنفس ضلت تريح النفس من تظهر
ياشيعة لا تظنوني ميولي للحسن اكثر

الحسن ما فرقه عن حسين بنيني وبيهم اتفاخر
مصيبة كل ابن منهم سعير بمهجتي تسعر

لون كلتلولي عن حسين ذبيح وعلى الثرى موذر
حسن هم وذروا جبده من اذكره الحالة تتغير

لون كلتوا على راس حسين ذبيح وبالطشت خلوه
الحسن هم بالطشت جبده تخاله ساعة الوذروا

اريد اوصيكم الليلة وطلب ياشيعة تسمعوه
اريد شماتذكرون الحسن ومصيبته تذكروه

تجي لمصيبة عليه امام بلا ذنب غدروه
والاصعب واشد من هاي لون ياشيعة تنسوه


للإستماع من هنا

يتبع ,,

صوت الزهراء
21-07-2008, 03:53 AM
بسم الله الرحمن الرحيم

اللهم صلِ على محمد وآل محمد وعجل فرجهم


ذبيح مسلب بن امي


ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي

رحت عنه لون بيدي فلا والله رحت عنه يا ريته أتوسد بطوله وأشم أطيب عطر منه
عفاني وشكثر صبري وأنه بهالحال أشوفنه أعاين جسمه المقطع وأقول شلون أعوفنه
مشيت وغصبا عليه أخويه بلا دفن عفته خذوني عنه مسبية وداع الغربة ودعته
عفت رجواي وأبث شكواي

ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي

رحت لكن عفت قلبي يفرفر يم أبو اليمة يقولي روحي يا زينب وتريكيني أضل يمه
أريدن أحسب جروحه وأريد أتعفر بدمه وأجبر كسرة ضلوعه وأحن وأذكر ضلع أمه

صحت يا قلبي لا تقولي يا زينب روحي خليني أريدك بالدرب خلي على الونه تسليني
أسير وياي وأبث شكواي

ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي
تصوب من زغر قلبي لون ينوح ما لومه لون ما لزمت ضلوعه وقع من شدة همومه
سبية ومن على الناقة شبحت عيوني على الحومة شقول وشفته على الغبرة أخوي مسلبة هدومه

وعلى الرمح دامي أعاين راسه يبرالي وأصد له بنظرة لآلامي وأصيح شبيدي يا الوالي
ولوني عداي وأبث شكواي

ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي

بعد غيبة هضم طالت اجيت أنشد على بن أمي شفت طف كربلاء بعيني وتهيج بالقلب همي
ذكرت الخيل من غارت علي وحرقت خيمي يتامه وعيلة مذعورة وعليل بيا وضع يمي

طحت بين الي يلوعني على متني بصوت يضربني وهذاك بجفه يدفعني وهذاك اليسر يسبني
ذهيلة تراي وأبث شكواي

ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي
وعلي السجاد الي بجفه على قبر حسين ضل يوحي مثل طير الفقد وتره تحوم على القبر روحي
أدي على القبر دارت حضنته بلوعتي ونوحي صحت يالي نشفت جروحك بعد ما تنشف جروحي

يا خويه من سكن ونك وحقك ما سكن وني اذا قلت لي غبت عنك فلا ساعة الي غبت عني
نظر بحشاي وأبث شكواي

ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي

لون يا حسين تنشدني يا خويه وين ودوني وعلى مصاب الي جرى علي تجاوب دمعة عيوني
تمنيتك تطر قبرك تقوم تعاين متوني وأشد موقف يا بو اليمة ليزيد الطاغي جابوني

شماتة ضل يناشدني وعلى الكفن ضعني وانه قباله ويشاهدني سبية ودهري فاجعني
بقت بحماي وأبث شكواي

ذبيح مسلب بن أمي مشيت وعفت على الغبرة إجيت أتعثر بهمي أشوف بيا كتر قبره
بحزن بلواي وأبث شكواي



للإستماع من هنا

يتبع

صوت الزهراء
21-07-2008, 03:54 AM
بسم الله الرحمن الرحيم

اللهم صلِ على محمد وآل محمد وعجل فرجهم


حيدر يا حيدر حيدر


حيدر يا حيدر حيدر
لحسينٍ نحن عشقناه و بصوت الحق نطقنا
حيدر يا حيدر حيدر


واضح طريق الإيمان بالدم تعبد
عشاق لحسين و صوت من عندنة ردة
ما عندنا بالعالم غير عطرة محمد
دمنا إلي يسيل من الراس عن حبنا يشهد

ولهاذالوم خلقنا و
بصوت الحق نطقنا



حيدر يا حيدر حيدر
لحسينٍ نحن عشقناه و بصوت الحق نطقنا
حيدر يا حيدر حيدر


و و نزف دم حسين لأجل الديانة
و إحنا على هذا المنواي نرخص دمانا
هلفكرة من جيل إلى جيل عاشت ويانا
و الجرح من عندنا لسان واضح بيانه
بلسان الجرح صدقنا و
بصوت الحق نطقنا



حيدر يا حيدر حيدر
لحسينٍ نحن عشقناه و بصوت الحق نطقنا
حيدر يا حيدر حيدر



للجنة حب المظلوم أعظم وسيلة
وش ما نظحي له دموم نشعر قليله
حسين الوتر بالأكوان محد مثيله
لعندنا من هاي الناس واحد بديله
من حر النار عتقنا و
بصوت الحق نطقنا




حيدر يا حيدر حيدر
لحسينٍ نحن عشقناه و بصوت الحق نطقنا
حيدر يا حيدر حيدر



من ستمع بالمصباح صوت المنادي
بالفجر نشهر أسياف و نرفع أيادي
حيدر نصيح إب هالصوت حيدر ننادي
و الدم يسيلمن الراس للنبي الهادي
ولصدع الدين رتقنا و
بصوت الحق نطقنا



حيدر يا حيدر حيدر
لحسينٍ نحن عشقناه و بصوت الحق نطقنا
حيدر يا حيدر حيدر


كل طبرة من عندنا تقول ما يغلى دمنا
خل الذي يلوم يلوم محد يهمنا
شامخ يضل فوق الروس شامخ علمنا
و بصفحة أنصار حسين نكتب إسمنا


حيدر يا حيدر حيدر
لحسينٍ نحن عشقناه و بصوت الحق نطقنا
حيدر يا حيدر حيدر



للإستماع من هنا

يتبع ,,,

صوت الزهراء
21-07-2008, 03:54 AM
بسم الله الرحمن الرحيم

اللهم صلِ على محمد وآل محمد وعجل فرجهم


يا شيعتي



يا شيعتي رغم عداي ..... وقت العطش ذكروني
كل ما تشربون الماي ..... وقت العطش ذكروني

يا شيعتي وقت الشرب ..... ذكروني دلالي ضامي
عدواني من ماي العذب ..... حرموني حرمو ايتامي
هذا الذبيح بلا ذنب ..... شربونيذ والجسم دامي
دمع الحزن والأشجان ..... يا شيعة لا تنسوني
هذا الغريب العطشان ..... وقت العطش ذكروني

يا شيعتي رغم عداي ..... وقت العطش ذكروني
كل ما تشربون الماي ..... وقت العطش ذكروني

يا شيعتي ونار العطش ..... بين حشاي تلهب وتسري
قلبي الخمش فكري اندهش ..... من دناي وليدري يدري
فوق الترب خذت الفرج ..... خيلي عداي هشمت صدري
يا شيعتي بجرد الخيل ..... عقب جت سحقوني
جمر العطش هد الحيل ..... وقت العطش ذكروني

يا شيعتي رغم عداي ..... وقت العطش ذكروني
كل ما تشربون الماي ..... وقت العطش ذكروني

شيعتي ولو يوم الفق ..... منكم شال وعنكم تأخر
ذكروني من شفت الولد ..... جسم انصاب وبالدم تعفر
غابت الروح من الجسد ..... لما غاب عن عيني الأكبر
لفراق لك برما لوم ..... وانخمد نور عيوني
انا الوحيد المضلوم ..... وقت العطش ذكروني

يا شيعتي رغم عداي ..... وقت العطش ذكروني
كل ما تشربون الماي ..... وقت العطش ذكروني

يفقد عضيده وبغيدار ..... هضم البين جور الفجيعة
خل يذكر مصاب القمر ..... والكفين ضلت قطيعة
بين العدا وسهم القدار ..... صاب العين جمب الشريعة
حيلي انهدم على العباس ..... خابت عليه ضنوني
يا ضلمة دامي عيا ناس ..... وقت العطش ذكروني

يا شيعتي رغم عداي ..... وقت العطش ذكروني
كل ما تشربون الماي ..... وقت العطش ذكروني

لو شفتو عريس الفجع ..... والأحزان زيدة همه
ذكرو بجاسم من وقع ..... على التربان والحنة دمه
تالي العرس نحره انقطع ..... والعدوان وذرت جسمه
تالي العرس دمه يسيح ..... ومصابه غير لوني
چني اسمعت صوته يصيح ..... وقت العطش ذكروني

يا شيعتي رغم عداي ..... وقت العطش ذكروني
كل ما تشربون الماي ..... وقت العطش ذكروني

شيعتي ولو منكم طفل ..... قلبه يذوب وينقطع نحره
يذكر رضيع المچتي ..... لا يبن ام وبقلبه جمره
عبدالله نحره منفصل ..... وعلى المصيوب مشچبي العبره
بعيني شفت طفل مصاب ..... يا شيعة لا تلوموني
چبدي انفج وقلبي داب ..... وقت العطش ذكروني

يا شيعتي رغم عداي ..... وقت العطش ذكروني
كل ما تشربون الماي ..... وقت العطش ذكروني

لو شفتوا علم حياره ..... والأيام جارت عليها
تذكروا عيالي ميسرة ..... درب الشام وغدرو بيها
والحرم مدمعها جاره ..... على الأيتام ومسيريها
وتنادي زينب بدموع ..... منهوا يشد بعوني
جاوبها راسي المقطوع ..... وقت العطش ذكروني

يا شيعتي رغم عداي ..... وقت العطش ذكروني
كل ما تشربون الماي ..... وقت العطش ذكروني


للإستماع من هنا

يتبع ,,

صوت الزهراء
21-07-2008, 03:55 AM
بسم الله الرحمن الرحيم

اللهم صلِ على محمد وآل محمد وعجل فرجهم


يازاير زينب اكًَصدها




يازاير زينب اكًَصدها

يازاير زينب اكصدهة … تحصل رادتك عدهة
بيقينك زور … ترد مسرور … تحصل رادتك عدهة
------------------------------
يازاير امن تيقن شلك من حاجة مقضية
اذا تعرف كدر زينب اذا تدعي بصدق نية
رضية وزاكية وحرة تعنت ربهة مرضية
كرامة الخالق انطهة شفاعة وهيبة قدسية
وسيلة لرحمتة وعطفة ... بكرمهة بفضلة وبلطفة
سند مذكور ... ترد مسرور
تحصل رادتك عدهة
------------------------------
اللازمة
------------------------------
يازاير اطلب شرايد يهون شما إلك مطلب
مشيأت خالق القدرة وجاهة بت علي زينب
شتريد الباري ينطيهة وعليهة ياطلب يصعب
الدعاء بكبت اخت حسين قبولة مأكد مجرب
عطر حضرتهة ليشمة يطيب وينجلي همة
تشم عطور ... ترد مسرور
تحصل رادتك عدهة
------------------------------
اللازمة
------------------------------
يازاير لو ردت مني دليل اليقنع وبرهان
اذكر موقف لزينب بيه يتجسد الايمان
روفعت جسم اخوهة حسين بيديهة وناجت الرحمن
ياربي لون يرضيك تقبل منة هل القربان
تناجي وبدمع جاري ... هدف زينب رضة الباري
تقدم نذور ... ترد مسرور
تحص رادتك عدهة
------------------------------
اللازمة
------------------------------
يازاير تشهد لزينب خصال المحد يعدهة
امهة فاطمة الزهرا وطه المصطفى جدهة
وحيدر حاضر الشدات حامي دخيلة والدهة
وكاصد للحسن وحسين المن البعد يكصدهة
تسر بجيتك اوخوتهة ... يهل كاصد زيارتهة
صحنهة تدور ... ترد مسرور
تحصل رادتك عدهة
------------------------------
اللازمة
------------------------------
يازاير يالموالي زحوف لمرقد زينب اتعنة
والزم بيدك الشباج وابجي واجذب الونة
مصايب زينب اذكرهة واطلب منهة واتمنة
شفاعة اخرة ودنية ضمانة مغفرة وجنة
واذا تذكر فضل عمهة ... يهل زاير ترد منهة
بذنب مغفور ... ترد مسرور
تحصل رادتك عدهة
------------------------------
اللازمة
------------------------------
يازاير بالزجية انخاك وذمة بركبتك ذمة
من توصل كبر زينب اخت حسين ابو اليمة
اريدك عدهة تدعيلي دليلي ينجلي همة
واريدانك عوض عني كبرهة تقبلة وتشمة
مرامك لابد تنولة ... بأجر وزيارة مقبولة
عهد مذكور ... ترد مسرور
تحصل رادتك عدهة
------------------------------
اللازمة
------------------------------


للإستماع من هنا




يتبع

صوت الزهراء
21-07-2008, 03:56 AM
بسم الله الرحمن الرحيم

اللهم صلِ على محمد وآل محمد وعجل فرجهم


قوس السماء

طفح الدمع وقال أنتَ قوسٌ أم هلال
لست أدري أشعاعٌ جاء منك أم سهام كلها قد نفذت بالطف في قلب الإمام
وهنا جاء السؤال أنتَ قوس أم هلال

مثل ما يفتح القاري بيده طيات الكتاب
شوفتك يهلال تفتح بالقلب جرح العذاب
من أشوف أمواج نورك أشهق بعلو السحاب
شهقة العطشان لمن ينظر أمواج السراب
يا هلالاً في الظهور تملأ الدنيا ثبور
ليس في دنيا الرزايا يبعث الحزن سواك ليت أمي لم تلدني ليت عيني لا تراك
وسؤالي لا يزال أنت قوس أم هلال

من أشيل الماي يبيد جني واقف بالطفوف
تنرسم بالكاس صورة خيل وارماح وسيوف
شلون هذا الكاس يجمع جيش حاشد بالألوف
عجبة والأعجب لهيب الخيم وسط الماي أشوف
يا هلالاً وأراك كنتُ في الطف هناك
توسع الأجساد رمياً وهي في ذاك العراء ليت شعري أنبالٌ منك تأتي أم ضياء
فإذا كانت نبال أنت قوس أم هلال




للإستماع من هنا

يتبع ,,,

صوت الزهراء
21-07-2008, 03:56 AM
بسم الله الرحمن الرحيم

اللهم صلِ على محمد وآل محمد وعجل فرجهم


عابس يصيح بصوت


عابس يصيح بصوت ... يامن تسمعوني
جنني حب حسين ... لا لا تلموني
-------------------------------
عابس برز والموت يتخطة جدامة
يدري النهاية اليوم وانـختمت ايامة
تنثر جمر عيناه وبجفة سنصامة
وينادي هاي الكوم اخضع يريدوني
لا والذي عالكاع رافع سماواته
هذة الحشد هيهات ترهبني صولاته
راعي الهدف دنياه ما دنست ذاته
وانه على طيب الذات اسلافي ربوني
-------------------------------
اللازمة
-------------------------------
درعي انخلع السيف من جفي ذبيتة
وهالعسكر الجرار اعزل تعنيتة
شابجة ايدي بايد وبعزمي لاويتة
عابس انة وهالكوم كلهم يعرفوني
لن واحد من الناس بالطف وقف حاير
ينشدني جن مذهول ياعابس شصاير
اعزل رحت للجيش وعلىالجمع غاير
هذة انت جن مجنون تتمثلة عيوني
-------------------------------
اللازمة
-------------------------------
جاوبتة ذوك جواب يالناشدت عني
لوشاهدت هالحال لاتعتجب مني
طحت بغرام حسين وبـحبة جنني
حيث الجنون فنون والمعركة فنوني
خل يسمع ابن زياد وجيوشة خل تسمع
ماعوف ابو السجاد لو جسمي يتكطع
والدنية بين اثنين لو عزة لو مصرع
جيتلكم بلا سيف كلكم تشوفوني
-------------------------------
اللازمة
-------------------------------
خل كل دماية تسيل خل يطفح الوداي
ولا محجمة من دموم ريحانة الهادي
ساعة ممات اليوم احسبهة ميلادي
وبموتي هالاجيال عايش يحسبوني
راعي الأبة بدنياه لو وذرو جسمة
صفحة خلوده وياه يكتبهة عن دمة
بس الذليل يموت كبل الممات اسمة
وانة الأبي وهيهات عالذل يرغموني
-------------------------------
اللازمة
-------------------------------
هاج وغضب عالموت والعسكر يشوفة
مابيدة جان سلاح حاربهة بـجفوفة
زلزل لوه الجيش وارتـجت الكوفة
ويصيح انة الماهاب من موتي تدروني
سهام وحجر يرميهة العسكر الغاضب
واثبت اسد غضبان عابس وقف واثب
يشكَف حجر ورماح وبهمّتي يخاطب
اتمنة لو افراد كلكم تكصدوني
-------------------------------
اللازمة
-------------------------------
بالصيحة عابس جان من هل الجمع رايد
للمعركة يبرزون واحد بعد واحد
لجن لفاه الجيش من كل كتر حاشد
وعابس وثب ويصيح ماخابت ظنوني
كثرة المرام وصار يشكَفهن بصدرة
وتوريدوه الكوم طبرة بأثر طبرة
عابس وكع جالطود وتوسد الغبرة
وبالدم كتب عالكاع هذة انه مضموني
-------------------------------
اللازمة
-------------------------------
بالحومة لن حسين يم الجسد جالس
يصرخ يـمن بالكون تنعت بالف فارس
فكدك جمر بـحاشي ظل يدوي ياعابس
وانه ادري بين عداي مفرد تـخلوني


للإستماع من هنا

يتبع ,,

صوت الزهراء
21-07-2008, 03:57 AM
بسم الله الرحمن الرحيم

اللهم صلِ على محمد وآل محمد وعجل فرجهم


تنذبح ظامي


تنذبح ظامي .. خابت احلامي
وانة جانت ظنتي .. انت تحضر دفنتي
آه آه آه يابني
------------------------------
ياعطر زهرة حياتي ويانسيم اللي يمر ... يابني يالاكبر
بعيني ظل يمرح خيالك يامن تركت الجمر ... بالكلب يسعر
يالمتت ظامي وعفتي ظايعة بكاع الصبر ... بيمن اتصبر
حسبت و خلص عمري انت تحفر لي الكبر ... وللدفت تحضر
ياوسف تالي ... ضاعت آمالي
جنت اظن يامنيتي ... ات تحضر دفنتي
آه آه آه يابني
------------------------------
اللازمة
------------------------------
جيتك لمصرعك يبني لن اشوفك منذبح ... وكعدت يمك
تخيلت جدك محمد علترب دمة يسح ... من شفت دمك
حرت ياطبرة اشدهة وراح اضمد ياجرح ... حايرة بجسمك
شما اضمد جرح منك جرح ثاني يفتح ... يابعد امك
تنزف جروحك ... غيبوا روحك
حسبت ياضنوتي ... انت تحضر دفنتي
آه آه آه يابني
------------------------------
اللازمة
------------------------------
غسلت ياوليدي جسمك من دمع عيني اليصب ... يابعد عمري
واكطعت كلبي بيدية ويمك انثرت الكلب ... والدمع يجري
ريت لا ينحفر كبرت ليت يابني بهل الترب ... ينحفر كبري
انت بالمصر يلاكبر وانة بديار الغرب ... حايرة بأمري
بلوعة مصابي ... وجمرة صوابي
جنت اريد بموتتي ... انت تحضر دفنتي
آه آه آه يابني
------------------------------
اللازمة
------------------------------
يابني كل حسبة حسبتهة طلعت بعكس الجمع ... واختلف حالي
كلت افرح تالي عمري لني بس اجري الدمع ... يابني يل غالي
كلت من تكبر تسرني لن اشوفك منصرع ... وطايح كبالي
كلت انت الوالي عندي تالي صرت بهل الوضي ... انا ما إلي والي
جانت ضنوني ... من يدفنوني
انت تحفر حفرتي ... انت تحضر دفنتي
آه آه آه يابني
------------------------------
اللازمة
------------------------------
يابني يا اشبه الوادم بالنبي سيد البشر ... وجهك اليسطع
بينك وبين ابو اليمة حيرة حيرني الدهر ... كلمن بمصرع
مرة يم حسين اروحن وامسح دموم النحر ... جسمة لموزع
مرة يم جسمك يلاكبر ارجع بنوح وقهر ... واسفح المدمع
ويرجع حسابي ... لساعت غيابي
من اودع دنيتي ... انت تحضر دفنتي
آه آه آه يابني
------------------------------
اللازمة
------------------------------
ماجنت ادري يعذب هاكثر فكد الابن ... دمعتي تـخبرك
لمن فكتك عرفتة وعرفت معنى الحزن ... وفكدت بدرك
توذر على الكاع جسمك بين طبرات وطعن ... وانكطع نـحرك
ريت ذباحك ذبـحني وريت وياك اندفن ... واسكن بكبرك
ظاعت سنيني ... وانت تدريني
هاذي يابني غايتي ... انت تحضر دفنتي
آه آه آه يابني
------------------------------
اللازمة
------------------------------


للإستماع من هنا

يتبع ,,

صوت الزهراء
21-07-2008, 03:58 AM
بسم الله الرحمن الرحيم

اللهم صلِ على محمد وآل محمد وعجل فرجهم


عشاق الحسين


عشاق الحسين عشاق الحسين
خذ يا سيدي عهد الوفاء و الله يشهد

يا ابن المصطفى و المرتضى يا ابن الوديعة أمك فاطمة يوم الحشر النا شفيعة
أمرك كل وقت يا سيدي واجب نطيعه لو تطلب دما بلايا ثمن دمنا نبيعه
يا ابن الخيرتين يا ابن الخيرتين

هذا الحب الك من المهد يمشي بدمانا عشاقك لعد هذا العشق ربك دعانا
يا نور العرش نكشف الك كل محتوانا يا ابن الطاهرة نورك يظل يزهي بسمانا
نور الفرقدين نور الفرقدين

عنك سيدي مانبتعد نمشي على دربك موحب عاطفة حب معرفة ووصانا ربك
يالإسمك شرف و على القلب بالدم نكتبك حتى بالذبح من ننذبح نصرخ نحبك
عند الحالتين عند الحالتين


لأهل المعتقد يا سيدي حبك عقيدة من هاي البشر غيرك أبد لا مانريده
ماغيرك صمد و على الذبح قدّم وريده غيرك بالبشر يا سيدي ما نصافح ايده
منذ النشأتين منذ النشأتين
مجنون العقل بمحبتك حبك عبادة مثلك سيدي نتسابق بدرب الشهادة
نتحدى البشر كلها بعزمنا و الإرادة قائدنا و الك يا ابن النبي تحلى القيادة
نكتب كلمتين نكتب كلمتين

للإستماع من هنا



يتبع

صوت الزهراء
21-07-2008, 03:58 AM
بسم الله الرحمن الرحيم

اللهم صلِ على محمد وآل محمد وعجل فرجهم


إمامنا الحادي عشر


أمامنا الحادي عشر أبو الإمام المنتظر
هذا إبن خير الناس أماً و أبا هذا سليل الأكرمين النجباء
إمامنا الحادي عشر أبو الإمام المنتظر

الخالق بلطفه و رحمته الواسعة خلَّد صحائف للحسن ناصعة
ودوحة يقينه بالعلم راتعة و أثمار فكره من المهد يانعة
بالحق و العلم شأى شرَّف سُرَّ من رأى
قاد زمام قومه منذ الصبا هذا سليل الأكرمين النجباء

و لمن علي الهادي انحجب و ارتِحل و بروحه طوَّح حادرة للأجل
ردد لسان الأمة صوته و سأل بيمن خلاف الهادي نعقد أمل
أجابهم صوتُ السٌنن من يا ترى غير الحسن
هل يُرتجى كتفا اذا زهرٌ نبا هذا سليل الأكرمين النجباء
تناول زمام الأمر بيده و شٍرَع و بدافع النص الإلهى اندفع
بقلب الحسن جذر المودة انزرع يريد الحصاد بجانب المجتمع
و كل فذٍ عبقري شاد بحق العسكري
قد اجتباه الله نِعمَ مااجتبى هذا سليل الأكرمين النجباء
تابع مسيرة والده للأثر و بنشر هالدعوة العظيمة استمر
وجدانه بين الأمة يلفت نظر و أصبح على الظالم يشكل خطر
نفيذةٌ دعوته صامتةٌ ثورته
بصمتِه عن سحق ظلمٍ أعربا هذا سليل الأكرمين النجباء


للإستماع من هنا

يتبع ,,,

صوت الزهراء
21-07-2008, 03:59 AM
بسم الله الرحمن الرحيم

اللهم صلِ على محمد وآل محمد وعجل فرجهم


اسكبوا دمع العيون





اسكبوا دمع العيون لرهينٍ بالسجون و اندبوه باكتئاب سيدي جلَّ المصاب
أجرحَ القلبَ و أجري الدمعَ من فيض الدماء
لسليل الطٌهر موسى و وريث الأنبياء
فكم أمضى سنيناً في نحيبٍ و بكاء
فهو من سجنٍ لسجنٍ و ابتلاءٍ لابتلاء
و الدماء و القيود في معصمه شهود للرزايا و العذاب سيدي جلَّ المصاب

و اذرفِ الدمع اذا ما كنت من جورٍ تُكابد
و تذكَّر صبر موسى و هو يحيي الليل ساجد
اذ يناجي يا الهي رُدَّ عني كل مارد
ألهذا الذنب يَسقيه سموما غدر حاقد
مابين سجن الهموم و بين فعل السموم مات موسى باحتساب سيدي جلَّ المصاب
حين تنعى الناس موتاها بحزنٍ تتجمع
بين باكٍ بين شاكٍ بين ثكلى تتفجر
ليت شِعري أوتدري من لموسى الطُهر شيَّع
حملته أيدي سجانيه بالذُلِ ملفَّع
ليتهم يعلمون أي نعشٍ يحملون نتباكى باضطراب سيدي جلَّ المصاب
كيف لا نبكي اماماً راهباً من آل هاشم
و هو نور الله فينا ووريثا للمكارم
انه المرضوض ساقاً انه مدمي المعاصم
انه المقتولُ ظُلما ربي فالعن كل ظالم
آهي من جور اللئام نال منا كم إمام بإدعاءات كِذاب سيدي جلَّ المصاب
إنَّ بلواكِ إمامي من خطوب الناس أكبر
كم بنا حلَّت خطوبٌ و عليها نتصبَّر
فبكظم الغيضِ تحدونا مثلا يا مُطهَّر
انما لا يُجزَع البُعد سنيناً يبن جعفر
كل يومٍ اذا يفوت سيدي بُطئا نموت بس الإغتراب سيدي جلَّ المصاب

كيف لا ألبس دهراً بعدكم ثوب الحِداد
فلقد كنتم ودادي و بكم يهنأ الفؤاد
و ذا ماضاق صدري انتخي باب المراد
من لقلبٍ ضاق بالوجه لموسى للجواد
أيها الكاظمان الأمان الأمان هل لنا من جواب سيدي جلَّ المصاب


للإستماع من هنا

يتبع ,,

صوت الزهراء
21-07-2008, 04:00 AM
بسم الله الرحمن الرحيم

اللهم صلِ على محمد وآل محمد وعجل فرجهم


سهم النايبة


سهم النايبة بعيني وين اللي يدليني درب المشرعة منين يا قطعة الجفين سهم النايبة بعيني

عن لسان الحال أخبرك يالتناشدني على زينب
مصابك من الشاطي حربة و قلبي و قلبك تصوَّب
مثل ماقال أبو اليمة ماعمل محتوم مَعتَب
زينب بإسم رب الإبة و بسيوف أهلها محجبة
أمست غريبة مسلبة و بخيمها النار تلهب
تصفق وِسَف بيديها من خان الدهر بيها
طفّى شمعة العين ياقطعة الجفين سهم النايبة بعيني


نايبات الدهر ترمي و بقلب زينب رميها
زينب بعصمة الزهرة تشكف سهام التجيها
سهم وادي الغاضرية صابها بذبحة وليها
الله من ذاك السهم صيوان عزّتها انهدم
عالشاطي من طاح العلم
مضى صواب الدهر بيها بعد اشتنشد عليها
من عقب الميامين ياقطعة الجفين سهم النايبة بعيني


شرد أقول بقلب زينب ورع متدرع بصبره
بعينها تشاهد وليها و الشمر يقطع بنحره
من عقب حزّة وريده تلعب الخيل على صدره
و تشوف جثته مخذمة و مغسلة بفيض الدما
عالصبر زينب كاظمة و الصبر من ثدي الزهرة
زينب هذي قسمتها تتحنى بدما أخوتها
من ساعة التكوين يا قطعة الجفين سهم النايبة بعيني


أمست بليلة الحادي عشر و تشاجف مرامي
لاخدر لا خيم ظل و لا جفيل و لا محامي
بس ارامل و اليتامى و العليل الجفنه دامي
و عيون زينب ساهرة و أمر العيال اتدبره
براعي العلم متأثرة و القلب مجمور دامي
ماقصِّرت همتها و لا هانت مصيبتها
بنت سيد الكونين يا قطعة الجفين سهم النايبة بعيني


قضت شوط الغاضرية وشدَّت الحيل لسفرها
أمست و أصبح عليها الشام و الكوفة و خِطرها
شوف همة قلب زينب حيَّر العالم صبرها
روح العقيلة مقطعة و عند العليل مودعة
تنشف جروح الجامعة و سلسلة متنه أثرها
و راس حسين وياها براس الرمح يرعاها
و تصيح الخواتيم يا قطعة الجفين سهم النايبة بعيني


شدّة الكوفة قضتها و قطعت دروب و منازل
عين تربي على اليتامى و عين تربي على الأرامل
نوب يتوجه قلبها على الحِمَل ثقل السلاسل
جم روح عدها و جم قلب ترعى العيال بهل درب
زينب و مدمعها يصب للعليل الجسمه ناحل
و الشام و نِواحيها من صدت لأهاليها
شافتهم امعيدين يا قطعة الجفين سهم النايبة بعيني


يالعلي و الله شهضمية صعبة يا صاحب الغيرة
توقف بديوان زينب بين الأجناب و يسيرة
لا حِمَل يحمي حماها و لا عمام و لاعشيرة
الله شهضم و تشاهدت جور و ظلم
والينولي بولية خصم يصبر و صبره مصيره
و يزيد شقوى عينه شال السوط بيمينه
يضرب راس الحسين يا قطعة الجفين سهم النايبة بعيني


للإستماع من هنا

يتبع ,,

صوت الزهراء
21-07-2008, 04:00 AM
بسم الله الرحمن الرحيم

اللهم صلِ على محمد وآل محمد وعجل فرجهم


ناربدليلي


نار بدليلي تسعر ماتنطي يالأكبر
و النارشيطفيها تحرق قلب راعيها ماتنطفي يالأكبر


نام برغد و تهنى يالحققت آمالي ياثمر قلبي و عزمه
هيج الولد يردونه مايعز دمه الغالي للدين يصخى بدمه
و ارفعت بالعز راسي ادريك نعم الوالي و لقلبي تفرج همه
تدري بدليلي صابه من الفراق صوابه
و لمهجتي يتاليها و النار شيطفيها ماتنطفي يالأكبر


يومك جرح دلالي و ماشفت بعدك راحة و منين أجيب الراحة
و مدوهنة خلاني و بحربته الجرّاحة زيدت قلبي جراحه
و عيوني تربي و ماتشوف قلبي انطفى مصباحه يالشوفتك مصباحه
نيرانك التجويني و فراقك الماذيني
و الروح شيسليها و النار شيطفيها ماتنطفي يالأكبر


يبني تعبت بأيامك و اتلفت راحة ليلي لأجلك يا راحة ليلي
و المهد قلب أمك جان وقتي رهنته و حيلي يا عزم همتي و حيلي
و من طالعك صفحة نور تنعكس و تضوّي لي بالعاطفة تضوي لي
سهم الدهر خيّبني من صوَّبك صوَّبني
و الجبدتي ماذيها و النار شيطفيها ماتنطفي يالأكبر


يالمرتعك دلالي فرقاك زيَّد نوحي و مساهرات عيوني
كَتَّت عليك دموعي و شلون شاغت روحي لأجلت يا صدق ظنوني
ضليت أداوي جروحي يا بسمتي بجروحي و بضيعتك ضيعوني
صابت دليلي الصدمة و يَبِّست دم بجسمه
و جروحي شيداويها و النار شيطفيها ماتنطفي يالأكبر


ردتك ذخر ياوليدي للعايزة ذاخرتك و ارسمت صورة حبي
لوصحت يبني النخواي بالعزم تشفي بهمتك عونج ياشوفة دربي
صابت دليلي الأيام و بكربلاء ضيعته و انطفت شمعة قلبي
أقضي العمر بالحسرة و دمع العيون اليجرى
فرقاك السابيها و النار شيطفيها ماتنطفي يالأكبر


للإستماع من هنا



يتبع

صوت الزهراء
21-07-2008, 04:01 AM
بسم الله الرحمن الرحيم

اللهم صلِ على محمد وآل محمد وعجل فرجهم


يا مسموم دفنك حضرته


يا مسموم دفنك حضرته
يا مسموم قبرك حفرته


عضيدك آنة و ابن أمك اجيتك للدفن يمك
اختفى بحجر الأجل نجمك و أردد يالحسن بإسمك
احفرت قلبي برمح همك و ادفنت بمهجتي جسمك
الك هاج قلبي بجمرته
يا مسموم قبرك حفرته


لهيب النايبة اتسجّر عليك و ضامري اتفطّر
مصابك عالقلب أثّر و عَلَي جدَّم حزن حيدر
شفت جبك غدى امنثّر اذكرت طبرة بطل خيبر
و لا فاد صبري الصبرته
يا مسموم قبرك حفرته


بحزن و مهامل العبرة على نعشك وجّهِت نظرة
ذكرت الوالدة الزهرة ضلعها و نايبة كسره
بجيت و بالصدر حسرة و أحس بكل ضلع جمرة
أشد حال ، حالي الذكرته
يا مسموم قبرك حفرته


شعاعك يالحسن غرَّب بسحاب الفاجعة اتغيب
القلب لا تلومه من يلهب عضيدي و فرقتك تصعب
و اختنا الطاهرة زينب تواسيني و غدت تنحب
الك ذاب قلبي بحسرته
يا مسموم قبرك حفرته


الكفن جهزته يا ابن أمي و الك صار الدفن حتمي
يا ريته يندفن جسمي و لا أشوف النعش يمي
و حقك يا رمح عزمي أحس مثل الجبل همي
بالهموم عزمي اختصرته
يا مسموم قبرك حفرته


للإستماع من هنا

يتبع ,,

صوت الزهراء
21-07-2008, 04:02 AM
بسم الله الرحمن الرحيم

اللهم صلِ على محمد وآل محمد وعجل فرجهم


عليل ينادي بالعبرة



عليل ينادي بالعبرة أظنها حضرت الزهرة
تشاركنا بفنى أحبابي تساعدني على مصابي أظنها حضرت الزهرة

صور من عالم همومي قلم حزني يصوِّرها و شفت جن واقف السجاد و جثث جدامه ينظرها
جثث متضرجة بدمها و عجاج الحومة عفّرها التفت لن اعتنت حرمة يفت الصخر منظرها
جرت عبراته و ينادي أظنها بضعة الهادي
لفتني تضمد صوابي و تساعدني على مصابي اظنها حضرت الزهرة

تعنّت وقفت قباله خمار العفة يحجبها شمس متحجبة بغيمة و اجت تدفن كواكبها
تحوم على الجثث شافت غدير الدم يخضّبها و هي بهلحالة و السجاد بدموعه يراقبها
غدى لهلحرمة ينشدها يقول اشبيها و اشعندها
تحن مثلي على غيّابي و تساعدني على مصابي أظنها حضرت الزهرة

تقرَّب يمها يسألها لجن يسألها بالدمعة يقلها منين و اشجابج يحاجيها و هي تسمعه
لنها تجاوبه و تقول مثلك آنة منفجعة يبني يا علي السجاد آنة فاطمة البضعة
نسيت مصيبتي و كسري اجيت يبني من قبري
اريدك تنفض ترابي و تساعدني على مصابي اظنها حضرت الزهرة

ماهي مناسبة تبقى الجثث صرعة بهجير الحَر خلنا نبتدي و ندفن تراني على الصبر مقدر
لجن يا وليدي دليني تشتت عقلي و تحيَّر جاسم يا جسم منهم و ياهو جثة الأكبر
سؤال الزهرة أثَّرهم غدت تبجي مناحرهم
تقول من الدما خضابي و تساعدني على مصابي اظنها حضرت الزهرة

نزلوا جاسم بقبره لجن ماوسدوا خده و خده شلون يتوسد جاسم راس ماعنده
و اجوا يم جثة الأكبر و نزلوا جثته بلحده و بدت بنت النبي تحاجي علي السجاد و تنشده
على أبوك حسين وديني و أخاطب جسمه خليني
و أريدك تسمع خطابي و تساعدني على مصابي أظنها حضرت الزهرة

عقب ماعالجسد ناحوا نزلوا باللحد جسمه و كل أوصاله جمعوها و دفنوا خنصره يمه
انحنى السجاد علمنحر لنة يسمع الجلمة يقله ادفن على صدري رضيع السابح بدمه
وضع عبد الله على صدره بدمعها فاطمة تنظره
تقله دموعي بأهدابي تساعدني على مصابي أظنها حضرت الزهرة


عقب مادفنوا المظلوم و رضيعه المخضب بدماه مشى السجاد و الزهرة حزينة و تابعت ممشاه
وصلوا للنهر شافوا جسد و بكتره طاح لواه شالوا جثته و دفنوا يمه يسرته و يمناه
يقله هذي يا عمي الوديعة فاطمة يمي
على دفنتك حسبت حسابي تساعدني على مصابي أظنها حضرت الزهرة




للإستماع من هنا

يتبع

صوت الزهراء
21-07-2008, 04:03 AM
بسم الله الرحمن الرحيم

اللهم صلِ على محمد وآل محمد وعجل فرجهم


العليلة


…العليلة تنوح على المذبوح بقلب مجروح تحاجي الليل…
مثل ما انزل الباري كتابا و بلغ المرسل نزل آية بعد آية وكمله المصحف المنزل اجت عيلة رسول الله نفس هل الحالة تتمثل المحامل وصلت لطيبة ونزل محمل بعد محمل. عليلة تحوم بفزع وهموم تقى وتقوم على الياويل تحاجي الليل…

العليلة تلقت العيلة تصد من واحد لواحد تدور وين ابوها حسين حرم وايتام شتشاهد عقب ما ايست ترجعت مثل ما يرجع الفاجد تحن حن الهجن وتصيح آه يا خرقة الوالد فكر محتار اجت للدار بدمع مدرار يباري السيف تحاجي الليل…

جفنها عاشق العبرة قلبها يوالف همومه بعد يا دار تحويها جمعها هالليل بنجوما اعلا كل نجمة تصد لو معالم لوح مرسوم تقلة شظل بعد يا ليل ابوياو منا محرومة مهجتي تلوم مثل ايوب العمان هبوب غبار الويل تحاجي الليل...

الك يا ليل بعيوني علامة موسمة بجمري لعد بوابه الوحشة تلاقن صبرك وصبري بعد يا ليل واشعندك تضيفن محنتي وقهري يتلامع بدرك وآنا صريع بكربلا بدري انذبح عطشان بلا اجفان وجفن تربان عجاج الخيل تحاجي الليل…

بعد يا ليل ما عندي مهجة تقدر تلومك صريعة بكربلا نجومي وانت ساطعة نجومك يا موجة من بحر همي تغرد قلعة همومك يا ليل و يمتعن وجهي تزيح مكابر غيومك أنا ندمان يا ابو النجمان على العبرات اخذني الميل تحاجي الليل…



للإستماع من هنا



يتبع

صوت الزهراء
21-07-2008, 04:03 AM
بسم الله الرحمن الرحيم

اللهم صلِ على محمد وآل محمد وعجل فرجهم


[[ام الحزن زينب]]

ام الحزن زينب يم الـ جتل مرحب
وتناشده وتنحب واتقله ياحامي الجار
جم لوعه جم جمره
لمصيبة الزهراء
أجت ام الحزن والصبر يسندها
اوقفت وقفة يتيمه اقبال والدها
تاره تناشده وتاره يناشدها
خل نسمع انشوف وش عنده وش عندها
للمدمع اتهله وصاحت يبو الحمله
هالحاله مو سهله ودموعي سالت انهار
ماتنشف العبره
لمصيبة الزهراء
+++++++
قبل بيوم جانت فاطمه يمي
غابت عني وشتد ياعلي همي
الحاله اتغيرت حين افقدت امي
من هاليوم صار ام الحزن اسمي
ياليلة الوحشه دهشه بأثر دهشه
اي ورفع عرشه كل ما اصد للمسامر
اجذب الف حسره
لمصيبة الزهرا
+++++++++
هوت اسوار عزمي ومهجتي اتخبرك
كل صبر الـ صبرته دره من صبرك
اي والي رفع يابا الحسن قدرك
بس هوه الي يعظم ياعلي اجرك
اظام صبح يومك وماحد يلومك
يابوي وهمومك متناثره بباب الدار
والنايبه الكبرى
لمصيبة الزهراء
+++++++++
يابويا بضامرك يدوي لهيب امصاب
جم جمره وجرح جم لوعه جم مسمار
عجيبه شلون الك عيني وتصد عالباب
وتدري ياضلع من الوديعه انصاب
بس همك وحزنك ظلن يبارنك
من استمع ونك يحرقني جمر الافكار
وعيوني منصهره
لمصيبة الزهراء
+++++++++
لون اقدر اعينك عالحزن والهم
عينك لجن قلبي مثلك اتألم
كل ما اذكر الضلع الذي اتهشم
اون وجروح جفني اتفيض دمع ودم
صار الحزن طبعي مثلك يصب دمعي
جن انكسر ضلعي وجددت ذيك النار
وبروحي متوجره
لمصيبة الزهراء
+++++++
اهن كسرين كسر امي وبعد اكثر
كسرة خاطرك هيهات تتجبر
حرت ابجي على ضلع امي الذي اتكسر
انا لو ابجي على حالك بويا ياحدير
فت الصخر همك بس الحزن يمك
جن دمعك ودمك يتشاركن بالاعبار
كسرك صعب جبره
لمصيبة الزهراء
++++++++
هذا الليل اجاك الليل بهمومه
ومثلك روحي يابا الحسن مهضومه
جن البدر يبجي وتنحب انجومه
على محنة فاطمه الي قضت مظلومه
جن الفلك ينعى ونجومه مجتمعه
تنحب على البضعه ليت الفلك لايندار
لايكتمل بدره
لمصيبة الزهراء



للإستماع من هنا

يتبع ,,,

صوت الزهراء
21-07-2008, 04:04 AM
بسم الله الرحمن الرحيم

اللهم صلِ على محمد وآل محمد وعجل فرجهم


تحجيلك الزوار


تحجيلك الزوار ناشدها ناشدها يتلاله بالأنوار مرقدها مرقدها
طفلة رقية صبح ومسية جنة وزهية مرقدها مرقدها

يلمعتني وتريد تاخذ جواب يفيد اسمع خبرها
لعيونك من بعيد عنها بصراحة يشيد يشهد قبرها
لو رايد التوكيد عن علة التمجيد لوعة لقدرها
وين الأمير يزيد واللي بمكرها تكيد ضايع أثرها

غير الحقد آثار ما عندها ما عندها ما نالت الأشرار مقصدها مقصدها
يا أهل الجريمة شوفوا اليتيمة بهيبة عظيمة
مرقدها مرقدها

تحجيلك الزوار ناشدها ناشدها يتلاله بالأنوار مرقدها مرقدها
طفلة رقية صبح ومسية جنة وزهية مرقدها مرقدها

يل إلك حاجة وجاي بلهفة قلب عناي صادق مرامه
هاي الوجيهة هاي وعندها الدوا لكل داي إلها كرامة
ليها اعتني شجاي والمختلف بالراي اترك كلامه
صيح بعهد وفاي مولاتي يا رجواي يوم القيامة

عندك علم وأخبار عن جدها عن جدها وبمنزل الأطهار مولدها مولدها
متورثة ذاته بسيرة حياته تشهد صفاته
مرقدها مرقدها

تحجيلك الزوار ناشدها ناشدها يتلاله بالأنوار مرقدها مرقدها
طفلة رقية صبح ومسية جنة وزهية مرقدها مرقدها

لا تعقد التفكير طفلة وعمرها صغير تجهل فضلها
لو تمتلك تدبير عندك يقين يصير تدرك مثلها
من الله هالتقدير إلهم صغير جبير تقدير أهلها
لا تصطدم وتحير هالعبرة للتذكير الله جعلها

وبقدرته الجبار أيدها أيدها لأهل الوعي تذكار خلدها خلدها
هاي الحقيقة للظل طريقه أكبر وثيقة
مرقدها مرقدها

تحجيلك الزوار ناشدها ناشدها يتلاله بالأنوار مرقدها مرقدها
طفلة رقية صبح ومسية جنة وزهية مرقدها مرقدها

يلتسمع انظر زين هاي الكرامة منين نالت علاها
طفلة وهضمها البين وين أهلي صاحت وين رفعت نداها
غمضت جفن العين شافت أبوها حسين بالطيف إجاها
من صفقت الجفين والدمع عالخدين واشتد بجاها

زين العباد احتار شاهدها شاهدها تبجي وتريد إحضار والدها والدها
الدمعة تصبها يلهف قلبها وأصبح طلبها
مرقدها مرقدها

تحجيلك الزوار ناشدها ناشدها يتلاله بالأنوار مرقدها مرقدها
طفلة رقية صبح ومسية جنة وزهية مرقدها مرقدها

ولن الأبو المذبوح بالطشت راسه يلوح فقدت أملها
وبقلب كله جروح شبقته ولنها تنوح دمعه التهلها
طفلة بنظر مشبوح من عقبه وين تروح تشكي عللها
لنها بجسد مطروح غربت عنه الروح قرب أجلها

لو شاءت الأقدار شيردها شيردها بالغربة لمن صار مرقدها مرقدها
الباري بحسابه خله الخرابة سر الغرابة
مرقدها مرقدها

تحجيلك الزوار ناشدها ناشدها يتلاله بالأنوار مرقدها مرقدها
طفلة رقية صبح ومسية جنة وزهية مرقدها مرقدها


للإستماع من هنا

يتبع ,,

صوت الزهراء
21-07-2008, 04:05 AM
بسم الله الرحمن الرحيم

اللهم صلِ على محمد وآل محمد وعجل فرجهم


بالله استعدي للبواجي يا ام البنين


بالله استعدي للبواجي يام البنين
ردوا يتامى وانذبح عباس وحسين

يام البنين اتذبحوا كلــــهم على القاع
وحسين ضل مجرد ومكسور الاضلاع
ومــــــــخدرة حيدر علي فرت بلا قناع

وياالحرم والنار تسعر بالصواوين

يــــام البنين الاربعه ذبـــــحوا ضمايا
ضـــــلوا ثلاثة ايام بالـــــغبره عرايا
وليتج نظرتي على النهرصاحب الرايا

مفضوخ راسه ومقطعه اشماله واليمين

يام البنين الاربعه ماحد دفنهم دمهم غسلهم
والــــترب صـــايــــر جفـــــــنهــــــــــــــم
ومن الصبــح زينب مشت للشام عنــــــهم

فوق الهزل مرت وشافتهم مطاعين

يام البنين الاربعه تشهد لج النـــــــاس
ماصار بليوث الحرايب مثل عبــــــاس
خلى الارض روس وجثث ومطهم داس

روس الاعادي وغلق الميدان صوبين

صاحت اولادي وكل من بالعالم يروح
وياليت بعد حسين ما تبقى لنـــا روح
يابشر بالله لا تقول حسين مذبــــــوح

ما شوف بالدنياعوض عندي عن حسين

عباس واخوانه عليـــــــــــهم ذاب الفاد
اعزاز عندي وحزنهم بالقلب وقـــــــــاد
وحسين فت قلبي ونسيت فــراق الاولاد

فدوه لبو سكِنه اولادي يامسلمين

ياليت عندي من الولد سبــعين مولود
بالمرجله كلها مثل عبــــــــاس وتزود
تنذبـــــــح وابن المصطفى لدياره يعود

سالم ولا تنظام زينب والخواتين



للإستماع من هنا

يتبع ,,

صوت الزهراء
21-07-2008, 04:05 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. السماء انفطرت ..


الــسـمـــــاء انـفــــطــرت و الــنــجـــــوم أنـــكــدرت
حــيـنمـــا غــــاب الـحـسـيــن

الـعالم اتغـير مـداره و أضـحت الـدنيه مظلمه
و نـزل جـبرائيل ينعـه و ينـظر لحـال أبو اليمه
مـثل مـاهز بيده مـهده و حـضر بـالميلاد يمه
اليوم بالطف حضر لاجن شافه متغسل بدمه
كوكب فوق الثرى أم حسين بالعرى
و قطيـع الودجين



إلـك أنــقل ثــاني مـشـهد تـرك بـالدلال جمره
نزل يم حسين فطرس يـجري دمـعاتـه وينظره
نشر بالمصرع اجناحه وصار يمسح فيض نحره
رايـــد يـجازي و يــعـوض فـضـل ريـحانة الزهره
صاح و الدمع هما يا خضيباً بالدما
أنت نور الـخافقين


طاح جسم حسين دامي و طاحت الأملاك سجد
كل نبي و مرسل الليلة حـضر و يشاهد المشهد
و الأشـد و أعظـم و أصعـب من حضر عنده محمد
صـبـغ وجـهه بـدم وريــده و إبـكـتـر جسمه توسد
صاح و الجفن ندي ولدي يا ولدي
أين ذاك الرأس أين


كَــام مـن يمه محمد كَــعـد يـم الـجـسد حيدر
شاهد ابلا راس جسمه ومن ثره الـمصرع تعفر
نوبه من صدره يشمه و نوبه مـن فـتحه المنحر
لنه يسمع صوت مدمي من وريد حسين يظهر
أبتي هذا أنا مزقوني بالقنا
و أنـا ابن القبلتين


الـنوب إجـت فـاطمة تـنـادي و غير العالم وضعها
انحنت فوق ضـلوع صدره ونـاحت ولـزمـت ضلعها
شـمـتـه إبـكـَطـعـه وريـده و امـتزج دمه إبدمعتها
إتصيح منهو الهشم صدرك ركَبيتك منهو الكَطعها
يا كسير الأضلع خذ دماء الأدمع
بعد ما كانت لـجين



انحنوا يم الجسـد أمـه و والده و الهـادي جده
بين مـا يسفح دمـعهم لن أخوه الحسن عنده
ظل يكَلب جسم اخوه ايدور اعله اصواب جبده
إيـنـادي يــا زهـرة حيـاتي يــا جرح منك أشده
دمعي القاني جرى كي أواسي المنحرا
و بكـتك كل عين



راحت الزهره إويه أبوها و حيدر إويه الحسن ينحب
إتــوجـهوا صـوب الـمـخـيم شـافـوا أم الحــزن زينب
حــايـرة إبـجـمـع الــيتـامـه و الــخـدر مـنـهـا تسلب
و سـمـعـوا الأطـفــال تـصـرخ و الــخيم بـالنار تلهب
و دموع ساكبة من جفون ذائبة
بشجون و أنـين


للإستماع من هنا



يتبع

صوت الزهراء
21-07-2008, 04:06 AM
بسم الله الرحمن الرحيم

اللهم صلِ على محمد وآل محمد وعجل فرجهم


معصومة


معصومة هاي أخت الرضا هاي النجيبة(ماتت غريبة فاطمة ماتت غريبة)
بصواب أخوها نصابت بجرح المصيبة(ماتت غريبة فاطمة ماتت غريبة)
موقع قبرها يعكس خُبرها(فاطمة ماتت غريبة)


يا ناس من يوم انكسر ضلع الزجية ماينعد مصاب الجرى عالفاطمية
ظلم السقيفة و يتبعه ظلم آل أمية جرح الوصي و جبد الحسن و الغاضرية
ذبح الحسين و جثته الظلت رمية و عن بني العباس اشكثر جور و أذية
ما جنة وصى المصطفى حب أهل بيته(نكروا وصيته يا وسف نكروا وصيته)
و انقلبوا أصحاب الجهل ساعة منيته0نكروا وصيته يا و سف نكروا وصيته)
و الأمة سرها يعكس خُبرها(فاطمة ماتت غريبة)

من الزجية تورثت معصومة همها من زغر سنها و الدهر ظلم هضمها
من الأبو و من الأخو بغدره حرمها بالغربة و بأصعب خبر بدد حلمها
صابتها و بوسط القلب لوعة ألمها و ساعة الوافاها الأجل من حضر يمها
من المدينة من اجت فقدت أخوها(وش جاوبوها بيا وضع وش جاوبوها)
قطّعوا بالسم جبدته من خبروها(وش جاوبوا بيا وضع وش جاوبوها)
و حيرة أمرها تعكس خُبرها(فاطمة ماتت غريبة)


هاي النجيبة الطاهر الطاهر نسبها بنت كاظم الغيض الخذت منه أدبها
متعنية لخرسان اجت يلهب قلبها يالحسرة و الهم و الحزن قضّت دربها
تنشد على خضار الرضا بدمعة التصبها و بيا ذنب ماشافته ترفع عتبها
كل ظنها تحظى بشوفته عقدة أملها(ساعة اجلها قربت ساعة أجلها)
فوق الوجن دمعة هضم قامت تصبها(ساعة أجلها قربت ساعة أجلها)
و لوعة دهرها تعكس خُبرها(فاطمة ماتت غريبة)


و الباري شاءت قدرته يرفع قدرها حرمة و على حكم القدر حملت صبرها
لوعات و امصاب و حزن قضّت عمرها و للعين أصبح من بُعد شامخ قبرها
و الزاير اللي ليها قصد يعرف فخرها لليوم بأنوار الكرم خالد ذكرها
ياخذ مراده كل محب زاير قصدها(روضة مجدها زاهية روضة مجدها)
باب الشفاعة الواسعة موجودة عندها(روضة مجدها زاهية روضة مجدها)
و هيبة قدرها تعكس خُبرها(فاطمة ماتت غريبة)


للإستماع من هنا

يتبع ,,,

صوت الزهراء
21-07-2008, 04:07 AM
بسم الله الرحمن الرحيم

اللهم صلِ على محمد وآل محمد وعجل فرجهم


من ظلم الدهر

من ظلم الدهر قلبي انكسر خويه ياعباس
مثلي من صبر عندك خبر خويه ياعباس
زغري ويتموني وبفقدك ولوني
زغري ويتموني وبفقدك ولوني
مثلي من صبر عندك خبر خويه يا عباس

يا ريــــــت المـــــوت يلفينـــــي وســــكنت لحود
ولا سلمـــــت بــــيدك ياعـــــبـــــــاس الجــــــود
و يا ريت براســـــي طاحت ضربــــة الــــعامود
و لا شوفن قطعة جفينك ومصوب والنبلة بعينك

زينب قابلت عباس بالحـــــــسرة ودمع ســــجاب
تحجي له اشجرى عليها وعندها ويا الكفيل عتاب
وعندها ويا الكفيل عتاب
تقله تدري قلب أخـــــتك بســــهام الزمان انصاب
وضلـــــعي ويا ضلع أمي يا عباس انكسر بالباب
يا عباس انكسر بالباب
خاف اشرح وضع بيك انصدع يا طيب الإحساس
من يــوم الـــــضلع نشــف دمع يا طيب الإحساس
دم هلت عيوني وبفقدك ولوني
خويه ياعباس


من عمري القضى بالنوح غير الحزن شتذكر
وانســــى يا ألم خويــــه وبـــيه يا جــــرح أثر
وبـيه يا جــرح أثر
لو جان بصــــــغر همي ذاب الصــخر وتفسر
لوعــــــة كسر ضلع أمي و هامة والدي حيدر
وهامة والدي حيدر
بفراش الأجل خير العمل يلفظ الأنفاس
من بعد الأمل قلبي بوجل يلفظ الأنفاس
وانعكست ظنوني وبفقدك ولوني
خويه ياعباس


قلبي على الصبر عــــــباس وعلى الحزن عودته
و ياهي من النسا الشافت مصابي وضيمي الشفته
مصابي وضيمي الشفته
من ضــــــم الحــــسن جبده عن عين العقيلة اخته
وشــــفته بالسم تقـــــطع و بيديه جبـــــــده قلبته
وبيديه الجبد قلبته
جبدك بالطـــشت وسفة صحت يا أكرم الناس
من هضمي نحت لمن طحـــت يا أكرم الناس
بجبدي صوبوني وبفقدك ولوني
خويه ياعباس


مصاب الما خطر ذكره ولا يوم انشغل بالي
من بعد الخــــدر والجاه ابقى بحسرة الوالي
ابقى بحسرة الوالي
طلعت من الوطن وياك بهيبة والــقدر عالي
و طول الدرب يا عباس انت الجنت تبرالي
انت الجنت تبرالي
تبرى الناقتي يا هيـــبتي يا رفعة الراس
تفقد حالتــــي وش رادتي يا رفعة الراس
يا كافل ضعوني وبفقدك ولوني
خويه يا عباس


لوني انخــــطف يا عبـــــاس بيوم الكربلا طبيت
وقامت ترجف عظامي يا خويه وبالهضم حسيت
ياخويه وبالهضم حسيت
وهلــــت دمــــــعة عيوني و ونة حــــايرة ونيت
و بنــــظرة عــــتب و وداع ليك بساعة الصديت
ليك بساعة الصديت
ماترضى الهضم وانت الشهم وانت بو النوماس
تخشــــاك الزلــم يا بو العـزم وانت بو النوماس
بعدك مارعوني و بفقدك ولوني
خويه يا عباس


و يوم اللي انهدم حيلي قلبي انجسم بيه نصين
محني الظهر من شفته رد ليه أخـــوك حسين
رد ليه أخوك حسين
و من البـــعد ناديتـــه عبــــاس القمر جا وين
ولنه يقــــلي يا زينب منه انقــــــطعن الجفين
منه انقـــطعن الجفين
جفين القــــمر فوق الــنهر والدرع والطاس
وتصوب نظر راعي الفخر والدرع والطاس
بغيابك سبوني وبفقدك ولوني
خويه ياعباس


للإستماع من هنا

يتبع ,,

صوت الزهراء
21-07-2008, 04:07 AM
بسم الله الرحمن الرحيم

اللهم صلِ على محمد وآل محمد وعجل فرجهم


إلمن هالشمع


إلمن هالشمع والمن الحنة
جاسم من دمه نحره تحنه
آنه والعرس وين بأرض الغاضريه


طالعت صحف النوايب بالنوايب كلطتها
اوفتشت روحي المصايب بالمصايب لوعتها
اومثل كسرة قلب رمله بالارامل ما شفتها
ابفكد الحسن مترمله اوثكله واحزينه اومعوله
واشون شوفه ابكربلا ويه جاسم شهدتها
نوبه تنسل اجعوده او تشمه
اونوبه يكون تتخضب بدمه
اوتهمل دمعة العين بأرض الغاضريه


هاك اخذ يالمحب مني خبر عن جاسم يفجعك
اومثل حنية ضلع ايكون تحني اعيه ضلعك
اومثل دمعة حزن زينب تصب للعريس دمعك
جاسم من شاف اخوته للحرب لبست لامته
لو جنت شايف حالته مثل وضعه اندهش وضعك
اورمله اتصيح لبني تعكبرنه
ليش اويه اخوته متسلحون
اوينزل للميادين بأرض الغاضريه

جني ابجاسم اشوفه منفجع مندهش نوعه
اومثل حني القوس منحني او تهمل ادموعه
يحن واتنابي حنينه ونته اوحنة اضلوعه
جاعد ابكاسر خيمته لن رمله صدت شافته
اسم الله يجاسم نادته ليش قلبك كثر روعه
ناداها دصدي اعلى الهواشم
كلها امحزمة ابيض الصوارم
وآنه هالتشوفين بأرض الغاضرية


اوجني بمخيم حسين اةانظر اشبول الهواشم
هذا المغطرس ابدرعه اوذاك المجرد الصارم
اوما شفت مهظوم بيهم بس يتيم الحسن جاسم
مكسورقلبه او خاطره ايدير العمامه ناظره
اويصرخ ابصرخة كصورة يالعلي والله يهاشم
يتمني الحسن واهلي رعوني
وابدرع الشهادة ما جسوني
اورايد نصرة الدين بأرض الغاضريه


واطلعت زينب تنادي حسين يا مهجة الزهره
ادرك ابن الحسنجاسم ضاك من الصبرصدره
جاعد ابكاسر الخيمة اعزل اومسلح ابصبره
اوحامل وصيه والده وايريد سيف ابساعده
او خل يشفي قلبه من العه اوللحسن خل يحي امره
صاح حسين يا بهجة دليلي
جاسم ونتك هدمت حيلي
وافجعت الخواتين بأرض الغاصرية


اتشابكاحسين اويتيم الحسن واتغيرت الحاله
وانغشه اعليهم اوصار النوح ببيوت الرساله
وانتبه جاسم اوعمه حزمه ابسيف العداله
جاسم تشعشع وانتشع واتدرع ابدرع الورع
والبجفه المهند لمع اوصار بالسيف ابتهاله
اورمله هلهلت والدمه منهل
جاسم صاح من شد واتخيل
عونج يالتحشمين بأرض الغاضريه


سدر الخيل اونحزها بالفراسة الحيدريه
رمله تتنظر ولدها اوعينها الجيته اربيه
ساعه لن شافت ولدها نايم ابحجر المنيه
صاحت ابقلب منصدع عالغبرة جاسم منصرع
طفوا الشمع طفوا الشمع عرس المبارك عليه
جاسم انطفت شمعة شبابه
اوظلت بالقلب جمرة امصابه
او فاز ابنصرة حسين بأرض الغاضريه


للإستماع من هنا

يتبع ,,

صوت الزهراء
21-07-2008, 04:08 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. من اليسر يا عباس ..

من اليسر يا عباس رجعت ضعوني إقعد يا راعي النوماس عاين متوني
شوف شجرالي خويه شوف شجرالي

تعتب عودت زينب المظلومة عتاب المنكسر خاطرها مهضومة
وحين المنبعد صدتها للحومة ذكرت يوم عاشر وش جرى بيومه

يا الحادي صاحت أنخاك أرحم دليلي أنه العقيلة أترجاك مرني بكفيلي
أرد أشكي حالي لخويه أرد أشكي حالي

من اليسر يا عباس رجعت ضعوني إقعد يا راعي النوماس عاين متوني
شوف شجرالي خويه شوف شجرالي

والحادي سمع ونتها المجيدة ومن عباس أخوها شلهي الي تريده
خل يقعد ينوخ ناقتي بايده يقلها طلبتج يا زينب بعيدة

يا ام المصايب تدرين قطعوا جفوفه وعلى الكوفة وعينه تعتبين حالج يشوفه
صاحت يا غالي خويه صاحت يا غالي

من اليسر يا عباس رجعت ضعوني إقعد يا راعي النوماس عاين متوني
شوف شجرالي خويه شوف شجرالي

أخويه الي على الهودج بايده صعدني ويبرن ناقتي بالوفى يواددني
خل يقعد مثل ما جابني يردني وعن غيبتي الي طالت لو يناشدني

يا با الفضل درب الشام بلوة انقضيته شحجيلك من الايام همي الي حويته
سود الليالي خويه سود الليالي

من اليسر يا عباس رجعت ضعوني إقعد يا راعي النوماس عاين متوني
شوف شجرالي خويه شوف شجرالي

قبل ما نوخت يم قبره ناقته هوت مثل الغصن حضنته بشوغتها
وبتراب القبر قطعت هامتها ونت والأرض ما تت لونتها

صاحت يا دخري بنياي عدما عفتني حان الوعد يا وفاي يالعاهدتني
جاوب سؤالي خويه جاوب سؤالي

من اليسر يا عباس رجعت ضعوني إقعد يا راعي النوماس عاين متوني
شوف شجرالي خويه شوف شجرالي

يا موقف أذكره وأنسى يا موقف ولسى عظامي من كثر الهضم ترجف
مكتوفة بحبل والقلب دم ينزف وعن الصوط بجفوف القمت أشقف

بين الحرم والأطفال الي حيرني دهي وما نشف دمعي الهمال شكثر صبري
ما عندي والي خويه ما عندي والي

من اليسر يا عباس رجعت ضعوني إقعد يا راعي النوماس عاين متوني
شوف شجرالي خويه شوف شجرالي

من ثقل المصاب وشدة الآلام أقول الكوفة أهون من مصاب الشام
من شفت الخرابة الحرم والأيتام ذكرت الشمل وأهلي ودورة الأيام

بحبل الزمان الغدار مجتوفة ايديه بنت الوصي حامي الجار لني سبية
والهم بقالي خويه والهم بقالي

من اليسر يا عباس رجعت ضعوني إقعد يا راعي النوماس عاين متوني
شوف شجرالي خويه شوف شجرالي




للإستماع من هنا

يتبع

صوت الزهراء
21-07-2008, 04:11 AM
بسم الله الرحمن الرحيم

اللهم صلِ على محمد وآل محمد وعجل فرجهم


يالما تنسى ثارك


يالماتنسى ثارك ملينا انتظارك يتأملك يالمنتظر ضلع الوديعة

يا ابن الغوالب ماتبقى غايب لابد تصح ساعة فرج تعلن قدومك
رب العوالم بس هو عالم هو يدري ليا سبب نترجى يومك
و انت بدليلك جمرة غليلك سهرانة عينك و برغد نامت خصومك
شفت العجايب من هالنواصب لو تذبح اللي بالمهد محد يلومك
شقد تصبر عجيبة تحمل جم مصيبة و بضامرك تارك اثر ضلع الوديعة

ساعة ظهورك نترجى نورك يامن رهيفك للسنن يحفظ شرعها
لسيفك ترفعه لصوتك نسمعه تصرخ يا ثار الطاهرة و كسرة ضلعها
قبل الوقايع تجري المدامع و تواسي يا ابن العسكري الزهراء و دمعها
يا ابن الكتايب توقف تحاسب كل من هضم بنت النبي و كل من فجعها
و بسيفك يتساءِل عن ظلم الأوائل تصيح بحزن ليش انكسر ضلع الوديعة

بسيفك تحاكم كل طاغي ظالم كل من على حدود الشرع داس و تعمد
عالزهراء أمك تحجي و يا خصمك و تقل له شنهو اللي جِنَت بضعة محمد
ياللي هضمتها شلون ظلمتها ليش اعصرتها و على الأرض محسن توسد
باطل عملكم ويا الزهراء الكم وقفة طويلة بالحشر و الباري يشهد
بسيفك من تجيهم لا تصدق حجيهم أول حكم بيهم صدر ضلع الوديعة

السيف بيمينك ماتغفى عينك لا و الذي جن و انس صارت تعبده
قوم اللي تكيده تصلبه بايدك على الشجرة من أول صنم و الثاني بعده
الأول تصلبه لثارك تطلبه و الطالب بذاك الفدك و الحق ترده
و الثاني تقصد من عنده تنشد لمن كسر ضلع الطهر ياغاية عنده
من يبدي الندامة لا تقبل كلامه هو الذي بيده كسر ضلع الوديعة

لا تغفر الهم اقطع نسلهم ذولة الذي قطعوا نسل سيد البرية
بارينا رايد حفظ الأماجد هو الذي حفظ نسل النبي رغم الأذية
الماضي نعوفه الحاضر نشوفه جم زاهد بزاهد ترك نهج الرعية
بإسم الديانة يصرِّح لسانه و بلا حجج ينكر كسر ضلع الزجية
و اليلزم عناده متفيده العبادة يسكن سقر من كل من نكر ضلع الوديعة
من هذا حزنك مايغفى جفنك غايب لاجن يا ابن الحسن عينك تطالب
تشوف الخفايا عندك دراية منهو التزم دين النبي و منهو اليخادع
لون جمعنا كل مجتمعنا بالمية واحد سيدي مخلص مدافع
مؤمن تحسبه لمن تجربه أخس من الشمر دينه المطامع
مسلوبة الضماير عاشوا علمظاهر إلا الذي منهم ذكر ضلع الوديعة

شقد انتظرنا و يا سهرنا نتأمل نجوم السما و ما شفنا نجمك
لقلبك نواسي بهاي المآسي نخلط دمعنا بدمعتك همنا ويا همك
نِحِن لحنينك نِوِن لونينك نتقابل و نجري الدمع عالزهراء أمك
من تحضر النا تجمع شملنا نتمنى لو نحظى بوقت هالطلة يمك
هالطلة الرشيدة و الغرّة الحميدة و بطلعتك قول انجبر ضلع الوديعة


للإستماع من هنا

يتبع ,,

صوت الزهراء
21-07-2008, 04:11 AM
بسم الله الرحمن الرحيم

اللهم صلِ على محمد وآل محمد وعجل فرجهم


طلعن خوات حسين


طلعن خوات حسين طلعن يسألنَّ وحدك اجيت النا وين التكفلنا
عباس اخونا وين اشعندك خبر عنا و يناشدن منا وين التكفلنا
جاوبهم المظلوم غاب القمر هاليوم

من راح ابو السجاد صوب الشريعة راح و لقى العباس جفوفه قطيعة
للخيمة رد ردود بنوح و فجيعة تلقنًّ بالصرخات بنات الوديعة
لمخيمك رديت وحدك يا والينا وين القمر وينه ننتظره ظلينا
للخيمة وحدك جيت يالوالي حاجينا نار العطش بينا ننتظره ظلينا
نادى بقلب مهموم غاب القمر هاليوم

سبط النبي من شاف حالة خواته تتسافح من العين دمعة بناته
جمعت عليه النوب كل نايباته يتمنى صار الموت تخلص حياته
ببا الخيم محتار يتأمل أطفاله و يشاهد الحالة شيخبر اعياله
دلاله يلهب نار شيطفي دلاله و انقطعت آماله شيخبر اعياله
شينطي خبر و علوم غاب القمر هاليوم

كل لحظة بالدمعات تقصد له طفلة تنظر له عين بعين تبجي و تصد له
هالطفلة بالعبرات صارت تسأله يا بوية عمي وين مهمومة لأجله
شيجاوب الأطفال باب الخيم لمة و تجمعوا يمه محتار أبو اليمة
ساكت غدة بهالحال ماتطلع الجلمة زاد و كثر همه محتار أبو اليمة
و على الجفن مرسوم غاب القمر هاليوم

ساكت وقف محتار و عيونه تدمع طفلة و تريد جواب من عنده تسمع
حاير وقف شيقول ياجلمة تطلع و يشاهد الرضعان بالدمعة ترضع
لن زينب تناديه حاجيني يبن امي يالزيدت هضمي همك مثل همي
شعندك خبر تخفيه ادري القمر مرمي جسمه وقع مدمي همك مثل همي
صاح شيفيد اللوم غاب القمر هاليوم

نادى بقلب محزون جمراته تلهب يم النهر عباس عفته يا زينب
طايح بلا جفين بالدم تخضّب سهم القدر بالعين طاح و تصوّب
القيته على جرف الماي متوذر القيته لمن تعنيته ياما ترجيته
ناديته قوم وياي يا خوية ناديته بدموعي حاجيته ياما ترجيته
و جروه تجري دموم غاب القمر هاليوم

ودعت اخوية اهناك و دموعي تجري ظهري انكسر و امشيت ايدي على ظهري
اتخطى على الجمرات امشي على صبري فوضت من فرقاه للباري أمري
يازينب و تدرين بطبع الصبر بينا بالرحمة بارينا هو اليجازينا
و الواجب تصبرين هالمحنة تكفينا متقدر علينا هو اليجازينا
و بحكمة القيوم غاب القمر هاليوم


للإستماع من هنا

يتبع ,,

صوت الزهراء
21-07-2008, 04:12 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. مولاي علي ..


مولاي علي خير ولي فارس خيبر برجاك بحماك في ساعة المحشر

لمن صِحِت حامي الحما حيدر علي مولاي نعم الولي ارض و سما قامت تصيح وياي
حبك علي بمسرى الدما يسري بجميع أعضاي بيك انتخي بكل مؤزمة و ساعة عسر دنياي
آمنت بكَ حبي لكَ لا يتغير برجاك بحماك في ساعة المحشر

حبي الك عن معتقد من عالم الأصلاب باسمك لهج من المهد قلبي بمحبتك ذاب
عن هيبتك واحد أحد يشهد يا داحي الباب و بكل حرب طبعك أسد يمفرق الأحزاب
حسامك كم حربة حسم سيفك حيدر برجاك بحماك في ساعة المحشر

نص النزل عن بيعتك بيده اللغي المختار أنت الوصي و أن نكرتك شتجاوب الجبار
و البايعك و الوالتك فازت يا حامي الجار يا أبا الحسن و بيمنتك جنة عدن و النار
الحق معك من خذلك انه يخسر برجاك بحماك في ساعة المحشر

مثلك علي بين البشر بالدنيا ما موجود دين النبي بيك انتصر و اسمك حليف الزود
عن موقفك طول الدهر يا أبا الحسن مشهود تقوى و علم زود و فخر عدل و كرامة و جود
من مثلك من كان و لن مثلك يظهر برجاك بحماك في ساعة المحشر

حن القلب و الحضرتك من البعد صديت طال البعد لزيارتك يا ابا الحسن حنيت
يمتة الفرج و لشيعتك يلتم شمل ياريت رايد قبر يم قبتك بجوارك تمنيت
من غيرك لي يا أملي والد شُبَّر برجاك بجماك في ساعة المحشر



للإستماع من هنا



يتبع

صوت الزهراء
21-07-2008, 04:13 AM
بسم الله الرحمن الرحيم

اللهم صلِ على محمد وآل محمد وعجل فرجهم


أنت نبراس الكرامة


أنت نبراس الكرامة بس الك تحلى الزعامة
هالصوت من قلب المحب يعتلي للموت نهتف يا علي يا علي

نهواك يا أبا الحسن من عالم التكوين و بسيرتك ماضين
بيعة وفا يا علي نبايعك دنيا و دين للعهد ما ناسين
هلدين بيك انعرف يالضارب بسيفين يا طالع برمحين
تشهد بفضلك أُحُد و خندق و صفين تشهد بدر و حنين
مانحك ربك وسامه شافع بيوم القيامة
يالبيك ديجور الهضم ينجلي للموت نهتف يا علي يا علي

لولاك يا أبا الحسن دين النبي ماجان يثبت بهلأركان
بنفسك يا نفس النبي حاجج أهل نجران بالشرف و الإيمان
بسيفك يا سيف الوحي منتصر على الطغيان يا محطم الأوثان
انت الأصل و الفرع للشرع و العرفان و الكرم و الإحسان
دينك مثبت قِوامه انت دستوره و نظامه
يا من ثنيت المحور الجاهلي للموت نهتف يا علي يا علي

عُمَر بن ود من نزل بالحومة صال و جال تتراجف الأبطال
بس انت يا أبا الحسن قابلته و بهلحال ماهمتك آجال
و بضربتك لابن ود لو جانت على جبال عن الأرض تنزال
ضربة عزم يا علي ترجحت على الأعمال فلتسمع الأجيال
دينك بجفك زمامه الخاصمك فاشل خصامه
يا من الحومة بصارمك تصطلي للموت نهتف يا علي يا علي

و بيوم خيبر الك موقف يا حامي الجار مامثله موقف صار
من نزل مرحب هتف مرحب أنا المغوار سيفي يتجادح نار
من سمع صوتك صحت آنة علي الكرار مرحب شرد محتار
و إبليس غشه و رجع لجن رجع منهار و بوجهة لِبَتّار
ضربتك ظلّت علامة و بعد شتفيد الندامة
يا من لرب العرش حجة و ولي للموت نهتف يا علي يا علي

رب العلا يا علي بهذا الاسم سمّاك ويا النبي خاواك
مفتاح كنز العلم رب الجلالة انطاك و تسلم بيمناك
يا نور ذات القدس لوما شرف معناك ما دارت الأفلاك
و احنا على ذاك العهد نوالي الذي والاك و نعادي من عاداك
و المحب صار التزامه بالنبوة بالإمامة
تقديس ذاتك بالبيان الجليل للموت نهتف يا علي يا علي

كل العِوالم الك خضعت يا ليث الغاب يا جوهر الأطياب
يا نور ذاك الوحي يا وسفة بدرك غاب عن ناظر الأحباب
و مضمرات الحرب صاحن بصوت مصاب صوابك شلون صواب
يا وسفة كل الوسِف عقبك يا داحي الباب صار أظلم المحراب
عسعس الكون بظلامة و القلب شاجر ظرامه
هيهات حزن البلقلب ينسلي للموت نهتف يا علي يا علي

دمعة مناحة فاضت يا بدر التام بالحزن و الآلام
كهف اليتامى جنت و انفجعت الأيتام من رحت يا ضرغام
مصيوب دين النبي و انهضمت الأحكام و اتيتم الإسلام
طاحت أركان الشرع يا من رحت منضام وسفة العمر مادام
يا كهف كل اليتامى سيرتك عفة و شهامة
منهل مصابك بالجفن يغتلي للموت نهتف يا علي يا علي


للإستماع من هنا


يتبع ,,

صوت الزهراء
21-07-2008, 04:13 AM
بسم الله الرحمن الرحيم

اللهم صلِ على محمد وآل محمد وعجل فرجهم


أم أبيها


أم أبيها سينجيها من مآسيها من مآسيها

هاي الوديعة البيها دين الله اعتصم لم الغدر أولاده و عليها هجم
هجموا عليها و اضلع من عندها انهشم منها و بدا تتوافد أمواج الألم
من يواسيها أو يحاميها من مآسيها من مآسيها

موجنها بنت المصطفى سيد البشر من كل كتر حاطوها أحفاد الدهر
هجموا عليها و الضلع منها انكسر وبيت الوحي بنار الغدر شب و استعر
بنت هاديها جمرةُ فيها من مآسيها من مآسيها

لاذت ورى الباب و طفح موج الدمع ناحت و لا منهم غيور و يرتدع
من كل كتر يتوارد عليها الفزع طيحوا حملها و انهشم منها الصدر
أين حاميها هل سيكفيها من مآسيها من مآسيها

بيمن البضعة تنتخي و ياللعجب حاطتها لوعات و غصص من كل مهب
كسروا ضلعها بلا ذريعة و بلا سبب وفوق الكسر بيت الوحي بنار التهب
كل طاغيها بات يسقيها من مآسيها من مآسيها

حقها انغصب و انغصب حق فارس بدر وبهالمصيبة انطوت صفحات العمر
هالدهر من يكسر كسر ماينجبر ولا يشفى جرحه بالمراهم و الصبر
كيف يشفيها و هو يعطيها من مآسيها من مآسيها

انصابت الزهراء و هالمصاب أصبح جلل وعلة ضلعها امضى من كل العلل
طيف العمر من عندها بالهم اكتمل وعليها ظل يتخافق جناح الأجل
صوت ناعيها ليس يأويها من مآسيها من مآسيها


للإستماع من هنا

يتبع ,,

صوت الزهراء
21-07-2008, 04:14 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. هذا حسين ها هنا ..



هذا حسين ها هنا قد مزقوه بالقنا يا فاطمة يا فاطمة

أدعو و دمع العين لصوتي صدى يا بنت من يجري بكفيه الندى
هذا حسين جسمه بين العدى قد مزقته اليوم أسياف الردى
أبكى عليه الأعينا بل أثكل كل الدنا يا فاطمة يا فاطمة

كأنني ألفيتُ تلك الزاكية قد أقبلت للطف و هي باكية
تخطو أسا بين الجسوم الدامية فجاء صوتٌ من دماءٍ جارية
صوتٌ من النحر دنا لا تبحثي هذا أنا يا فاطمة يا فاطمة

جاءت إلى الجسم بدمعٍ سوكبا كي ما تسل بأي ذنبٍ خوضبا
أجابها خامس أصحاب العبا من غير ذنبٍ قطعوني بالضبا
غدا يلاقوا ربنا يحكم فيما بيننا يا فاطمة يا فاطمة

أماه لو تدرين ماذا قدر جرى سبعين ألف جائرٍ عيني ترى
كأن جدي لم يكن خير الورى ألقوا جسمي داميا وفق الثرى
كأن جدي قد جنى ذنبا أحل قتلنا يا فاطمة يا فاطمة

ما إن رءوا جسمي خضيبا بالدما جاءوا بنارٍ أحرقوا المخيما
ما افضع المصاب بل ما اعظما أبكي بني ارضي و سكان السما
لم يلقى جسمي مدفنا و بالرماح كفِّنا يا فاطمة يا فاطمة


للإستماع من هنا



يتبع

صوت الزهراء
21-07-2008, 04:15 AM
بسم الله الرحمن الرحيم

اللهم صلِ على محمد وآل محمد وعجل فرجهم


مهلاً مهلا يبن الزهراء


مهلاً مهلا يبن الزهراء يبن الزهراء مهلا مهلا
هذا عليٌ مرتضى تبكي له الزهراء أم ذا حسينٌ أقبلت لوداعه الحوراء
مهلاً مهلا يبن الزهراء يبن الزهراء مهلا مهلا

بقلب تتنازف جروحه و جفن ما فارق الأعبار
شفت خيل و ظلام و خوف وداع و نايبة و أكدار
شفت خيمة رسول الله و بناته محجبة بشفار
اجت ربة خدر تحجي ويا واليها بدمع مدرار
حِرِت أم الحسن هذي حزينة تودع الكرار
لو هذي الإجت زينب لعد ريحانة المختار
يا ليلةً في حزنها أبكت رسول الله من ذا يصبِّر في غدٍ طه لما يلقاه
هذا دمعٌ يطوي الليلا يبن الزهراء مهلاً مهلا

هذي ليلة العاشر كئيبة و موحشة و ظلمة
نزل لخيام أهل بيته يتفقدها نبي الرحمة
يشوف هنا طفل يبجي و يودع بالحزن عمه
و هنا طفلة مهضومة على أبوها و تنتحب يمه
و هنا أم تودع شاب لصدرها الطاهر تضمه
و رضيع هنا يحن و يلوب و ترضعه بالدمع أمه
و هنا عقيلةُ حيدرٍ في غمرة الأحزان تدعو سنلقى في غدٍ مايُقرح الأجفان
من نحرك لا نحرٌ أغلى يبن الزهراء مهلا مهلا

بجفن دامي رسول الله الوداع العترة يتفكَّر
و كل ما يجزن الساعة لهيب الفاجعة يكثر
لا شك يعلم الهادي جبين الفجر لو أسفر
يشوف على الترب أجساد بسوف البين تتوذر
باجر من جفن زينب دموع الزهراء تتفجَّر
و جسم حسين يتقطَّع بسيف اللي طُبَر حيدر
في ذمة الله غداً يجري دم الأكرام و مآتم الحزن غداً في العرشِ سوف تقام
عن خطبك لا خطبٌ جلاّ يبن الزهراء مهلاً مهلا

اجى الليلة رسول الله تحمله موجة الأحزان
حضر توديع أهل بيته اختنق بالحسرة و الأشجان
الهادي بيا صبر يصبر لَوَن باجر بدى الميدان
شراح يقول لو شاهد جثث تنزف على الكثبان
يعين الله النبي يعاين فجيعة تشيب الرضعان
على روس العوالي الروس و على وجه الثرى الأبدان
لو لم يقُم للمرتضى يوم الغدير لواء ما كان من أبناءه يجري غديرُ دماء
هذا صوتُ الملأِ الأعلى يبن الزهراء مهلاً مهلا
مصايب قل ما تحدث الباري بعرشه راسمها
جثث تهوى بهجير الطف صريعة مضرِّجة بدمها
حراير ثاكلة و أيتام تشب نيران بخيمها
هاي العيلة جف الموت من ولياها يحرمها
يجي بنفسه رسول الله يتامى و خدَّر يلمها
ليست دماؤك يا حسينٌ تجري في البيداء تجري دماءُ المرتضى من تلكم الأشلاء
و جراحكَ آياتٌ تتلى يبن الزهراء مهلا مهلا



للإستماع من هنا

يتبع ,,,

صوت الزهراء
21-07-2008, 04:15 AM
بسم الله الرحمن الرحيم

اللهم صلِ على محمد وآل محمد وعجل فرجهم


يلوموني دمعتي عليك أجريها


حسين حسين حسين حسين حسين حسين حسين حسين

يلوموني دمعتي عليك أجريها ما يدرون الك هلروح افديها
حسين حسين حسين حسين حسين حسين حسين حسين
يا هو بهلبشر شايف محن مثلك على صدرك يا بو اليمة نذبح طفلك
هالعالم لَوَن كله انفنى لأجلك ما أظن قطرة من دمك يوافيها
حسين حسين حسين حسين حسين حسين حسين حسين

أتمنى لَوَن راسي الك مقطوع و لا راسك يظل فوق الرمح مرفوع
يلوموني من أهِل و أجري عليك دموع فرقتك يا دمع يا دم يساويها
حسين حسين حسين حسين حسين حسين حسين حسين

لَوَن كل البشر تفدي و تضحي جسوم من جروحك جرح ما تساوي يا مظلوم
على مصابك انوحن و اليلوم يلوم و أطفّي عيوني لو دمعاتي تعصيها
حسين حسين حسين حسين حسين حسين حسين حسين

لَوَن آنة و هلي و أولادي نتوذر ما نعادل جرح من جثة الأكبر
و شلون الك عين و شافته معفّر و قبالك شفن جثته موذريها
حسين حسين حسين حسين حسين حسين حسين حسين

يالجسك وقع و انفصل عنه الراس لَوَن تهوى و تطيح جفوف كل الناس
و حقك ماتعادل يمنة العباس و لا من نحره قطرة دم تجاديها
حسين حسين حسين حسين حسين حسين حسين حسين

لَوَن رضعان هالعالم ضحايا تروح لَوَن دمهم نهر فوق الأرض مسفوح
متساوي مصيبة طفلك المذبوح رضيعك بالسهم رقبته مطوقيها
حسين حسين حسين حسين حسين حسين حسين حسين

و حقك لو نظل طول العمر ننحب ما نقدر نجازي دمعة من زينب
يوم الشافت خيام الأهل تلهب على التل اوقفت تصرخ يا واليها
حسين حسين حسين حسين حسين حسين حسين حسين

تصيح بصوت مصحوب بدمع مدرار قوم ادرك خواتك يبن حامي الجار
و خيامك عِفِت بيها السلب و النار و أطفالك حوافر تسحق عليها
حسين حسين حسين حسين حسين حسين حسين حسين

للإستماع من هنا

يتبع,,,

صوت الزهراء
21-07-2008, 04:16 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. مفروض عالناس..


مفروض علناس حبك يا علي علاّك رب العرش علاك غصبا على عداك

يا علي اختارك الباري بعلمه و بغامض أسراره
صوّرك من نور ذاته و بهجتك بهجة أنواره
و صاغ الك من لطف ذاته نفس بأحكام اقتداره
الباري مثيله مثَّلك أمّرَك حتى على الملك
و سلَّمك دوران الفلك و درت للعالم مداره
وجدان الأفلاك وجودك يا علي و زمامها تسلَّم بيمناك غصبا على عداك

يا علي هيكلك قدس و جوهر التقديس ذاتك
من خلق غير ابن عمَّك ما تسلّم درجاتك
و بمغيب الشمس لمَّن رِدِت لا تقضي صلاتك
و الفلك دورانه وقف قرص الشمس رد و انعطف
لأمرك و بالطاعة اعترف و هاي أسهل معجزاتك
مانعتجب بيك و ندري بقدرتك من قدرة الله تسير الأفلاك غصبا على عداك

يا علي بمصباح مدحك نور فاكرته و شعوري
لو سرى بفضلك لساني عليَّ تتساهل أموري
و استقر لك بالولاية قبل ما اقر بنشوري
يالحبك بريجي حلى و القلبي منك مثَّله
سطرين أشوف مسجِّلة و بمعانيهم سروري
أول التوحيد و بثاني سطر حبك و حبك حمل والاك غصبا على عداك

يا علي تلثمية آية تصِّرح بفضلك و تشهد
و آية التبليغ نزلت بيها إنذار لمحمد
و أعلن بخطبته الهادي و صار الك بالخطبة منفذ
ما حملته عيون الحسن من شافت الحق انرصد
بالتاج و التاج انعقد باسمك و بالله تأيد
و براسك التاج معاني يا حلت و نصان من جوهرك معناه غصبا على عداك


للإستماع من هنا



يتبع

صوت الزهراء
21-07-2008, 04:16 AM
بسم الله الرحمن الرحيم

اللهم صلِ على محمد وآل محمد وعجل فرجهم


ردت تفسير

صحت شيصير ردت تفسير
شفت بالطيف هاي العجايب قمر مذبوح بين الكواكب
صحت شيصير ردت تفسير

أقضّي الليل سهرانة ذِبَل من السهر جفني و يعيش وياي هضم دنياي
بشير الود نُفَر عني و لا لحظة يصادفني و قطع رجواي هضم دنياي
و من كثر التعب عيني غفت و النوم ضيَّفني و نست عيناي هضم دنياي
لن هذا الحلم شفته صحت تفسيره يكلفني فقد للراي هضم دنياي
نمت لحظات شفت نجمات
تشع و تنور وسط المحامل و عليها الكون يمطر عواسل
بضعنها تسير ردت نفسير

نمت لحظات كل لحظة علي جنها شهر صارت شفت بالنوم قمر و نجوم
شفت ذاك الضعن يمشي شمس ويا الضعن سارت عليها تحوم قمر و نجوم
تراوى لي الضعن َنوََّغ بأرض كربي و بلغ تارت ارض و تروب قمر و نجوم
أرض رفعت روابيها بإسمهم صاحت و شارت لفتني اليوم قمر و نجوم
على التيجان بنوا صيوان
خيم و عيال وسط البوادي بأهلها تحيط بيض الهنادي
و عليها تشير ردت تفسير
شفت من عالم أحلامي صور خلتني اتكدَّر بهداوة ليل رجال و خيل
صور ترهب مشاهدها الجبل من عندها يتذمَّر تهد الحيل رجال و خيل
مثل موج البحر طفحت أظن سبعين ألف و أكثر حسبتهم زين رجال و خيل
تقرَّب هالبحر يمي شفت لن هالبحر عسكر صحت يا ويل رجال و خيل
البحر طفّاح يفيض رماح
إجت أمواج خيل و كتايب مشهرة سيوف صوب المضارب
تريد تغير ردت تفسير

عقب ماهالبحر شفته شفت بالجانب الثاني شمس و بدور تشع و تنور
يريد البحر يخفيها لجنها بثوب عرفاني يحفها النور تشع و تنور
طلع منهم قمر يهتف انا الدقيت صيواني و بنيت خدور تشع و تنور
و اخوتي اللي تسيل الهم تعاضدني على عدواني تمد نحور تشع و تنور
و أخونا اليوم تحيطه القوم
قمر و يصيح و بعيني شفته ذكرت عباس لمن سمعته
بلا تحوير ردت تفسير

أنا أم الأربعة بقلبي نمت تمرح دواه الهم لهيب النوح يفت الروح
عساني ميتة بطيفي و لا أشوف الهضم خيَّم بنظر مشبوح يفت الروح
شفت شَبَه النبي الهادي بدر غاب بمسيل الدم وقع مجروح يفت الروح
مثل جاسم شفت كوكب وقع فوق الثرى مخذم لجن مذبوح يفت الروح
و أشوف شموع تسيل دموع
شفت أقمار تشبه بنيني على التربان شافتها عيني
بوعي و تفكير ردت تفسير


للإستماع من هنا

يتبع ,,,

صوت الزهراء
21-07-2008, 04:17 AM
بسم الله الرحمن الرحيم

اللهم صلِ على محمد وآل محمد وعجل فرجهم


كيف تفجر أضرحة الأطياب


كيف تفجر أضرحة الأطياب نستكر كل رموز الأرهاب
هذا صوت يتجسد صبراً يا آل محمد
نستكر كل رموز الإرهاب

بوفاتك ياعلي السجاد العالم ينحب باسره
مثل ما يطفح البركان جمر تتطافح العبرة
وننصب ماتم بكل عام دمعنا ونحيي هالذكرى
لچن يازينة العباد هالعام اختلف امره
گبر شبلك علي الهادي تهدم وانجهل قدره
مثل ماهدموا گبرك بسامرا انهدم گبره
كل منا يعلم ما الاسباب
حقد ماض يتجدد صبرا ياال محمد

عليكم يابني الزهرة غربان المصيبة تحوم
مصابك ياعلي السجاد مصابين اصبحن هاليوم
رحت مسموم وبچبدك تگطع شفرة المحتوم
مثل حالك علي الهادي گضى بسم الغدر مسموم
گوم الهدموا گبرك نفس هالزمرة نفس الگوم
فجروا مرقد الهادي مثل گبرك صبح مهدوم
فانقلبوا في الذل على الاعقاب
والله عليهم يشهد صبرا ياال محمد

صبركم يابني الزهرة فلا صابر بلغ حده
بين الگطعوا وريده وبين الوذروا جبده
الدهر ماخلى من عدكم حتى اليرضع بمهده
وانته ياعلي السجاد شفت چم لوعة چم شدة
شفت چم ظالم وملعون عليكم ظل يصب حقده
زمرة وما خلص منهم حتى النايم بلحده
كم من حق غادره السلاب
ان الارهاب تمرد صبرا يا ال محمد

مرابعكم صفت بلقع وسنين العمر ظلمة
مصابك ياعلي السجاد جبل فوگ الگلب همه
الدهر باليكم باشرار لا رافة ولارحمة
يزيد بكل عصر موجود نفس جوره ونفس ظلمه
وشمر الگطع راس حسين وخضب شيبته بدمه
اجت من بعده احفاده لگبر العسكري تهدمه
تلك رؤوس الشر وذي الاذناب
هذا تاريخ اسود صبرا يا ال محمد

الك يازينة العباد سؤال الوادم يوجهوه
ليش المرتضى جدك من دم طبرته يخضبوه
وليش الگطع راس حسين وجسمه بلا دفن خلوه
چبدك ليش يتگطع وگبرك سيدي يهدموه
خلي نگول ماضي وراح الحاضر خلهم يشوفوه
ليش لمرقد الهادي وابنه العسكري يفجروه
اين العالم عن تلك الانصاب
صرخة حق تتردد صبرا يا ال محمد

زمرة تمردت من يوم ضلع الطاهرة المكسور
ومن ضربة ابن ملجم لحيدر من وگع مطبور
نفس هالزمرة هالاجلاد گطعوا بالطفوف نحور
عصابة كل زمن تظهر نفس الظلم نفس الجور
ذبحوا قتلوا وفجروا مراقد هدموا وكبور
لازم ينوضع من حد لكل ارهابي كل ماجور
اين العالم عن فعل الغصاب
درب للثار تعبد صبرا يا ال محمد


للإستماع من هنا

يتبع,,,

صوت الزهراء
21-07-2008, 04:18 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. ما أنسى عاشور..


ما أنسى عاشور ذبحوا زلمنا حرقوا خيمنا
سبي الحرم و الأطفال ما ينمسح عن البال
حرقوا خيمنا

عليل آنة و زماني لروحي ألمَّها عواميد الصبر بحشاي هدَّمها
شلون أنسى مصيبة كربلاء و همها اشأنسى رقاب أهلنا اللي نزف دمها
لو أنسى اليتامى الحرقوا خيمها لو أنسى الحَرَم ما ظل ولي يمها
من مهجتي يفيض دمع الحراير دم المناحر دم المناحر
دم الذي بالطف سال ما ينمسح عن البال


عوَّدني زماني على الحزن و النوح و مشاهد كربلاء عن الفكر متروح
بقلبي شكثر طبرات و طعن و جروح جم لوعة بعد تقدر تشيل الروح
اخوية الأكبر قبالي وقع مذبوح و بعيني شفت دم النحر مسفوح
للأكبر مصاب ما تطفى ناره دمعى تجارى دمعي تجارى
فقده انرسم بالدلال ما ينمسح عن البال


شكثر قوم آل أمية لروحي فجعوها و دمعتي بزفة العريس أجروها
بدال شموع عرسه رماح شالوها و من دم الوريد جفوفه حنوها
بعيني شاهدت أوصاله وذروها جثة ابن عمي بدمع غسلوها
ما أنسى جسّام و اشأنسى منه بالدم تحنى بالدم تحنى
بعيني شفت ذاك الحال ما ينمسح عن البال

ما شافت عيوني على الترب ابدان أشوف بدور و تهاوت على التربان
رِحِت صوب الشريعة مطوَّق بأحزان أتخطى على همي و أمشي عالنيران
شفت يم النهر قمر عدنان صريع بلا راس مقطَّع الذرعان


للإستماع من هنا



يتبع

صوت الزهراء
21-07-2008, 04:18 AM
بسم الله الرحمن الرحيم

اللهم صلِ على محمد وآل محمد وعجل فرجهم


بهذي عبراتي

بهاذي عبراتي أطفي جمراتي

و أنتة تدري يالحسن كَلـبي وياك ندفن

آه آه آه خوية

----------- 1

يالحسن فكَدك دهاني ماجت بحور الدمع طفحة العبرة

بفكَدك نعادة مصيبة جدنة وآنة المنفجع أطفي يا جمرة

نعشك يذكرني حيدر والدي الضل منصرع و أذكر الطبرة

مصيبتك عادة مصيبة فاطمة وذاك الضلع و ذكرة كسره

و أنتة يالغالي عايش بالي

ريته لا طال الزمن كَلـبي وياك ندفن

آه آه آه خوية

----------- 2

شيعة نعشك يخوية بعبرة و هموم وألــم والدمع يجري

نهدم ثلث العزم مني وثلث من حلمي نهدم و ثلث من صبري

بكل سهم نعشك تصوب أشعر بكَلبي السهم وختلف أمري

كَبل لا ينختم عمرك عمري يا ريت أنختم ولا عشة عمري

بغيمة همومي غابت نجومي

شمسك وشمسي ختفن كَلـبي وياك ندفن

آه آه آه خوية

----------- 3

بيدي نزلتك الكَبرك ريت كَبلك هالكَبر بيه ينزلوني

كَبل لا ينحفر لحدك ريتة ليه ينحفر و بيه يدفنوني

بعدك شتسوه حياتي شتنفع أيام العمر يا ضوه عيوني

نار فكَدك يا عضيدي حركَة أوراق الصبر و نخطف لوني

يالغبت عني يالرحت مني

موتي وياك نعلن كَلـبي وياك ندفن

آه آه آه خوية

----------- 4

عصفت رياح المصيبة و ريت لا نسمه تهب خوية من بعدك

دمعي مهما يجري يعجز يطفي كَلبي الملتهب من جمر فكَدك

بحر للأحسان جفك وسفة هالماي العذب يختفي بلحدك

جبدك تكَطع كَبالي بعيني شاهدتك تذب بالطشت جبدك

دفنتك بروحي يا دوه جروحي

صارن جروحي جفن كَلـبي وياك ندفن

آه آه آه خوية

----------- 5

جسمك دفنتة بدية عفت كَلبي بـحفرتك يا بعد كَلبي

و رجعت للدار أنحب والنحيب الفركَتك والصبر حسبي

أمشي وتلفت يخوية بعيني هاذي بغيبتك عالكَبر تربـي

ريت وافتني المناية كَبل ساعة موتتك ينكَضـي نحـبي

بلوعة آلآمي يكَضن أيامي

و أحمل هموم ومحن كَلـبي وياك ندفن

آه آه آه خوية

----------- 6

شلون أعيش العمر بعدك و أنتة بتراب اللحد جسمك تواره

و المصاب الفطر جبدي يا عضيدي بكل جبد ضلت آثاره

جروح تتنازف دماهة بيش أضمد بيش أشف روحي محتاره

آه يا لـوعـة مـصابي آه يا جـمر الوجد بالـكَلب ناره

ليلي و نهاري تستعر ناري

يا سليل المؤتـمن كَلـبي وياك ندفن

آه آه آه خوية


للإستماع من هنا
يتبع ,,,

صوت الزهراء
21-07-2008, 04:19 AM
بسم الله الرحمن الرحيم

اللهم صلِ على محمد وآل محمد وعجل فرجهم


يا شايلين النعش


يا شايلين النعش رحتوا بالنعش وين ما تسمعون الحسن هاليصرخ و الحسين (4أبيات)

يا شايلين النعش ردوا ابنعش أبونه ريضوا براعي النعش لعياله يجونه

بسما يشوفون الولي وويودعونه تسجب بناته يم أبوها دمعة العين

ريضوا اسويعه بس أحب راسه و أشمه و أنثر شعر راسي و أصبغه بفيض دمه

شد جرح راسه يالتغسله لا تلجمه ياللي اتحفر للقبر وسده بالقبر زين

خذني يشيال النعش للقبر وياه يا من تريد الله عليّه صعب فرقاه

ايحك لي لنوح اعليه طول الدهر و انعاه و ألطم عله افراقه و أزيد اللطم كل حين

ما اتشوف سيف الرجس من خضب جبينه ايذوب يجدي مهجتي من أسمع ونينه

ايلوج و يصد لينه يجدي بطرف عينه للحسن مره يديرها و مره للحسين



للإستماع من هنا

يتبع,,,

صوت الزهراء
21-07-2008, 04:20 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. لولا سقوط جنين ...

لولا سقوط جنين فاطمه لما .. اودى لها في كربلاء جنين
وبكسر ذاك الضلع رضت اضلع.. في طيها سر الاله مصون

ياقلب ماهذا شعار متيم ولعل حال بنو الغرام فنون
خبر فخطبك غير طارقه الهوى ان الهوى عما لقيت يهون
مابرحت بك غير ذكرى كربلا فأذا قضيت بها فذاك يقين

ورد بن فاطمه المنون على ضماً ان كنت تأسف فل تردك منون
ودع الحنين فأنها العضمى فلا تأتي عليها حسره وحنين
ظهرت لها في كل شيئ ايه كبرى فكاد بها الفناء يحين

بكت السماء دماً ولم تبرد به كبد ولو ان النجوم عيون
ندبت لها الرسل الكرام وندبها عند المعارج فيهم مسنون
فبعين نوح سال ما اربى على ما سار فيه فلكه الشحون

وبقلب ابراهيم ما بردت له ما سجر النمرود وهو كمين
ولقد هوى صعقاً لذكر حديثها موسى وهون مالقي هارون
واختار يحيى ان يطاف برأسه وله التأسي بالحسين يكون


واشد مما ناب كل مكون من قال قلب محمد محزون
فحراك تيم في الظلاله بعده للحشر لا يأتي عليه سكون
عقدت بيثرب بيعه قضيت بها للشرك منه بعد ذاك ذنون


برقى منابره رقى في كربلا صدر وظرج بالدماء جبين
وكذا علي قوده بنجاده فله علي بالوثاق قرين
وكما لفاطم رنه من خلفه لبناتها خلف العليل رنين

وبزجرها بسياط قمفذ وشحت بالطف من زجر لهن مثون
وبقطعهم تلك الاركه دونما قطعت يد في كربلا ووثين
لاكنما حمل الرؤوس على القنا ادهى وان سبقت به صفين
كل كتاب الله لكن صامت هذا وهذا ناطق ومبين

للإستماع من هنا

صوت الزهراء
21-07-2008, 04:20 AM
بسم الله الرحمن الرحيم

اللهم صلِ على محمد وآل محمد وعجل فرجهم


يكفي الهضم والنوح

يكفي الهضم و النوح روحي يا روحي
ما شفت مثلج روح روحي يا روحي
و جم بدر عني غاب و بالمرض جسمي ذاب


يا روحي تدريني عليل و مهموم يكفي النحب يكفي الهضم يكفي اللوم
يا روحي بيدي ادفنت ابويه المظلوم يوم الدفنته ما شفت مثله يوم
و ما تنفع العبرات و الأمل عنج فات
اصوابج اشلون اصواب و بالمرض جسمي ذاب


اشلون أنسه همي و عالمحن أتصبر و إقبالي قطعوا نحر أخويه الأكبر
ابعيني شفت جسمه ذبيح اموذر يا روحي لو قلبي صخر يتفطر
و كل ساعه أصيح ابصوت امطوحه اضعون الموت
الأكبر إقبالي انصاب


يا روحي لا تنشدين عمي وينه يم الشريعه اتقطعت جفينه
صابه العمد و السهم صوب عينه ابدرب الصبر منهو الذي ايدلينه
و هذا النحب شيفيد بالدمعه ناري اتزيد
يا وسفه ظني خاب


أربع اسهام انصبت و اشلون اسهام الدنيه و أميه و الدهر و الأيام
ما شفنه بالطف غير نوح و آلام و بوسط قلبي انطفت شمعة جسام
علشباب المذبوح و علصريع المطروح
إقبالي ذبحوا هالشاب


و الخله قلبي ايذوب من آلامي من شفت عبدالله ذبيح و ظامي
يوم القطعوا منحره جدامي قطعوا اظنوني و خيبوا أحلامي
و علرضيع المصيوب ابدم النحر مخضوب
و بعد شيفيد اعتاب


ابعيني شفت غارات اخيول الأشرار و النار آه النار شيطفي النار
فوق العلل ظليت بالطف محتار لا أخوه ظلت لا حماة و لا دار
و بالهضم صوتي صاح و الكفل ضعني راح
محد ايرد اجواب

عفت الاجساد اموسده فوق ارمال و الظعن عن اجسوم أهالينه شال
حال الحرم يا روحي ما مثله حال و انفجع قلبي من صريخ الأطفال
و لليسر بالآلام و يه الحرم و الأيتام
و بالحزن راسي شاب


للإستماع من هنا

يتبع

صوت الزهراء
21-07-2008, 04:21 AM
بسم الله الرحمن الرحيم

اللهم صلِ على محمد وآل محمد وعجل فرجهم


ماذا جرى


عيـــوني تـجري وما تجف دمـوعها نبـــــع مــــن طبرة عـــــلي ينبوعها


عيــــوني تـجري وانفگد منها النظر واســــمعت ون الحمام اعلى الشجر

ونّــــت بألحان وانــــغام الـــــوتـــــــر وبـــــالنحب گــــامت تـــفسّر روعها


ترگص اعلى الغصن والمدمع يسح مثــــل رگــــص الطـــــير لمّـن ينذبح

وآنــــه يـــم الشــــــجر گلبي مـنجرح وروحــــي آلام الــــزمان تـــــلوعها


واگــــعدت متـــــنومس ابفي الغصن استــــــمع ونّ الحـــــمامه مـــن تون

عاشـــگ الـــــنوح ويسليني الحـزن ودارس الــــونّه ونـــــغمها ونوعها


اسمعت ونها وناشدت عن الاسبـاب جــاوبت ما صـــاب گلبك هالمصاب

گــــلب مـــا ادري وردت منچ جواب گــــالت انــــشد هــالبشر وجموعها


مـــن عــــفتها صـــــادفِت ام الفصيل ناشــــدِتها ليـــــا ســـبب دمعچ يسيل

گــــالت اللّيــــله انـفگد حامي الدخيل والجـــــواب عـــرفته مــــن فزوعها


روحـــي هــامت ناحره جناح الظلام بالمصـــــيبه الـــــليله مــاخذها الهيام

مهرعـــه وتـــــنشد على حال الإمـام لمسجـــــد الكــوفه اعتنت بهروعها


گــــبل لا اوصـــــل وعيني اتهل دمه اسمـــعت جـــــبرائيل يهـــتف بالسمه

طــــاح بـــــالمحراب حمـــــاي الحمه والعقــــيده انــــصرعت ابـصروعها


ابـــطحيته اتـــــهدمت اركــان الشرع ومنهـــج الديـــن ابمــــــصابه منفجع

والعـــــقيده امــــست اتــــهل الــــدمع عـــــالاصول الثـــــابته وفــــــروعها


والصــــلاة تــنحب على داحي البـاب ونـــــزلت الامــــلاك تعلن بالمصاب

بهـــــالمصيبه انـــفجعت آيات الكتـاب واحنت عليّـــــه النـــــبوه ظــــلوعها


مبـــــدأ الاســـــــلام يعــــــلن بــالثبور وانـــــخمد نــور الزهه بجانب الطور

دمـــــعة الــــــتورات سالت عالزبور والكــــــنايس خــل تـــطفّي شموعها


راح ســـــر اليــــــعلم ابـــــكل الاديان ولبســــت الكعبه عليه ثوب الاحزان

زمـــزم دمـــــوعه تــــسيل بلا هوان والحـــجر الاســـود صبح مفجوعها


عــــالارض عيــن السمه نثّت دموم والفــــــلك مفــــجوع وايعزّي النجوم

والگــــمر بغـــياب أبــو الحمله يحوم والشمس غـــــابت ابـــبرج طلوعها


محــــنة اليـــوم اشـــد من كل المحن هالارض أشــــرف جسم بـيها اندفن

خـــل يگــوم حسين وايعزي الحسن والاعادي خــــل تـــــذب دروعـــــها


غـــاب عـــنها الچان يسگيها المماة رفـــرف اعلى الكــوفه جنح النايبات

عگــب حامي الجار ما تسوه الحياة خلها تبــــدي للـــفناء خـــــــضوعها


مظـــــلمة الــدنيه عگب حامي الجار الثار يــــهل الـــــثار مـــن ياخذ الثار

بــــعد مــــا نــــعرف الـليل من النهار وجـــفّت ريــــــاض العمر وربوعها

طهران / 1983 م


للإستماع من هنا

يتبع,,,

صوت الزهراء
21-07-2008, 04:22 AM
بسم الله الرحمن الرحيم

اللهم صلِ على محمد وآل محمد وعجل فرجهم


.. نفذ صبري ...

خلص عمري نفذ صبري نفقد صبري خلص عمري

* * *

يا بــــــــا الحسن احسب للأجل لحظات

من حــــــــزني ذبل هرش الدليل ومات

فات الأمـــــــــل عن عــيني يحيدر فات

شيفيد العمر من يگضي بالحســــــرات

يهل دمعي اختلف وضعي ابغدر دهــــري خلص عمري

* * *

دوران الليالي ايـــــــدور بالاوهــــــــام

وبدار الغرب احســــــــب الــــيوم بعـام

گالولي الصبر لهل الصــــــبر أيــــــــام

والأيام صارت بالغــــــــرب اعــــــــوام

انهدم عزمي كثر همي الدمع يجري خلص عمري

* * *

عمري خلص بالــــهم والحزن والنوح

واليفگد حبيب الگلب ويــــــــن ايروح

هذا الگلب بالغربه يلـــــم اجــــــــروح

يمك يا علي يمك تركــــــــت الـــــروح

على جروحي غفت روحي يشب جمري خلص عمري

* * *

كلشي احسبت من عمري يداحي الباب

بس فرگتك ما چنت احسب الها حساب

بدموعي الك اكتب احروف اعـــــــتاب

عـنك مبتعد لا ذنــــــــب لا أســــــــباب

اسهرت ليلي انهدم حيلي انگطع عــــذري خلص عــمري

* * *

مصــيوب الگلب يا با الحسن مصيوب

هــــــــذا الصوت ويه النايبه مصحوب

صار المــــــــثل بينه يا عـلي مضروب

واشحال المحب لو فارگ المحــــــبوب

كثروني انگطع ظني واظن تدري خلص عمري

* * *

ويــــن أنــــطى الوجه يا بعد بيتي وين

انصابت عـــــــيني بفراگك يضي العين

روحي اتصــــوبت يا عـلي بسهم البين

حيرني الدهر بالغربه يا بــــو حســـين

ظهر عــتبي ابجمر گلبي اندهش فكري خلص عمري

* * *

اصرخ بالحزن وينك يحامي الجـــــــار

لا محبوب ظــــــــلل ولا وطــــن لا دار

بدموع الجــــــــفن مــــا تنخمد هالــنار

لحد يالحضرت الشدد يـــــــا كــــــــرار

يسليني دمــــع عـــــيني انشحن صدري خلص عمري

* * *

ناري نار هظمي هـــظم دايــــــــي داي

شوفة حضرتك صــــارت أمــــل دنياي

هالمحنه الإجث گطعت حــــــبل رجواي

طالت يا علي شنهو البــــــصر والراي

ابدمع ودي انجرح خدي انخسف بدري خلص عمري

(طهران ـ 1988م)
قم المقدسة


للإستماع من هنا

تمت بعون الله مكتبة الحاج الملا باسم الكربلائي.. أتمنى أنها قد نالت إعجابكم ..وان يقوم المدير (بتثبيت)

تــوصــي شــيء
03-08-2008, 08:53 PM
شكرا يسلموووووو

لؤلؤة البحر
05-08-2008, 02:27 PM
يسلموووووووووو اختي العزيزه
والله يعطيك العافيه على المجهود الطيب
والله يحفظ الرادود بااااسم الكربلائي

صوت الزهراء
05-08-2008, 02:29 PM
http://up.up700.com/uploads/images/Up700.com-06ba38cfc4.gif

طوق الياسمين
06-08-2008, 01:36 PM
سلمت اناملكم

صوت الزهراء
08-08-2008, 01:17 AM
http://up.up700.com/uploads/images/Up700.com-d93f26b20b.gif

مصايب اهل البيت
16-08-2008, 02:53 PM
مشكورة خيو على القصائد المكتوبة

صوت الزهراء
18-08-2008, 03:49 AM
http://up.up700.com/uploads/images/Up700.com-d93f26b20b.gif

دجحخهعغ
18-08-2008, 10:05 PM
شكرا لك ولموضوعك الجميل

صوت الزهراء
25-08-2008, 12:32 AM
http://up.up700.com/uploads/images/Up700.com-06ba38cfc4.gif

همس الالم
26-08-2008, 02:58 PM
لك الشكرررررررررر والتقديرررررررررررر

صوت الزهراء
16-09-2008, 04:53 AM
http://www.uae-up.com/up3/uploads/d4997dbaa3.gif

الا النبي محمد
07-07-2010, 03:58 PM
قصائد قمة الرروعة

~ كيان الحسن }..
16-12-2010, 03:13 PM
واي واي ماشاآآْء الله

مجهــود راآآئع جدآآآ

تسسلم انآآملك خيوو

ويعطيك ربي الف عاافيه

في ميزآآن حسنآآتكـ


تحياتي